Y-Đaniel 1:5 - Klei Aê Diê Blŭ 2015

⁵ Mtao pioh brei kơ diñu grăp hruê sa kdrêč mnơ̆ng jăk mtao ƀơ̆ng huă leh anăn kpiê mtao mnăm, čiăng kơ leh arăng čiêm rông diñu êjai tlâo thŭn, diñu dưi mă bruă ti anăp mtao.

Y-Đaniel 1:5 Iomraidhean Croise

Klei Mphŭn Dơ̆ng 41:46

Y-Yôsep mâo tlâo pluh thŭn tơdah ñu dơ̆ng mă bruă kơ Pharaôn mtao Êjip. Y-Yôsep kbiă mơ̆ng anăp Pharaôn čiăng nao tar čar Êjip.

I Bruă Mtao 10:8

Hơ̆k mơak yơh phung êkei ih! Hơ̆k mơak yơh phung dĭng buăl ih anei, phung dôk nanao ti anăp ih leh anăn hmư̆ klei ih thâo mĭn.

II Bruă Mtao 25:30

Leh anăn grăp hruê mtao thiê brei nanao sa kdrêč mnơ̆ng ñu ƀơ̆ng huă êjai jih ênuk ñu dôk hdĭp.

II Klei Yăl Dliê 9:7

Hơ̆k mơak yơh phung mô̆ ih! Hơ̆k mơak yơh phung dĭng buăl ih anei, phung dôk ti anăp ih nanao leh anăn hmư̆ klei thâo mĭn ih!

Klei Bi Hriêng 23:3

Đăm tluh ôh kơ mnơ̆ng ƀơ̆ng huă jăk phung khua kiă kriê, kyuadah dŏ anăn jing mnơ̆ng ƀơ̆ng huă dưi mplư.

Y-Yêrêmi 15:19

Kyuanăn snei Yêhôwa lač: “Tơdah ih kmhal, Kâo srăng lŏ mjing ih čiăng kơ ih dưi mă bruă kơ Kâo. Tơdah ih hưn klei yuôm leh anăn amâo blŭ ôh klei hơăi mang, ih srăng jing msĕ si ƀăng êgei Kâo. Brei phung ƀuôn sang anei wir phă ih, ƀiădah đăm ih wir phă diñu ôh.

Y-Đaniel 1:19

Mtao blŭ hrăm hŏng diñu, leh anăn hlăm jih jang phung diñu amâo mâo ƀuh sa čô ôh msĕ hŏng Y-Đaniel, Y-Hanania, Y-Misaêl, leh anăn Y-Asaria. Kyuanăn diñu dôk mă bruă ti anăp mtao.

Y-Đaniel 1:8

Ƀiădah Y-Đaniel čuăn ñu amâo srăng bi čhŏ ñu pô ôh hŏng mnơ̆ng jăk mtao ƀơ̆ng huă amâodah hŏng kpiê mtao mnăm; snăn ñu akâo kơ khua phung dĭng buăl kriâo đăm mgô̆ ñu bi čhŏ ñu pô ôh.

Y-Mathiơ 6:11

Brei kơ hmei mnơ̆ng ƀơ̆ng huă bi djăp kơ grăp hruê;

Y-Luk 1:19

Dĭng buăl jăk lŏ wĭt lač kơ ñu, “Kâo gơ̆ Gabriel, pô dôk ti anăp Aê Diê. Aê Diê tiŏ hriê kâo blŭ hrăm hŏng ih leh anăn hưn kơ ih klei mrâo mrang jăk anei.

Y-Luk 11:3

Brei kơ hmei grăp hruê mnơ̆ng ƀơ̆ng huă bi djăp.

Y-Luk 21:36

Ƀiădah kăp răng nanao, leh anăn wah lač čiăng kơ diih mâo klei ktang dưi tlaih mơ̆ng jih klei srăng truh anăn, leh anăn dưi dôk dơ̆ng ti anăp Anak Mnuih.”

I Y-Samuel 16:22

Y-Sôl mơĭt klei blŭ kơ Y-Yêsê snei, “Lui Y-Đawit mă bruă kơ kâo, kyuadah ñu mâo klei pap ti anăp ală kâo.”