Hră Y-Pôl Mơĭt kơ Phung Rôm 9:11 - Klei Aê Diê Blŭ 2015

¹¹ wăt tơdah dua čô anak ka kkiêng ôh, leh anăn diñu ka tuôm ngă jăk amâodah jhat ôh, čiăng kơ klei Aê Diê čuăn ruah dưi bi sĭt,

Hră Y-Pôl Mơĭt kơ Phung Rôm 9:11 Iomraidhean Croise

Klei Mmuñ Hđăp 51:5

Nĕ anei, arăng kkiêng kơ kâo leh hlăm klei wê, leh anăn amĭ kâo ba tian kơ kâo leh hlăm klei soh.

Y-Êsai 14:24

Yêhôwa kơ phung kahan kat asei leh, “Tui si Kâo mkra hdră leh, snăn yơh srăng truh, leh anăn tui si klei Kâo čuăn leh, snăn yơh srăng jing.

Y-Êsai 23:9

Yêhôwa kơ phung kahan yơh čuăn leh čiăng ngă klei anăn, čiăng bi čhŏ klei mgao jih klei guh kơang, čiăng bi hêñ jih jang phung arăng mpŭ ti lăn ala.

Y-Yêrêmi 51:29

Lăn ktư̆ yơ̆ng leh anăn kpư̆ mgei, kyuadah hdră Yêhôwa mkra čiăng ngă kơ ƀuôn Ƀaƀilôn truh, čiăng brei čar Ƀaƀilôn jing ênguôl, amâo srăng mâo mnuih dôk tinăn ôh.

Hră Y-Pôl Mơĭt kơ Phung Rôm 4:17

Klei anăn djŏ tui si Klei Aê Diê Blŭ čih leh, “Kâo mjing ih leh ama kơ lu phung găp djuê mnuih.” Snăn klei ƀuăn anăn rơ̆ng pioh sĭt ti anăp Aê Diê Pô ñu đăo, Pô brei klei hdĭp kơ phung djiê, leh anăn mtă brei jing mnơ̆ng mơ̆ng mnơ̆ng ka jing ôh.

Êphêsô 2:3

Mphŭn dô jih jang drei jing msĕ si phung anăn mơh. Drei dôk hdĭp tui si kđeh tluh, tui hlue klei kđeh leh anăn klei mĭn drei čiăng. Snăn tui si mnuih yang đar drei jing phung dôk ti gŭ klei Aê Diê ngêñ, msĕ si jih jang mnuih mkăn.

Êphêsô 2:9

amâo djŏ kyua bruă diih ngă ôh, čiăng đăm mâo mnuih bi mni kơ ñu pô.

Êphêsô 3:11

Hdră anăn tui si klei Ñu čuăn mơ̆ng ênuk hlŏng lar, Ñu bi sĭt leh hlăm Krist Yêsu Yang drei.

I Têsalônik 1:4

Ơ phung ayŏng adei Aê Diê khăp, hmei thâo Aê Diê ruah leh diih,

I Têsalônik 2:12

Hmei mtô, mtrŭt, leh anăn mtă kơ grăp čô diih brei dôk hdĭp năng kơ Aê Diê, Pô iêô diih kơ ƀuôn ala mtao leh anăn klei guh kơang Ñu pô.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Y-Tit 3:5

Ñu bi mtlaih leh drei, amâo djŏ kyua bruă kpă drei ngă leh ôh, ƀiădah tui si klei Ñu pô pap, hŏng klei bi doh kbiă hriê mơ̆ng klei lŏ bi kkiêng mrâo, leh anăn klei lŏ bi mrâo hŏng Yang Mngăt Jăk,

I Y-Pêtrôs 5:10

Leh diih tŭ klei knap mñai bhiâo, Aê Diê kơ jih klei pap, Pô iêô leh diih kơ klei guh kơang Ñu hlŏng lar hlăm Krist, srăng mjing diih jăk klă, bi kjăp, bi ktang diih leh anăn mdơ̆ng diih hơĭt.

II Y-Pêtrôs 1:10

Snăn Ơ phung ayŏng amai adei, brei diih hur har hĭn bi sĭt klei Aê Diê iêô leh anăn ruah diih, kyuadah tơdah diih ngă snăn, diih amâo srăng lĕ ôh.

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”