Y-Đaniel 10:1 - Klei Aê Diê Blŭ 2015

¹ Thŭn tal tlâo Y-Sirus jing mtao čar Persơ, mâo sa klei bi êdah kơ Y-Đaniel, lŏ bi anăn Y-Beltisasar. Klei anăn sĭt nik leh anăn hưn kơ klei bi blah prŏng. Ñu thâo săng klei blŭ leh anăn klei bi ƀuh anăn.

Y-Đaniel 10:1 Iomraidhean Croise

Klei Mphŭn Dơ̆ng 41:32

Klei êpei bi êdah dua blư̆ kơ Pharaôn, kyua Aê Diê čuăn leh klei anăn, leh anăn Aê Diê srăng brei ñu truh djăl.

II Klei Yăl Dliê 36:22

Hlăm thŭn tal sa Y-Sirus mtao Persơ kiă kriê, čiăng kơ klei Yêhôwa blŭ leh hŏng ƀăng êgei Y-Yêrêmi dưi bi sĭt, Yêhôwa mčhur ai tiê Y-Sirus mtao Persơ, čiăng kơ ñu ngă klei hưn mthâo tar ƀar ƀuôn ala mtao ñu leh anăn msĕ mơh čih klei anăn hlăm hră:

Y-Êsra 3:7

Snăn diñu brei prăk kơ phung mdơ̆ng boh tâo leh anăn kơ phung krah kmeh, mnơ̆ng ƀơ̆ng huă, mnơ̆ng mnăm, leh anăn êa boh ôliwơ kơ phung Sidôn leh anăn kơ phung Tir brei digơ̆ ba kyâo sêdar mơ̆ng čar Liƀan hŏng êlan êa ksĭ truh ti ƀuôn Jôpa, tui si klei dưi diñu mâo leh mơ̆ng Y-Sirus mtao Persơ.

Y-Êsra 4:3

Ƀiădah Y-Sôrôbabel, Y-Jêsua, leh anăn phung khua djuê ana srael lač kơ diñu, “Diih amâo mâo sa kdrêč mbĭt hŏng hmei ôh hlăm bruă mdơ̆ng sang yang kơ Aê Diê hmei; ƀiădah hjăn hmei pô srăng mdơ̆ng sang yang kơ Yêhôwa Aê Diê phung Israel tui si Y-Sirus mtao Persơ mtă leh kơ hmei.”

Y-Êsra 4:5

leh anăn diñu mưn phung khua kčĕ čiăng kơ̆ng bruă digơ̆ jih jang ênuk Y-Sirus mtao Persơ dôk hdĭp hlŏng kơ ênuk Y-Darius jing mtao kiă kriê čar Persơ.

Y-Êsra 6:14

Phung khua mduôn phung Yuđa mdơ̆ng leh anăn bruă diñu čăt jing, tui si klei hưn êlâo mơ̆ng khua pô hưn êlâo Y-Hagai leh anăn khua pô hưn êlâo Y-Sakari, anak êkei Y-Idô. Diñu bi leh bruă mdơ̆ng sang tui si klei mtă mơ̆ng Aê Diê Israel, leh anăn tui si klei mtă mơ̆ng Y-Sirus, Y-Darius, leh anăn Y-Artasersês mtao Persơ.

Y-Êsra 6:3

Hlăm thŭn tal sa Y-Sirus jing mtao, mtao Sirus ngă sa klei mtă: Bi kơ sang yang Aê Diê ti ƀuôn Yêrusalem, brei arăng lŏ mdơ̆ng sang anăn, anôk arăng myơr mnơ̆ng ngă yang leh anăn arăng ba mnơ̆ng myơr čuh; mdơ̆ng atur anăn bi kjăp; boh dlông gơ̆ srăng jing năm pluh heh, leh anăn boh găn gơ̆ năm pluh heh,

Y-Êsai 44:28

Pô lač kơ Y-Sirus, ‘Ñu jing mgăt biăp Kâo, leh anăn ñu srăng ngă jih klei Kâo čuăn,’ êjai lač djŏ kơ ƀuôn Yêrusalem, ‘Brei arăng lŏ mdơ̆ng ñu;’ leh anăn kơ sang yang Yuđa, ‘Brei arăng lŏ dưm atur ih!’ ”

Y-Đaniel 1:17

Aê Diê brei kơ pă čô hlăk ai anăn mâo klei thâo mĭn lu, klei mbruă hlăm jih klei hriăm leh anăn klei knhâo. Bi Y-Đaniel mâo klei thâo săng kơ jih klei bi ƀuh leh anăn klei êpei ƀuh.

Y-Đaniel 1:21

Y-Đaniel ăt dôk tinăn tơl thŭn tal sa mtao Y-Sirus kiă kriê.

Y-Đaniel 1:7

Khua phung dĭng buăl kriâo bi anăn Y-Beltisasar kơ Y-Đaniel, Y-Sadrak kơ Y-Hanania, Y-Mêsăk kơ Y-Misaêl, leh anăn Y-Abetnêgô kơ Y-Asaria.

Y-Đaniel 10:14

Ară anei kâo hriê čiăng brei ih thâo săng klei srăng truh kơ phung ƀuôn sang ih hlăm ênuk knhal tuč, kyuadah klei bi ƀuh djŏ kơ ênuk êdei.”

Y-Đaniel 11:2

“Ară anei kâo srăng bi êdah kơ ih klei sĭt nik. Nĕ anei, ăt srăng mâo tlâo čô mtao hlăm čar Persơ; leh anăn sa čô tal pă srăng mdrŏng hĭn kơ jih jang phung diñu. Tơdah ñu jing ktang leh kyua klei mdrŏng ñu, ñu srăng mčhur jih jang bi kdơ̆ng hŏng ƀuôn ala mtao Grĕk.

Y-Đaniel 12:4

Ƀiădah bi ih, Ơ Y-Đaniel, kđăl leh anăn kđăm hĕ hdruôm hră anei tơl ênuk knhal tuč; lu mnuih srăng hiu ti anei tinăn leh anăn klei thâo săng srăng đĭ hĭn.”

Y-Đaniel 12:9

Ñu lač, “Nao bĕ, Ơ Y-Đaniel, kyuadah klei blŭ anei kđăl leh anăn kđăm leh tơl ênuk knhal tuč.

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Đaniel 4:8

Ti knhal tuč, Y-Đaniel hriê ti anăp kâo — pô arăng pia Y-Beltisasar tui si anăn yang kâo, mngăt myang phung yang doh jăk dôk hlăm ñu. Kâo hưn kơ ñu klei kâo êpei ƀuh, lač,

Y-Đaniel 5:12

Kyuadah Y-Đaniel, pô mtao lŏ bi anăn Y-Beltisasar, mâo mngăt myang jăk, klei thâo mĭn, klei thâo săng dưi mblang klei êpei ƀuh, bi êdah klei hgăm, leh anăn mkra klei dleh dlan. Ară anei brei arăng iêô Y-Đaniel, leh anăn ñu srăng mblang klei anăn.”

Y-Đaniel 5:17

Leh klei anăn, Y-Đaniel lŏ wĭt lač ti anăp mtao, “Brei ih pioh kơ ih pô mnơ̆ng brei anăn, leh anăn brei klei mưn kơ pô mkăn; ƀiăđah ăt kâo srăng dlăng kơ mtao klei čih anei leh anăn mblang ñu kơ ih.

Y-Đaniel 6:28

Snăn Y-Đaniel mâo klei bi mđĭ êjai ênuk mtao Đarius leh anăn mtao Sirus čar Persơ kiă kriê.

Y-Đaniel 8:16

Kâo hmư̆ asăp sa čô mnuih ti krah êa krông Ulai iêô snei, “Ơ Gabriel, brei mnuih anei thâo săng klei bi ƀuh anăn.”

Y-Đaniel 8:26

Klei bi ƀuh kơ lu tlam leh anăn lu aguah arăng hưn leh jing sĭt nik; ƀiădah brei ih kđăl kđăm hĕ klei bi ƀuh anei, kyuadah ñu djŏ kơ ênuk êdei.”

Y-Luk 1:20

Nĕ anei, ih srăng jing kmlô, amâo dưi blŭ ôh tơl hruê klei anăn srăng truh, kyuadah ih amâo đăo ôh kơ klei kâo blŭ. Klei blŭ anăn srăng bi truh sĭt djŏ hruê.”

Klei Bi Êdah 19:9

Leh anăn dĭng buăl jăk anăn lač kơ kâo, “Čih bĕ klei anei: Jăk mơak yơh kơ phung arăng jak kơ klei huă mnăm bi kuôl ung mô̆ kơ Êđai Biăp.” Leh anăn ñu lač kơ kâo, “Klei anei jing klei Aê Diê blŭ sĭt nik.”