Hră Y-Pôl Mơĭt kơ Phung Rôm 9:16 - Klei Aê Diê Blŭ 2015

¹⁶ Snăn klei anăn amâo knang kơ klei mnuih čiăng amâodah ngă ôh, ƀiădah knang kơ klei Aê Diê pap.

Hră Y-Pôl Mơĭt kơ Phung Rôm 9:16 Iomraidhean Croise

Klei Mmuñ Hđăp 110:3

Phung ƀuôn sang ih srăng myơr diñu pô kơ Ih ti hruê Ih atăt gai phung kahan Ih kơ klei bi blah. Ti dlông čư̆ doh jăk Ih, msĕ si êa nguôm ti aguah ưm phung hlăk ai Ih srăng hriê kơ Ih.

Y-Êsai 65:1

“Kâo bi êdah Kâo pô kơ phung amâo tuôm duah êmuh kơ Kâo ôh; phung amâo tuôm duah Kâo ôh ƀuh Kâo leh. Kâo lač, ‘Nĕ tinei Kâo, nĕ tinei Kâo,’ kơ sa găp djuê mnuih amâo tuôm iêô wah lač kơ anăn Kâo ôh.

Y-Mathiơ 11:27

Jih jang mnơ̆ng Ama Kâo jao leh kơ Kâo; amâo mâo pô thâo kral Anak ôh, knŏng hjăn Ama yơh; leh anăn amâo mâo pô thâo kral Ama ôh, knŏng hjăn Anak leh anăn kơ hlei pô Anak ruah bi êdah Ama kơ ñu.

Y-Mathiơ 4:8

Yang jhat lŏ atăt Ñu kơ čư̆ dlông snăk, ktrâo kơ Ñu jih jang ƀuôn ala mtao lăn ala leh anăn klei guh kơang ƀuôn ala mtao anăn,

Y-Luk 10:21

Hlăk anăn Yêsu mâo klei hơ̆k mơ̆ng Yang Mngăt Jăk leh anăn lač, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp leh klei anei kơ phung thâo mĭn leh anăn thâo săng, ƀiădah Ih bi êdah leh klei anei kơ phung hđeh điêt. Sĭt nik, Ơ Ama, kyuadah klei anăn bi mơak kơ Ih.

Y-Yôhan 3:8

Angĭn thut ti anôk ñu čiăng, leh anăn ih hmư̆ ênai ñu, ƀiădah ih amâo thâo mơ̆ng ñu kbiă hriê, kăn thâo ti anôk ñu nao rei. Msĕ snăn mơh kơ grăp čô kkiêng hŏng Yang Mngăt Jăk.”

Hră Y-Pôl Mơĭt kơ Phung Rôm 9:11

wăt tơdah dua čô anak ka kkiêng ôh, leh anăn diñu ka tuôm ngă jăk amâodah jhat ôh, čiăng kơ klei Aê Diê čuăn ruah dưi bi sĭt,

Galati 2:2

Kâo đĭ nao ti anăn tui si klei Aê Diê bi êdah, leh anăn kâo mblang kơ diñu klei mrâo mrang jăk kâo tuôm mtô leh kơ phung tue. Ƀiădah kâo blŭ knŏng hjăn kơ phung khua pơ prŏng, huĭdah klei kâo dôk hiu mtô amâodah hiu mtô leh srăng jing hơăi mang.

Êphêsô 2:8

Kyuadah hŏng klei pap yơh diih tlaih leh kyua klei đăo. Klei bi mtlaih anăn amâo kbiă hriê mơ̆ng diih pô ôh, ƀiădah jing klei Aê Diê brei —

Philip 2:13

Kyuadah Aê Diê dôk mă bruă hlăm diih mjing hlăm diih wăt klei čiăng leh anăn klei dưi ngă klei bi mơak kơ Ñu.

Y-Yakơ 1:18

Tui si klei Ñu pô čiăng, Ñu lŏ bi kkiêng leh kơ drei hŏng klei Ñu blŭ sĭt nik, čiăng kơ drei jing boh hlâo hlang hlăm mnơ̆ng Ñu hrih.