Hră Y-Pôl Mơĭt kơ Phung Rôm 8:26 - Klei Aê Diê Blŭ 2015

²⁶ Msĕ mơh Yang Mngăt Jăk đru drei hlăm klei drei jing awăt; kyuadah drei amâo thâo ôh wah lač bi djŏ, ƀiădah Yang Mngăt Jăk pô đru wah lač brei kơ drei hŏng klei krao amâo dưi mblang ôh.

Hră Y-Pôl Mơĭt kơ Phung Rôm 8:26 Iomraidhean Croise

Y-Yôp 37:19

Mtô bĕ kơ hmei ya hmei srăng lač kơ Ñu; hmei amâo dưi bi êdah klei hmei ôh kyua klei mmăt hmei.

Klei Mmuñ Hđăp 10:17

Ơ Yêhôwa, Ih hmư̆ klei phung luă gŭ čiăng; Ih srăng bi kjăp ai tiê diñu, Ih srăng mđing knga kơ diñu

Klei Mmuñ Hđăp 102:20

čiăng hmư̆ klei phung mnă krao; čiăng bi mtlaih phung arăng pioh leh kơ klei djiê.

Klei Mmuñ Hđăp 102:5

Kyua asăp kâo krao, kâo êwang snăk tơl klang kâo êdah.

Klei Mmuñ Hđăp 6:3

Wăt mngăt kâo rŭng răng snăk. Bi Ih, Ơ Yêhôwa, dŭm boh sui Ih dôk guôn čiăng đru kâo?

Klei Mmuñ Hđăp 6:9

Yêhôwa hmư̆ leh klei kâo kwưh; Yêhôwa tŭ leh klei kâo wah lač.

Klei Mmuñ Hđăp 69:3

Kâo êmăn leh kyua ur; đŏk kâo thu leh. Ală kâo dliu leh kyua dôk guôn Aê Diê kâo.

Klei Čŏk Hia 3:56

Ih hmư̆ leh klei kâo kwưh: ‘Đăm kăt hĕ knga Ih kơ klei kâo ur kwưh kơ klei đru.’

Y-Sakari 12:10

“Leh anăn Kâo srăng tuh ti sang Y-Đawit leh anăn ti phung dôk hlăm ƀuôn Yêrusalem Mngăt Myang klei pap leh anăn kwưh, čiăng kơ tơdah diñu dlăng kơ Kâo, Pô diñu tlŏ leh, diñu srăng kơŭ kyăm kơ Pô anăn, msĕ si kơŭ kyăm kơ anak êkei mâo knŏng sa čô, leh anăn čŏk hia hŏng klei ênguôt kơ Pô anăn, msĕ si čŏk hia kơ anak kkiêng tal êlâo.

Y-Mathiơ 10:20

Kyuadah amâo djŏ diih pô ôh blŭ, ƀiădah Yang Mngăt Jăk Ama diih blŭ hlăm diih.

Y-Mathiơ 20:22

Ƀiădah Yêsu lŏ wĭt lač, “Diih amâo thâo săng ôh ya klei diih akâo. Dưi mơ̆ diih mnăm atŏ Kâo srăng mnăm?” Digơ̆ lŏ wĭt lač, “Hmei dưi mơh.”

Y-Luk 22:44

Hlăm klei ênguôt ktrŏ, Ñu wah lač ktang hĭn; leh anăn êa kơhŏ Ñu jing msĕ si kdrah êrah lĕ ti lăn.

Y-Yôhan 14:16

Leh anăn Kâo srăng akâo kơ Ama, leh anăn Ñu srăng brei kơ diih Pô Đru mkăn dôk mbĭt hŏng diih nanao,

Hră Y-Pôl Mơĭt kơ Phung Rôm 15:1

Drei jing phung ktang hlăm klei đăo, brei drei gui klei ktrŏ phung awăt, leh anăn đăm bi mơak kơ drei pô ôh.

Hră Y-Pôl Mơĭt kơ Phung Rôm 7:24

Knap mñai yơh kâo! Hlei pô srăng bi mtlaih kâo mơ̆ng asei mlei thâo djiê anei?

Hră Y-Pôl Mơĭt kơ Phung Rôm 8:15

Kyuadah Mngăt Myang Aê Diê brei leh kơ diih amâo mjing diih hlŭn leh anăn brei diih huĭ ôh; ƀiădah lĕ, mjing diih anak Aê Diê. Kyuanăn drei iêô, “Aba, Ama!”

II Kôrantô 5:2

Sĭt nik ti lăn ala anei drei krao, čiăng snăk hơô sang drei hlăm adiê.

II Kôrantô 5:4

Kyuadah êjai drei ăt dôk hlăm sang čhiăm anei, drei krao hŏng klei ênguôt; amâo djŏ ôh drei čiăng toh hĕ asei mlei kđeh, ƀiădah drei čiăng hơô asei mlei adiê, čiăng kơ klei hdĭp srăng lun hĕ asei mlei thâo djiê.

Galati 4:6

Leh anăn kyuadah diih jing phung anak, Aê Diê tiŏ hriê leh Yang Mngăt Jăk Anak Ñu mŭt dôk hlăm ai tiê drei, lač, “Aba, Ama!”

Êphêsô 2:18

Kyuadah hlăm Ñu jih dua phung drei dưi nao truh kơ Ama hlăm sa Yang Mngăt Jăk.

Êphêsô 6:18

Hŏng Yang Mngăt Jăk wah lač jêñ jêñ leh anăn kwưh. Răng kơ klei anăn nanao hŏng klei gĭr, êjai wah lač brei kơ jih jang phung doh jăk.

Hêbrơ 4:15

Khua ngă yang prŏng drei amâo djŏ jing sa čô amâo dưi pap klei awăt drei, ƀiădah Ñu pô tuôm leh hŏng djăp mta klei mplư msĕ si drei, ƀiădah Ñu amâo ngă soh ôh.

Hêbrơ 5:2

Ñu thâo pap kơ phung mluk leh anăn kơ phung klah đuĕ, kyuadah ñu pô bŏ hŏng klei awăt msĕ mơh.

Y-Yakơ 4:3

Diih akâo leh anăn amâo mă tŭ ôh, kyuadah soh diih akâo, čiăng yua mnơ̆ng anăn tui si kđeh diih čiăng.