Y-Đaniel 1:2 - Klei Aê Diê Blŭ 2015

² Yêhôwa jao Y-Jêhôyakim mtao čar Yuđa leh anăn sa kdrêč čhiên mngan yua hlăm sang Aê Diê hlăm kngan Y-Nebukatnetsar. Y-Nebukatnetsar ba dŏ anăn kơ sang yang ñu hlăm čar Sinar, dưm hlăm sang ngăn yang ñu.

Y-Đaniel 1:2 Iomraidhean Croise

Klei Mphŭn Dơ̆ng 10:10

Phŭn ƀuôn ala mtao ñu jing ƀuôn Ƀaƀel, ƀuôn Êrek, leh anăn ƀuôn Akat, jih jang ƀuôn anăn dôk hlăm ala čar Sinar.

Klei Mphŭn Dơ̆ng 11:2

Êjai phung mnuih nao phă ngŏ, diñu ƀuh lăn dap hlăm čar Sinar. Diñu dôk tinăn.

II Bruă Mtao 24:1

Hlăm ênuk Y-Jêhôyakim, Y-Nebukatnetsar mtao Ƀaƀilôn đĭ hriê, leh anăn Y-Jêhôyakim jing dĭng buăl ñu tlâo thŭn. Leh anăn Y-Jêhôyakim bi kdơ̆ng hŏng ñu.

II Klei Yăl Dliê 36:5

Y-Jêhôyakim mâo dua pluh êma thŭn tơdah ñu dơ̆ng jing mtao, leh anăn ñu kiă kriê pluh sa thŭn hlăm ƀuôn Yêrusalem. Ñu ngă klei jhat ti anăp ală Yêhôwa Aê Diê ñu.

II Klei Yăl Dliê 36:7

Msĕ mơh Y-Nebukatnetsar mă đa đa čhiên mngan mơ̆ng sang yang Yêhôwa djă ba kơ ƀuôn Ƀaƀilôn leh anăn dưm dŏ anăn hlăm sang mtao ñu ti ƀuôn Ƀaƀilôn.

Y-Êsra 1:7

Mtao Sirus msĕ mơh bi wĭt čhiên mngan sang yang Yêhôwa, dŏ mtao Nebukatnetsar mă ba leh mơ̆ng ƀuôn Yêrusalem leh anăn dưm leh hlăm sang phung yang ñu.

Y-Êsai 11:11

Hlăm hruê anăn, Khua Yang srăng yơr tal dua kngan Ñu čiăng bi wĭt kdrêč phung ƀuôn sang Ñu adôk mơ̆ng čar Asiri, čar Êjip, čar Patrôs, čar Êthiôpi, čar Êlam, čar Sinar, čar Hamat, leh anăn mơ̆ng jih jang plao êa ksĭ.

Y-Êsai 42:24

Hlei pô jao leh phung Yakôp kơ pô plah mă, leh anăn phung Israel kơ phung knĕ? Amâo djŏ hĕ Yêhôwa, hŏng Pô anăn drei ngă soh leh? Diñu amâo čiăng êbat ôh hlăm êlan Gơ̆, kăn diñu gưt rei kơ klei bhiăn Gơ̆.

Y-Yêrêmi 25:1

Yêhôwa blŭ kơ Y-Yêrêmi klei djŏ kơ jih jang phung ƀuôn sang čar Yuđa, hlăm thŭn tal pă Y-Jêhôyakim anak êkei Y-Jôsia jing mtao kiă kriê čar Yuđa (thŭn anăn jing thŭn tal sa kơ ênuk Y-Nebukatnetsar jing mtao čar Ƀaƀilôn).

Y-Yêrêmi 27:16

Leh anăn kâo blŭ kơ phung khua ngă yang leh anăn kơ jih jang phung ƀuôn sang anei, lač, “Snei Yêhôwa lač: Đăm dôk hmư̆ ôh klei phung khua pô hưn êlâo diih dôk hưn êlâo kơ diih lač, ‘Nĕ anei, ăt dôk ƀiă arăng srăng lŏ ba wĭt mơ̆ng ƀuôn Ƀaƀilôn mnơ̆ng yua hlăm sang Yêhôwa,’ kyuadah jing klei luar diñu hưn êlâo kơ diih.

Y-Yêrêmi 28:3

Hlăm dua thŭn Kâo srăng ba wĭt kơ anôk anei jih jang čhiên mngan hlăm sang Yêhôwa, mnơ̆ng Y-Nebukatnetsar mtao Ƀaƀilôn mă mđuĕ leh mơ̆ng anôk anei leh anăn ba kơ ƀuôn Ƀaƀilôn.

Y-Yêrêmi 35:11

Ƀiădah tơdah Y-Nebukatnetsar mtao Ƀaƀilôn hriê ngă kơ čar, hmei lač, ‘Bơ bĕ drei nao kơ ƀuôn Yêrusalem kyua huĭ kơ phung kahan phung Kaldê leh anăn phung kahan phung Siri.’ Snăn hmei dôk hlăm ƀuôn Yêrusalem.”

Y-Yêrêmi 50:2

“Hưn bi êdah bĕ ti krah phung găp djuê mnuih, mđĭ čhiăm gru leh anăn hưn bĕ, đăm mdăp klei anăn ôh, leh anăn lač: ‘Arăng mă leh ƀuôn Ƀaƀilôn, arăng bi hêñ leh yang Bel, yang Mêrôdak bŏ hŏng klei huĭ. Arăng bi hêñ leh rup krah ñu, rup yang ñu dlưh rai leh.’

Y-Yêrêmi 51:44

Kâo srăng bi kmhal yang Bel hlăm ƀuôn Ƀaƀilôn, leh anăn kplăk mơ̆ng ƀăng êgei ñu ya dŏ ñu lun leh. Phung găp djuê mnuih amâo srăng lŏ kkuh mpŭ kơ ñu ôh; mnư̆ ƀuôn Ƀaƀilôn klưh leh.

Y-Đaniel 5:13

Snăn arăng atăt Y-Đaniel truh ti anăp mtao. Mtao lač kơ Y-Đaniel, “Ih hĕ jing Y-Đaniel anăn, sa čô hlăm phung mnă Yuđa, mtao ama kâo mă ba mơ̆ng čar Yuđa?

Y-Đaniel 5:18

Ơ mtao, Aê Diê Pô Ti Dlông Hĭn brei leh kơ Y-Nebukatnetsar ama ih ƀuôn ala mtao, klei jing prŏng, klei guh kơang, leh anăn klei kdrăm.

Y-Haƀakuk 1:16

Kyuanăn ñu ngă yang kơ đrư̆ ñu, leh anăn čuh mnơ̆ng ƀâo mngưi kơ ñuăl ñu; kyuadah hŏng mnơ̆ng anăn ñu mâo klei mdrŏng sah, leh anăn mnơ̆ng ñu ƀơ̆ng huă jing jăk.

Y-Sakari 5:11

Ñu lŏ wĭt lač kơ kâo, “Kơ čar Sinar, čiăng ngă sa boh sang kơ êphah anăn; leh anăn tơdah mkra leh, arăng srăng dưm êphah ti anôk gơ̆.”

Klei Mtô Mñă Klei Bhiăn 32:30

Si ngă sa čô dưi tiŏ sa êbâo čô, leh anăn dua čô dưi suôt mđuĕ pluh êbâo čô, knŏng tơdah Boh Tâo diñu čhĭ leh diñu, leh anăn tơdah Yêhôwa jao leh diñu?

Phung Khua Phat Kđi 2:14

Snăn Yêhôwa čuh ai ngêñ kơ phung Israel, leh anăn Gơ̆ jao diñu hlăm kngan phung plah mă, brei plah mnơ̆ng diñu. Leh anăn Gơ̆ čhĭ diñu kơ phung roh diñu jŭm dar. Snăn diñu amâo lŏ dưi bi kdơ̆ng ôh hŏng phung roh diñu.

Phung Khua Phat Kđi 3:8

Kyuanăn Yêhôwa čuh ai ngêñ kơ phung Israel, leh anăn Ñu čhĭ digơ̆ hlăm kngan Y-Kusan-Risathaim mtao čar Mêsôpôtami. Leh anăn phung ƀuôn sang Israel mă bruă kơ Y-Kusan-Risathaim sa păn thŭn.

Phung Khua Phat Kđi 4:2

snăn Yêhôwa čhĭ diñu kơ kngan Y-Jabin mtao Kanaan, pô kiă kriê ti ƀuôn Hasôr. Y-Sisêra jing khua phung kahan ñu, leh anăn ñu dôk ti ƀuôn Harôset-Hagôim.

I Y-Samuel 5:2

Leh anăn phung Philistin mă hip Aê Diê leh anăn ba gơ̆ hlăm sang yang Dagôn leh anăn dưm gơ̆ ti djiêô rup yang Dagôn.