Hră Y-Pôl Mơĭt kơ Phung Rôm 9:3 - Klei Aê Diê Blŭ 2015

³ Kyuadah tơdah dưi kâo čiăng jing mnuih Aê Diê tăm pah tơl ktlah mơ̆ng Krist dưn kyua phung ayŏng adei kâo, phung găp djuê kâo tui si kđeh êrah.

Hră Y-Pôl Mơĭt kơ Phung Rôm 9:3 Iomraidhean Croise

Klei Mphŭn Dơ̆ng 29:14

Y-Laban lač kơ gơ̆, “Sĭt nik ih jing klang kâo leh anăn kđeh kâo.” Y-Yakôp dôk mbĭt hŏng ñu jih sa mlan.

II Y-Samuel 18:33

Leh anăn mtao kdjăt ai tiê snăk, leh anăn đĭ hlăm adŭ ti dlông ƀăng jang leh anăn hia. Êjai ñu êbat ñu lač, “Ơ anak êkei kâo Y-Apsalôm, anak êkei kâo, anak êkei kâo Y-Apsalôm! Jăk hĭn kâo djiê leh hrô ih, Ơ Y-Apsalôm anak êkei kâo, anak êkei kâo!”

H'Êsther 8:6

Kyuadah si kâo dưi tŭ ƀuh klei knap mñai truh kơ phung ƀuôn sang kâo? Amâodah si kâo dưi tŭ ƀuh klei bi rai phung găp djuê kâo?”

Klei Kbiă 32:32

Ƀiădah ară anei, akâo kơ Ih pap brei kơ klei soh diñu — ƀiădah tơdah Ih amâo čiăng ôh, akâo kơ Ih lăm hĕ anăn Kâo mơ̆ng hdruôm hră Ih čih leh.”

Bruă Phung Khua Ƀĭng Kna 13:26

Ơ phung ayŏng adei, phung anak čô găp djuê Y-Abraham, leh anăn Ơ diih phung tue huĭ mpŭ kơ Aê Diê, kơ drei yơh Aê Diê hưn leh klei bi mtlaih anei.

Bruă Phung Khua Ƀĭng Kna 22:5

Kơ klei anăn khua ngă yang prŏng leh anăn phung khua mduôn phat kđi dưi hưn bi sĭt. Kâo mă tŭ leh hră mơ̆ng phung anăn mơĭt kơ phung ayŏng adei ti ƀuôn Damas leh anăn kâo nao ti ƀuôn anăn čiăng mă čăp phung đăo tinăn leh anăn đoh ba diñu kơ ƀuôn Yêrusalem kơ klei bi kmhal.”

Bruă Phung Khua Ƀĭng Kna 28:21

Phung anăn lač kơ Y-Pôl, “Hmei amâo tuôm mă tŭ ôh hră arăng mơĭt mơ̆ng čar Yuđa yăl dliê kơ klei ih. Leh anăn amâo mâo sa čô hlăm phung ayŏng adei hriê tinei hưn amâodah blŭ klei jhat kơ ih ôh.

Hră Y-Pôl Mơĭt kơ Phung Rôm 1:3

Klei mrâo mrang jăk anăn djŏ kơ Anak Ñu, Yêsu Krist Khua Yang drei, tui si hlăm kđeh Gơ̆ jing anak čô Y-Đawit,

Hră Y-Pôl Mơĭt kơ Phung Rôm 11:1

Snăn kâo êmuh, Aê Diê hngah leh mơ̆ kơ phung ƀuôn sang Ñu? Hơăi, amâo tuôm ôh! Kâo pô yơh jing sa čô Israel, anak čô Y-Abraham, sa čô mơ̆ng găp djuê Ƀenjamin.

Hră Y-Pôl Mơĭt kơ Phung Rôm 11:14

čiăng bi mčhur brei phung găp djuê kâo nač, snăn dưi bi mtlaih đa đa hlăm phung diñu.

Hră Y-Pôl Mơĭt kơ Phung Rôm 16:11

Kâo kkuh čhưn hŏng Y-Hêrôdiôn, găp djuê kâo. Kâo kkuh čhưn hŏng phung găp djuê Y-Narsis, phung dôk hlăm Khua Yang.

Hră Y-Pôl Mơĭt kơ Phung Rôm 16:21

Y-Timôthê, pô mă bruă mbĭt hŏng kâo, kkuh čhưn hŏng diih. Y-Lusius, Y-Jasôn, leh anăn Y-Sôsipater, phung găp djuê kâo, kkuh čhưn hŏng diih msĕ mơh.

Hră Y-Pôl Mơĭt kơ Phung Rôm 16:7

Kâo kkuh čhưn hŏng Y-Andrônikus leh anăn Y-Junias, phung găp djuê kâo, phung arăng krư̆ mbĭt hŏng kâo. Diñu mâo hing ang ti krah phung khua ƀĭng kna, leh anăn diñu đăo kơ Krist êlâo kơ kâo.

Hră Y-Pôl Mơĭt kơ Phung Rôm 9:2

kơ ai tiê kâo ênguôt êdimi leh anăn rŭng răng nanao.

I Kôrantô 12:3

Kyuanăn kâo čiăng diih thâo săng, amâo mâo sa čô mnuih blŭ hŏng Mngăt Myang Aê Diê tuôm lač, “Brei Yêsu mâo klei tăm pah!” Leh anăn amâo mâo sa čô dưi lač, “Yêsu jing Khua Yang,” knŏng tơdah Yang Mngăt Jăk atăt gai ñu.

I Kôrantô 16:22

Tơdah arăng amâo khăp ôh kơ Khua Yang, brei ñu tŭ Anathem! Maranatha!

II Kôrantô 12:15

Kâo mơak snăk bi liê ya mnơ̆ng kâo mâo, wăt klei hdĭp kâo pô kyua diih. Tơdah kâo khăp kơ diih lu hĭn, diih srăng khăp kơ kâo ƀiă hĭn mơ̆?

Galati 1:8

Ƀiădah wăt tơdah hmei, amâodah sa čô dĭng buăl jăk mơ̆ng adiê srăng mtô kơ diih sa klei mrâo mrang jăk mdê hŏng klei mrâo mrang jăk hmei mtô leh kơ diih, brei Aê Diê tăm pah hĕ kơ ñu.

Galati 1:9

Msĕ si hmei lač leh êlâo, snăn kâo lŏ mñă ară anei, tơdah arăng mtô kơ diih sa klei mrâo mrang jăk mdê hŏng klei mrâo mrang jăk diih mă tŭ leh, brei Aê Diê tăm pah hĕ kơ ñu.

Galati 3:10

Kyuadah jih jang hlei pô knang kơ bruă tui si klei bhiăn dôk ti gŭ klei tăm pah; kyuadah Klei Aê Diê Blŭ čih leh, “Tăm pah hĕ kơ hlei pô amâo gưt leh anăn ngă tui si jih jang klei čih leh hlăm hdruôm hră klei bhiăn.”

Galati 3:13

Krist bi tui leh drei mơ̆ng klei tăm pah kbiă hriê mơ̆ng klei bhiăn, kyuadah Ñu jing leh pô arăng tăm pah kyua drei — kyuadah Klei Aê Diê Blŭ čih leh, “Tăm pah hĕ kơ pô arăng pơ̆ng ti sa ƀĕ kyâo” —

Êphêsô 6:5

Ơ phung hlŭn, brei diih gưt kơ phung khua diih hlăm kđeh, hŏng klei huĭ leh anăn ktư̆ yơ̆ng, hŏng ai tiê ênuah, msĕ si kơ Krist mơh;

Klei Mtô Mñă Klei Bhiăn 21:23

đăm lui asei mlei djiê ñu đăm mlam ôh ti kyâo, ƀiădah brei diih dơr ñu hruê anăn mơh, kyuadah pô arăng ruôt jing pô Aê Diê tăm pah leh. Đăm bi čhŏ ôh ala čar diih Yêhôwa Aê Diê diih brei kơ ih jing ngăn dưn.”

I Y-Samuel 14:24

Hruê anăn phung êkei Israel mâo klei awăt leh anăn êpa; kyuadah Y-Sôl ngă klei kat asei kơ phung ƀuôn sang, lač, “Tăm pah hĕ kơ pô ƀơ̆ng huă êlâo yang hruê lĕ leh anăn êlâo kâo rŭ ênua kơ phung roh kâo.” Snăn amâo mâo pô djiêl mnơ̆ng ƀơ̆ng huă ôh.

I Y-Samuel 14:44

Y-Sôl lač, “Brei Aê Diê ngă snăn kơ kâo leh anăn kdlưn mơh, tơdah ih amâo djiê, Ơ Y-Jônathan.”