Y-Đaniel 1:7 - Klei Aê Diê Blŭ 2015

⁷ Khua phung dĭng buăl kriâo bi anăn Y-Beltisasar kơ Y-Đaniel, Y-Sadrak kơ Y-Hanania, Y-Mêsăk kơ Y-Misaêl, leh anăn Y-Abetnêgô kơ Y-Asaria.

Y-Đaniel 1:7 Iomraidhean Croise

Klei Mphŭn Dơ̆ng 41:45

Pharaôn bi anăn Y-Yôsep Y-Sapênat-Panêah; leh anăn ñu brei kơ Y-Yôsep H'Asênat anak mniê Y-Pôtipêra khua ngă yang ƀuôn Ôn jing mô̆ ñu. Snăn Y-Yôsep mâo klei dưi kiă kriê jih čar Êjip.

II Bruă Mtao 23:34

Pharaôn Nêkô mjing Y-Êliakim anak êkei Y-Jôsia brei jing mtao čuê Y-Jôsia ama gơ̆, leh anăn bi mlih anăn gơ̆ Y-Jêhôyakim. Ƀiădah ñu mă mđuĕ Y-Jôača; leh anăn gơ̆ truh kơ čar Êjip leh anăn djiê tinăn.

II Bruă Mtao 24:17

Mtao Ƀaƀilôn mjing Y-Matania, amiêt awa Y-Jêhôyakin mtao hrô gơ̆, leh anăn bi mlih anăn Y-Matania jing Y-Sêdêkia.

Y-Đaniel 1:19

Mtao blŭ hrăm hŏng diñu, leh anăn hlăm jih jang phung diñu amâo mâo ƀuh sa čô ôh msĕ hŏng Y-Đaniel, Y-Hanania, Y-Misaêl, leh anăn Y-Asaria. Kyuanăn diñu dôk mă bruă ti anăp mtao.

Y-Đaniel 1:3

Mtao mtă kơ Y-Aspênas, khua phung dĭng buăl kriâo ñu, brei gơ̆ mă đa đa hlăm phung ƀuôn sang Israel mơ̆ng găp djuê mtao wăt phung khua,

Y-Đaniel 10:1

Thŭn tal tlâo Y-Sirus jing mtao čar Persơ, mâo sa klei bi êdah kơ Y-Đaniel, lŏ bi anăn Y-Beltisasar. Klei anăn sĭt nik leh anăn hưn kơ klei bi blah prŏng. Ñu thâo săng klei blŭ leh anăn klei bi ƀuh anăn.

Y-Đaniel 2:26

Mtao lač kơ Y-Đaniel, arăng lŏ bi anăn Y-Beltisasar, “Dưi mơ̆ ih bi êdah kơ kâo klei kâo êpei ƀuh leh anăn klei mblang kơ ñu?”

Y-Đaniel 2:49

Y-Đaniel akâo kơ mtao, leh anăn ñu brei Y-Sadrak, Y-Mêsăk, leh anăn Y-Abetnêgô kiă kriê bruă čar Ƀaƀilôn, ƀiădah Y-Đaniel dôk hlăm wăl sang mtao.

Y-Đaniel 4:5

Êjai kâo đih ti jhưng pĭt kâo mâo sa klei êpei bi huĭ kâo; klei mĭn leh anăn klei kâo bi ƀuh bi rŭng kâo.

Y-Đaniel 4:8

Ti knhal tuč, Y-Đaniel hriê ti anăp kâo — pô arăng pia Y-Beltisasar tui si anăn yang kâo, mngăt myang phung yang doh jăk dôk hlăm ñu. Kâo hưn kơ ñu klei kâo êpei ƀuh, lač,

Y-Đaniel 5:12

Kyuadah Y-Đaniel, pô mtao lŏ bi anăn Y-Beltisasar, mâo mngăt myang jăk, klei thâo mĭn, klei thâo săng dưi mblang klei êpei ƀuh, bi êdah klei hgăm, leh anăn mkra klei dleh dlan. Ară anei brei arăng iêô Y-Đaniel, leh anăn ñu srăng mblang klei anăn.”