Hră Y-Pôl Mơĭt kơ Phung Rôm 8:34 - Klei Aê Diê Blŭ 2015

³⁴ Hlei pô srăng phat kđi bi kmhal diñu? Krist Yêsu jing Pô djiê leh, wăt kbiă lŏ hdĭp leh mơh, Pô dôk tĭng hnuă kơ Aê Diê leh anăn đru wah lač brei kơ phung drei.

Hră Y-Pôl Mơĭt kơ Phung Rôm 8:34 Iomraidhean Croise

Y-Yôp 33:24

leh anăn ñu pap kơ gơ̆ leh anăn lač, ‘Bi mtlaih bĕ gơ̆, đăm brei gơ̆ trŭn nao kơ Ƀăng Êlam ôh, kâo mâo leh mnơ̆ng bi tui;

Y-Yôp 34:29

Tơdah Ñu dôk kriêp, hlei pô dưi phat kđi Ñu? Tơdah Ñu mdăp ƀô̆ Ñu, hlei pô dưi ƀuh Ñu, thâodah sa găp djuê amâodah sa čô mnuih?

Klei Mmuñ Hđăp 109:31

Kyuadah Ñu dôk dơ̆ng tĭng hnuă pô kƀah, čiăng bi mtlaih gơ̆ mơ̆ng phung phat kđi gơ̆.

Klei Mmuñ Hđăp 37:33

Yêhôwa amâo srăng lui gơ̆ hlăm kngan pô ƀai ôh, amâodah lui arăng bi kmhal gơ̆ ti hruê phat kđi.

Y-Êsai 50:8

Pô yap kâo kpă dôk giăm. Hlei pô srăng bi kdơ̆ng hŏng kâo? Brei drei kgŭ dơ̆ng mđrăm mbĭt. Hlei jing pô kčŭt kơ kâo? Brei ñu hriê giăm kâo.

Y-Êsai 53:12

Kyuanăn Kâo srăng bi mbha kơ Ñu sa kdrêč mbĭt hŏng phung prŏng, leh anăn Gơ̆ srăng bi mbha dŏ plah mă mbĭt hŏng phung ktang, kyuadah Gơ̆ jao klei hdĭp Gơ̆ tơl djiê, leh anăn arăng yap Gơ̆ mbĭt hŏng phung gao klei bhiăn. Ƀiădah Gơ̆ klam leh klei soh lu mnuih, leh anăn wah lač brei kơ phung gao klei bhiăn.

Y-Yêrêmi 50:20

Hlăm hruê anăn leh anăn hlăm ênuk anăn,” Yêhôwa lač, “arăng srăng duah klei wê hlăm phung Israel, ƀiădah amâo srăng ƀuh ôh; arăng srăng duah klei soh hlăm phung Yuđa, ƀiădah amâo srăng ƀuh ôh; kyuadah Kâo srăng pap brei kơ phung Kâo pioh ăt dôk.”

Klei Yap 7:15

sa drei êmô knô dam, sa drei biăp knô, sa drei êđai biăp knô mâo sa thŭn jing mnơ̆ng myơr čuh;

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

Y-Markôs 16:19

Leh Khua Yang Yêsu blŭ kơ diñu, arăng pŭ ba Ñu phă adiê, leh anăn Ñu dôk gŭ tĭng hnuă kơ Aê Diê.

Y-Yôhan 14:19

Adôk ƀiă leh anăn lăn ala amâo srăng lŏ ƀuh Kâo ôh, ƀiădah diih srăng ƀuh Kâo. Kyuadah Kâo dôk hdĭp, diih srăng dôk hdĭp msĕ mơh.

Y-Yôhan 16:23

Ti hruê anăn diih amâo srăng lŏ êmuh Kâo sa mta klei ôh. Kâo lač kơ diih klei sĭt, ya klei diih akâo kơ Ama hlăm anăn Kâo, Ñu srăng brei kơ diih.

Bruă Phung Khua Ƀĭng Kna 2:24

Ƀiădah Aê Diê bi kbiă lŏ hdĭp Ñu leh, bi êngiê leh Ñu mơ̆ng klei myang klei djiê, kyuadah klei djiê amâo dưi kơ̆ng Ñu ôh.

Hră Y-Pôl Mơĭt kơ Phung Rôm 14:13

Snăn, đăm drei bi phat kđi hdơ̆ng drei ôh, ƀiădah mĭn đăm bi têč hnêč amâodah bi gun êlan kơ ayŏng adei ôh.

Hră Y-Pôl Mơĭt kơ Phung Rôm 14:9

Kyua kơ klei anăn yơh Krist djiê leh anăn lŏ hdĭp, čiăng kơ Ñu dưi jing Khua Yang kơ phung djiê wăt kơ phung hdĭp.

Hră Y-Pôl Mơĭt kơ Phung Rôm 4:25

Aê Diê jao Gơ̆ leh kơ klei djiê kyua klei soh drei, leh anăn Ñu bi kbiă lŏ hdĭp Gơ̆ leh čiăng yap drei kpă.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Hră Y-Pôl Mơĭt kơ Phung Rôm 8:27

Leh anăn Aê Diê Pô ksiêm ai tiê mnuih, thâo leh klei mĭn Yang Mngăt Jăk, kyuadah Yang Mngăt Jăk đru wah lač kơ phung doh jăk tui si klei Aê Diê čiăng.

Kôlôs 3:1

Snăn tơdah diih kbiă lŏ hdĭp leh mbĭt hŏng Krist, duah bĕ mnơ̆ng hlăm adiê ti anôk Krist dôk gŭ leh tĭng hnuă kơ Aê Diê.

Hêbrơ 1:3

Gơ̆ jing klei ktlă klei guh kơang Aê Diê, leh anăn jing rup kdrưh nik hŏng Aê Diê. Gơ̆ krơ̆ng lăn adiê hŏng klei Gơ̆ blŭ myang. Tơdah leh Gơ̆ ngă klei bi doh klei soh mnuih, Gơ̆ dôk gŭ tĭng hnuă kơ Pô Guh Kơang ti dlông.

Hêbrơ 7:25

Kyua anăn Ñu dưi bi mtlaih hlŏng lar phung nao giăm Aê Diê hlăm Ñu, kyuadah Ñu dôk hdĭp nanao đru wah lač brei kơ digơ̆.

Hêbrơ 9:24

Kyuadah Krist mŭt leh, amâo djŏ ôh hlăm adŭ doh jăk kngan mnuih ngă, jing rup kơ adŭ doh jăk sĭt, ƀiădah mŭt leh hlăm adiê čiăng bi êdah Ñu pô ară anei ti anăp Aê Diê bi ala drei.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

I Y-Pêtrôs 3:22

Yêsu Krist đĭ leh kơ adiê leh anăn dôk tĭng hnuă kơ Aê Diê. Phung dĭng buăl jăk, phung khua kiă kriê, leh anăn phung khua prŏng myang mŭt đup gưt leh kơ Ñu sơăi.

Klei Bi Êdah 1:18

leh anăn Pô dôk hdĭp. Kâo djiê leh, leh anăn nĕ anei, Kâo dôk hdĭp nanao hlŏng lar, leh anăn Kâo djă kliăng Klei Djiê leh anăn Ƀuôn Phung Djiê.