Y-Đaniel 1:4 - Klei Aê Diê Blŭ 2015

⁴ leh anăn phung hlăk ai amâo mâo asei mlei djiu ruă ôh, ƀô̆ mta siam, mâo jih klei knhâo, thâo mĭn, hriăm hră leh, dưi mă bruă hlăm sang mtao, brei diñu hriăm klei phung Kaldê blŭ.

Y-Đaniel 1:4 Iomraidhean Croise

Klei Mphŭn Dơ̆ng 41:46

Y-Yôsep mâo tlâo pluh thŭn tơdah ñu dơ̆ng mă bruă kơ Pharaôn mtao Êjip. Y-Yôsep kbiă mơ̆ng anăp Pharaôn čiăng nao tar čar Êjip.

II Y-Samuel 14:25

Hlăm jih phung Israel amâo mâo sa čô ôh arăng bi mni kyua klei siam ñu msĕ si Y-Apsalôm. Mơ̆ng plă jơ̆ng ñu truh ti čŏng kŏ ñu amâo mâo sa anôk jhat ôh hlăm ñu.

Klei Bi Hriêng 22:29

Ih ƀuh mơ̆ sa čô mnuih mbruă? Ñu srăng dôk ti anăp phung mtao, ñu amâo srăng dôk ôh ti anăp phung ƀuôn sang.

Khua Pô Mtô 7:19

Klei thâo mĭn brei klei ktang kơ mnuih thâo mĭn kdlưn hĭn kơ pluh čô khua kiă kriê hlăm sa boh ƀuôn.

Y-Êsai 36:11

Hlăk anăn, Y-Êliakim, Y-Sêpna, leh anăn Y-Jôa lač kơ khua prŏng, “Akâo kơ ih blŭ kơ phung dĭng buăl ih hlăm klei blŭ Aram, kyuadah hmei thâo săng klei anăn; đăm blŭ ôh kơ hmei klei blŭ phung Yuđa huĭ kơ phung ƀuôn sang dôk ti dlông mnư̆ dưi hmư̆.”

Y-Yêrêmi 5:15

Nĕ anei, Kâo dôk atăt ba sa găp djuê mơ̆ng čar kbưi hriê ngă kơ ih, Ơ sang Israel,” Yêhôwa lač. “Găp djuê anăn srăng dôk sui, leh anăn jing mơ̆ng sui leh, sa găp djuê blŭ klei diih amâo tuôm hmư̆ ôh, kăn diih thâo săng rei klei diñu lač.

Y-Đaniel 2:10

Phung Kaldê lŏ wĭt lač kơ mtao, “Amâo mâo sa čô mnuih ôh ti rŏng lăn ala anei dưi ngă klei mtao mtă; kyuadah amâo tuôm mâo ôh mtao prŏng leh anăn ktang tuôm mtă klei msĕ snăn kơ phung mdian, kơ phung ksiêm mtŭ, amâodah kơ phung Kaldê.

Y-Đaniel 2:2

Leh anăn mtao brei iêô phung mdian, phung ksiêm mtŭ, phung mjâo, leh anăn phung Kaldê čiăng kơ diñu hưn kơ mtao klei ñu êpei. Snăn diñu mŭt dôk ti anăp mtao.

Y-Đaniel 3:8

Hlăk anăn mâo đa đa phung Kaldê hriê čiăng kčŭt kơ phung Yuđa.

Y-Đaniel 4:7

Phung mdian, phung mjâo, phung Kaldê, leh anăn phung ksiêm mtŭ truh. Kâo yăl dliê kơ diñu klei kâo êpei ƀuh, ƀiădah diñu amâo dưi mblang klei anăn kơ kâo ôh.

Y-Đaniel 5:11

Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

Y-Đaniel 5:7

Mtao ur kraih brei iêô phung mjâo, phung Kaldê, leh anăn phung ksiêm mtŭ. Mtao blŭ kơ phung thâo mĭn čar Ƀaƀilôn, lač, “Hlei pô srăng dlăng klei čih anei leh anăn bi êdah klei mblang kơ kâo, kâo srăng bi hơô ñu ao hrah piơk, bi băk kông mah ti kkuê ñu, leh anăn brei ñu jing khua mrô tlâo hlăm ƀuôn ala mtao.”

Y-Đaniel 9:1

Thŭn tal sa Y-Đarius anak êkei Y-Asuêrus găp djuê phung Mêdơ, pô arăng mjing mtao ƀuôn ala mtao phung Kaldê,

Y-Sakari 2:4

leh anăn lač kơ ñu, “Êran bĕ, blŭ kơ êkei hlăk ai anăn, ‘Arăng srăng dôk hlăm ƀuôn Yêrusalem msĕ si ƀuôn amâo mâo mnư̆ ôh, kyuadah mâo lu lĭn mnuih leh anăn êmô biăp hlăm gơ̆.

Bruă Phung Khua Ƀĭng Kna 7:20

Ênuk anăn arăng kkiêng kơ Y-Môis. Ñu jing siam ti anăp Aê Diê, leh anăn amĭ ama ñu rông ñu tlâo mlan hlăm sang.

Bruă Phung Khua Ƀĭng Kna 7:22

Arăng bi hriăm Y-Môis jih klei thâo mĭn phung Êjip. Ñu jing ktang hlăm klei blŭ leh anăn hlăm bruă ngă.

Êphêsô 5:27

čiăng bi êdah ti anăp Ñu Phung Sang Aê Diê anei bŏ hŏng klei guh kơang, amâo mâo anôk čhŏ, amâo mâo anôk kčŭng, amâo mâo mnơ̆ng msĕ snăn ôh, čiăng kơ gơ̆ dưi jing doh jăk amâo mâo anôk jhat ôh.

Phung Khua Phat Kđi 8:18

Leh anăn ñu lač kơ Y-Sêba leh anăn Y-Salmuna, “Ya mta mnuih diih bi mdjiê leh ti ƀuôn Tabor?” Diñu lŏ wĭt lač, “Grăp čô diñu jing msĕ si ih jing, diñu jing msĕ si phung anak êkei mtao.”