Hră Y-Pôl Mơĭt kơ Phung Rôm 9:7 - Klei Aê Diê Blŭ 2015

⁷ Leh anăn amâo djŏ ôh jih jang jing anak čô Y-Abraham kyuadah digơ̆ jing găp djuê Y-Abraham; ƀiădah “Mơ̆ng Y-Isăk yơh arăng srăng yap găp djuê ih.”

Hră Y-Pôl Mơĭt kơ Phung Rôm 9:7 Iomraidhean Croise

Klei Mphŭn Dơ̆ng 21:12

Ƀiădah Aê Diê lač kơ Y-Abraham, “Đăm ênguôt ôh kyua anak êkei leh anăn mniê hlŭn ih. Jih ya klei H'Sara lač kơ ih, gưt bĕ asăp ñu; kyuadah mơ̆ng Y-Isăk arăng srăng bi anăn phung anak čô ih.

Y-Mathiơ 3:9

leh anăn đăm hưn ktưn leh anăn lač, ‘Hmei mâo leh Y-Abraham jing aê hmei,’ kyuadah kâo hưn kơ diih Aê Diê dưi bi kbiă phung anak čô kơ Y-Abraham mơ̆ng phung boh tâo anei.

Y-Luk 16:30

Leh anăn ñu lač, ‘Hơăi, Ơ ama Y-Abraham, ƀiădah tơdah sa čô mơ̆ng phung djiê nao kơ digơ̆, digơ̆ srăng kmhal kơ klei soh digơ̆.’

Y-Luk 3:8

Brei diih mboh năng hŏng klei diih kmhal kơ klei soh, leh anăn đăm dơ̆ng lač ôh kơ diih pô, ‘Hmei mâo Y-Abraham jing aê hmei,’ kyuadah kâo hưn kơ diih, Aê Diê dưi bi kbiă phung anak čô kơ Y-Abraham mơ̆ng phung boh tâo anei.

Y-Yôhan 8:33

Digơ̆ lŏ wĭt lač kơ Yêsu, “Hmei jing phung anak čô Y-Abraham, leh anăn hmei amâo tuôm jing hlŭn arăng ôh. Si klei ih lač, ‘Arăng srăng bi êngiê diih’?”

Galati 4:23

Anak mơ̆ng mniê hlŭn kkiêng leh tui si kđeh, anak mơ̆ng mniê êngiê kkiêng leh tui si klei ƀuăn.

Galati 4:28

Ơ phung ayŏng adei, diih jing msĕ si Y-Isăk, jing phung anak mơ̆ng klei ƀuăn.

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Hêbrơ 11:18

Djŏ kơ pô anăn Aê Diê lač leh, “Mơ̆ng Y-Isăk Aê Diê srăng yap phung anak čô ih.”