Hră Y-Pôl Mơĭt kơ Phung Rôm 9:22 - Klei Aê Diê Blŭ 2015

²² Si ih mĭn tơdah Aê Diê čiăng bi êdah klei Ñu ngêñ leh anăn bi êdah klei myang Ñu, tŭ leh hŏng klei gĭr lu boh čeh mmai leh pioh kơ klei rai tuč,

Hră Y-Pôl Mơĭt kơ Phung Rôm 9:22 Iomraidhean Croise

Klei Mphŭn Dơ̆ng 15:16

Ti ênuk tal pă phung anak čô ih srăng lŏ wĭt tinei, kyuadah klei wê phung Amôrit ka ênŭm ôh.”

Klei Mmuñ Hđăp 90:11

Hlei thâo săng klei myang klei Ih ăl, hlei thâo săng klei Ih ngêñ tui si Ih năng kơ arăng huĭ?

Klei Kbiă 9:16

Ƀiădah kyua klei anei Kâo lui ih dôk hdĭp, čiăng brei ih ƀuh klei myang Kâo, snăn kơh arăng hưn anăn Kâo tar ƀar lăn ala.

Klei Bi Hriêng 16:4

Yêhôwa ngă leh jih jang mnơ̆ng pioh kơ klei Ñu čuăn, wăt mnuih ƀai pioh kơ hruê bi kmhal.

Klei Čŏk Hia 3:22

kyua klei khăp sĭt suôr Yêhôwa, hmei amâo tuôm tuč ruê̆ ôh, klei Ñu pap amâo tuôm kƀah ôh;

Klei Yap 14:11

Leh anăn Yêhôwa lač kơ Y-Môis, “Dŭm boh sui phung ƀuôn sang anei srăng bi êmut kơ Kâo? Leh anăn dŭm boh sui diñu amâo srăng đăo kơ Kâo ôh, wăt tơdah jih jang klei bi knăl Kâo ngă leh ti krah diñu dưn?

Klei Yap 14:18

‘Yêhôwa amâo djăl ăl ôh, leh anăn mdrŏng hŏng klei khăp sĭt suôr, pap brei klei wê leh anăn klei gao klei bhiăn, ƀiădah hơăi Ñu amâo yap kpă ôh pô soh leh, leh anăn bi lĕ klei wê phung ama kơ phung anak tơl truh ti ênuk tal tlâo leh anăn tal pă.’

Hră Y-Pôl Mơĭt kơ Phung Rôm 1:18

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 9:17

Kyuadah Klei Aê Diê Blŭ čih lač kơ Pharaôn, “Kâo mđĭ leh ih kyua Kâo čiăng bi êdah klei myang Kâo hlăm ih, čiăng kơ anăn Kâo arăng dưi hưn tar ƀar lăn ala.”

Hră Y-Pôl Mơĭt kơ Phung Rôm 9:20

Ƀiădah hlei ih jing, Ơ mnuih, čiăng bi tăng hŏng Aê Diê? Dưi mơ̆ lŭ lač kơ pô mmai gơ̆, “Si ngă ih mjing kâo msĕ snei?”

Hră Y-Pôl Mơĭt kơ Phung Rôm 9:21

Pô mmai amâo mâo klei dưi hĕ hŏng lŭ, čiăng ngă hŏng sa klŏ lŭ anăn sa boh čeh yuôm leh anăn sa boh čeh mkăn yua kơ bruă amâo yuôm?

I Têsalônik 2:16

hŏng klei diñu ghă hmei mtô kơ phung tue, čiăng kơ digơ̆ dưi tlaih — msĕ si diñu čiăng bi bŏ hnơ̆ng klei soh diñu nanao. Ƀiădah klei Aê Diê ngêñ knhal tuč truh leh kơ diñu.

I Têsalônik 5:9

Kyuadah Aê Diê amâo čuăn drei kơ klei ngêñ ôh, ƀiădah kơ klei dưi mâo klei bi mtlaih hlăm Khua Yang drei Yêsu Krist,

II Y-Timôthê 2:20

Hlăm sa boh sang prŏng amâo djŏ ôh knŏng mâo čhiên mngan mah leh anăn prăk, ƀiădah mâo msĕ mơh čhiên mngan kyâo leh anăn lăn lŭ, đa arăng yua kơ bruă mpŭ, đa arăng yua kơ bruă amâo mpŭ ôh.

I Y-Pêtrôs 2:8

leh anăn “Sa klŏ boh tâo bi têč hnêč phung mnuih, leh anăn boh tâo prŏng bi lĕ buh diñu.” Diñu čah boh tâo anăn kyuadah diñu amâo gưt ôh kơ klei blŭ, tui si Aê Diê čuăn leh kơ diñu ngă.

I Y-Pêtrôs 3:20

Phung anăn đưm adih amâo gưt ôh tơdah Aê Diê gĭr sui hŏng diñu hlăm ênuk Y-Nôê, êjai gơ̆ ngă kŭmpăn. Hlăm kŭmpăn anăn mâo knŏng ƀiă mnuih tlaih mơ̆ng êa, jing sa păn čô.

II Y-Pêtrôs 2:3

Hŏng klei tluh phung khua pô mtô soh srăng blŭ mčeh mă čiăng ƀơ̆ng ngăn diih; ƀiădah mơ̆ng sui klei phat kđi mkra leh kơ diñu, leh anăn Pô bi rai diñu amâo pĭt ôh.

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,

II Y-Pêtrôs 3:15

Brei diih yap klei Khua Yang drei gĭr jing klei bi mtlaih diih. Msĕ snăn mơh pô drei khăp, ayŏng drei Y-Pôl, čih leh kơ diih tui si klei thâo mĭn Aê Diê brei leh kơ ñu.

Y-Yut 1:4

Kyuadah mâo đa đa phung mnuih mŭt leh hlăm phung diih hŏng klei hgăm, phung anăn arăng čuăn leh mơ̆ng sui kơ klei bi kmhal. Diñu jing phung amâo thâo mpŭ kơ Aê Diê ôh, phung bi mbliư̆ klei pap Aê Diê drei brei jing klei dưi ngă soh, leh anăn hngah kơ Khua drei mâo knŏng sa čô, jing Khua Yang Yêsu Krist.