Hră Y-Pôl Mơĭt kơ Phung Rôm 8:7 - Klei Aê Diê Blŭ 2015

⁷ Kyuadah klei khăp mĭn kơ klei tui si kđeh jing roh hŏng Aê Diê. Kđeh anăn amâo gưt kơ klei bhiăn Aê Diê ôh, sĭt nik ñu amâo dưi gưt ôh.

Hră Y-Pôl Mơĭt kơ Phung Rôm 8:7 Iomraidhean Croise

II Klei Yăl Dliê 19:2

Ƀiădah Y-Jêhu anak êkei Y-Hanani pô thâo bi ƀuh kbiă nao bi tuôm hŏng ñu leh anăn lač kơ Mtao Jôsaphat, “Jing djŏ mơ̆ ih đru pô ƀai leh anăn khăp kơ phung bi êmut kơ Yêhôwa? Kyua klei anei klei ngêñ mơ̆ng Yêhôwa truh kơ ih.

Y-Yôp 15:13

tơl ih brei klei mĭn ih bi kdơ̆ng hŏng Aê Diê, leh anăn ha blŭ msĕ snăn klei êbeh ti ai?

Klei Mmuñ Hđăp 53:1

Mnuih khŏ lač hlăm ai tiê ñu, “Amâo mâo Aê Diê ôh.” Diñu mâo knuih jhat, diñu ngă klei ƀai êdi; amâo mâo ôh sa čô ngă klei jăk.

Klei Kbiă 20:5

Đăm ih buôn kkuh ti anăp mnơ̆ng anăn ôh, kăn mă bruă kơ diñu rei; kyuadah Kâo gơ̆ yơh jing Yêhôwa Aê Diê ih, Aê Diê thâo trih, bi kmhal klei wê phung ama lĕ kơ phung anak tơl kơ ênuk tal tlâo amâodah tal pă kơ phung bi êmut kơ Kâo;

Y-Yêrêmi 13:23

Dưi mơ̆ sa čô Êthiôpi bi mlih klĭt ñu, amâodah êmông brêč bi mlih klei brung ñu? Snăn kăn diih dưi ngă jăk rei, phung mưng leh ngă klei jhat.

Y-Êsêkiêl 14:5

čiăng kơ Kâo dưi lŏ mă wĭt ai tiê sang Israel, phung klah đuĕ leh mơ̆ng Kâo kyua rup yang diñu.”’

Y-Mathiơ 12:34

Ơ êđai ala kpơ̆ng! Si diih dưi blŭ klei jăk êjai diih jing jhat? Kyuadah mơ̆ng klei êbeh dlai hlăm ai tiê ƀăng êgei blŭ.

Y-Mathiơ 5:19

Snăn hlei pô gao sa mta điêt hĭn hlăm klei bhiăn anei, leh anăn mtô kơ arăng ngă msĕ, ñu srăng jing pô điêt hĭn hlăm ƀuôn ala mtao adiê. Ƀiădah hlei pô gưt leh anăn mtô klei bhiăn anăn, ñu srăng jing prŏng hlăm ƀuôn ala mtao adiê.

Y-Yôhan 7:7

Lăn ala amâo dưi bi êmut kơ diih ôh, ƀiădah lăn ala bi êmut kơ Kâo kyuadah Kâo hưn kơ bruă lăn ala jing jhat.

Hră Y-Pôl Mơĭt kơ Phung Rôm 1:28

Kyuadah diñu amâo čiăng djă pioh ôh klei thâo kral Aê Diê, snăn Aê Diê jao diñu kơ klei mĭn jhat tơl diñu ngă lu klei amâo năng ôh.

Hră Y-Pôl Mơĭt kơ Phung Rôm 1:30

blŭ mčeh, bi êmut kơ Aê Diê, dlao wač, mgao, bi mni kơ pô, knhăk ngă soh, khăng kŏ hŏng amĭ ama,

Hră Y-Pôl Mơĭt kơ Phung Rôm 3:31

Snăn hŏng klei đăo drei mdlưh hĕ klei bhiăn mơ̆? Hơăi, amâo djŏ ôh! Boh nik nak drei krơ̆ng klei bhiăn.

Hră Y-Pôl Mơĭt kơ Phung Rôm 5:10

Kyuadah tơdah êjai drei jing roh hŏng Aê Diê, klei djiê Anak Aê Diê bi grăng drei leh hŏng Ñu, kdlưn hĭn mơh leh bi grăng, drei srăng mâo klei bi mtlaih kyua klei hdĭp Gơ̆.

Hră Y-Pôl Mơĭt kơ Phung Rôm 7:22

Kâo hơ̆k mơak kơ klei bhiăn Aê Diê hlăm lam ai tiê kâo,

Hră Y-Pôl Mơĭt kơ Phung Rôm 8:4

čiăng bi sĭt klei kpă tui si klei bhiăn hlăm drei, phung hdĭp amâo djŏ tui si kđeh ôh, ƀiădah tui si Yang Mngăt Jăk.

I Kôrantô 2:14

Mnuih yang đar amâo mă tŭ ôh klei Yang Mngăt Jăk Aê Diê brei, kyuadah klei anăn jing klei khŏ kơ ñu, leh anăn ñu amâo dưi thâo săng klei anăn ôh, kyuadah hŏng klei mĭn myang yơh arăng dưi ksiêm klei anăn.

I Kôrantô 9:21

Hŏng phung ti êngao klei bhiăn, kâo jing msĕ si sa čô ti êngao klei bhiăn — amâo djŏ ôh kâo amâo gưt klei bhiăn Aê Diê, ƀiădah kâo dôk ti gŭ klei bhiăn Yang Krist — čiăng kơ kâo dưi atăt phung ti êngao klei bhiăn.

Kôlôs 1:21

Leh anăn phung diih mphŭn dô dôk kbưi mơ̆ng Ñu, jing phung roh hlăm klei mĭn, ngă klei jhat,

Kôlôs 2:18

Đăm brei arăng mplư diih hŏng klei mgưt luă gŭ diñu pô, leh anăn hŏng klei kkuh mpŭ kơ phung dĭng buăl jăk Aê Diê. Pô anăn knang kơ klei ñu pô bi ƀuh, jing mgao amâo mâo klei ôh, ƀiădah knŏng mĭn tui si kđeh ñu tluh.

II Y-Timôthê 3:4

lhiăr, djăl krêñ, mĭn kơ pô thâo lu, khăp kơ klei hlăp amâo djŏ kơ Aê Diê ôh,

Hêbrơ 8:10

Nĕ anei, klei bi mguôp Kâo srăng ngă hŏng sang Israel leh êgao hruê anăn Khua Yang lač: Kâo srăng dưm klei bhiăn Kâo hlăm klei mĭn diñu, leh anăn Kâo srăng čih klei bhiăn anăn hlăm ai tiê diñu; Kâo srăng jing Aê Diê diñu, leh anăn diñu srăng jing phung ƀuôn sang Kâo.

Y-Yakơ 4:4

Diih jing phung knhông yơh! Diih amâo thâo hĕ klei ngă mah jiăng hŏng lăn ala jing roh hŏng Aê Diê? Kyua anăn hlei pô čiăng jing mah jiăng hŏng lăn ala mjing ñu pô roh hŏng Aê Diê.

II Y-Pêtrôs 2:14

Ală diñu duah klei tlĕ piu nanao, leh anăn ngă soh amâo thâo hrăp ôh. Diñu mplư phung awăt. Diñu mâo ai tiê bŏ hŏng klei tluh kơ ngăn dŏ. Diñu jing phung Aê Diê tăm pah leh!