Hră Y-Pôl Mơĭt kơ Phung Rôm 8:3 - Klei Aê Diê Blŭ 2015

³ Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

Hră Y-Pôl Mơĭt kơ Phung Rôm 8:3 Iomraidhean Croise

Klei Yap 21:9

Snăn Y-Môis ngă sa drei ala kông leh anăn kƀăk gơ̆ ti dlông giê ênơr; leh anăn tơdah ala čoh sa čô mnuih, ñu dưi dlăng kơ ala kông leh anăn dôk hdĭp.

Klei Yap 28:22

Brei ih myơr sa drei bê knô jing mnơ̆ng myơr kyua klei soh, čiăng ngă klei bi doh klei soh diih.

Y-Markôs 15:27

Diñu pơ̆ng ti kyâo bi kal mbĭt hŏng Yêsu dua čô mnuih knĕ, sa čô tĭng hnuă, sa čô tĭng điâo Yêsu.

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 9:24

Snăn lŏ sa blư̆ tal dua diñu iêô mnuih bum ală hlăk êlâo anăn, leh anăn lač kơ gơ̆, “Brei ih mpŭ mni kơ Aê Diê. Hmei thâo kơ êkei anăn jing sa čô mnuih soh.”

Bruă Phung Khua Ƀĭng Kna 13:39

Leh anăn hŏng Ñu yơh hlei pô đăo jing êngiê leh mơ̆ng jih jang klei bhiăn Y-Môis amâo dưi bi êngiê diih ôh.

Hră Y-Pôl Mơĭt kơ Phung Rôm 3:20

Kyuadah ti anăp Aê Diê amâo mâo sa čô mnuih ôh srăng mâo klei yap kpă hŏng bruă klei bhiăn, kyua hŏng klei bhiăn arăng thâo klei ñu jing soh leh.

Hră Y-Pôl Mơĭt kơ Phung Rôm 6:6

Drei thâo kơ mnuih hđăp drei Aê Diê pơ̆ng leh ti kyâo bi kal mbĭt hŏng Ñu, čiăng kơ asei mlei soh dưi rai hĕ, snăn drei amâo lŏ jing hlŭn kơ klei soh ôh.

Hră Y-Pôl Mơĭt kơ Phung Rôm 7:18

Kyuadah kâo thâo amâo mâo mnơ̆ng jăk dôk hlăm kâo ôh, čiăng lač hlăm kđeh kâo. Kâo dưi mâo klei čiăng ngă jăk, ƀiădah kâo amâo dưi ngă klei jăk anăn ôh.

Hră Y-Pôl Mơĭt kơ Phung Rôm 8:32

Kyuadah Ñu amâo hơưi Anak Ñu pô ôh, ƀiădah jao Gơ̆ leh kyua jih jang drei, Ñu amâo srăng brei ôh hĕ kơ drei jih jang mnơ̆ng mbĭt hŏng Gơ̆?

Hră Y-Pôl Mơĭt kơ Phung Rôm 9:3

Kyuadah tơdah dưi kâo čiăng jing mnuih Aê Diê tăm pah tơl ktlah mơ̆ng Krist dưn kyua phung ayŏng adei kâo, phung găp djuê kâo tui si kđeh êrah.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Galati 3:13

Krist bi tui leh drei mơ̆ng klei tăm pah kbiă hriê mơ̆ng klei bhiăn, kyuadah Ñu jing leh pô arăng tăm pah kyua drei — kyuadah Klei Aê Diê Blŭ čih leh, “Tăm pah hĕ kơ pô arăng pơ̆ng ti sa ƀĕ kyâo” —

Galati 3:21

Snăn klei bhiăn bi kdơ̆ng hŏng klei Aê Diê ƀuăn mơ̆? Hơăi, amâo djŏ ôh! Kyuadah tơdah mâo leh sa klei bhiăn dưi bi hdĭp, snăn sĭt nik klei kpă ênô srăng kbiă hriê mơ̆ng klei bhiăn anăn.

Philip 2:7

ƀiădah Ñu toh hĕ klei anăn, leh anăn tŭ klei jing sa čô dĭng buăl, brei arăng kkiêng kơ Ñu jing mnuih.

Hêbrơ 10:12

Ƀiădah tơdah Krist myơr leh sa mnơ̆ng ngă yang kyua klei soh kơ jih jang ênuk, Ñu dôk gŭ tĭng hnuă kơ Aê Diê,

Hêbrơ 10:14

Kyuadah hŏng knŏng sa mnơ̆ng myơr Ñu mjing jăk klă leh kơ jih jang ênuk phung Ñu bi doh jăk leh.

Hêbrơ 2:14

Snăn kyuadah phung anak mâo kđeh leh anăn êrah, Ñu pô msĕ mơh mâo klei jing msĕ snăn, čiăng kơ hŏng klei djiê Ñu dưi bi rai pô mâo klei myang klei djiê, čiăng lač yang jhat,

Hêbrơ 2:17

Kyuanăn yuôm Ñu mâo klei jing msĕ si phung ayŏng adei Ñu hlăm jih jang klei, čiăng kơ Ñu dưi jing sa čô khua ngă yang prŏng thâo pap leh anăn sĭt suôr hlăm bruă Ñu mă kơ Aê Diê, čiăng ngă klei bi doh klei soh phung ƀuôn sang.

Hêbrơ 4:15

Khua ngă yang prŏng drei amâo djŏ jing sa čô amâo dưi pap klei awăt drei, ƀiădah Ñu pô tuôm leh hŏng djăp mta klei mplư msĕ si drei, ƀiădah Ñu amâo ngă soh ôh.

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.