Hră Y-Pôl Mơĭt kơ Phung Rôm 8:23 - Klei Aê Diê Blŭ 2015

²³ Leh anăn amâo djŏ ôh knŏng hjăn mnơ̆ng hrih leh, ƀiădah wăt drei pô mơh, phung mâo leh boh êlâo hĭn mơ̆ng Yang Mngăt Jăk, ur krao hlăm ai tiê êjai dôk guôn klei Aê Diê brei jing phung anak Ñu, čiăng lač klei bi tui kơ asei mlei drei.

Hră Y-Pôl Mơĭt kơ Phung Rôm 8:23 Iomraidhean Croise

II Klei Yăl Dliê 31:5

Tơdah leh arăng hưn klei mtă tar ƀar, phung ƀuôn sang Israel myơr hŏng klei êbeh dlai boh hlâo hlang mơ̆ng mdiê, kpiê mrâo, êa boh ôliwơ, êa hnuê, leh anăn jih jang boh mơ̆ng hma; leh anăn diñu ba hŏng klei êbeh dlai dŏ sa kdrêč hlăm pluh mơ̆ng djăp mta mnơ̆ng.

Y-Luk 20:36

diñu amâo lŏ dưi djiê ôh, kyuadah diñu jing msĕ si phung dĭng buăl jăk Aê Diê leh anăn jing phung anak Aê Diê, jing anak klei kbiă lŏ hdĭp.

Y-Luk 21:28

Tơdah klei anăn dơ̆ng truh, kgŭ bĕ kngưr boh kŏ diih, kyuadah klei bi tui diih giăm truh leh.”

Hră Y-Pôl Mơĭt kơ Phung Rôm 5:11

Amâo djŏ dŭm anăn ôh, ƀiădah msĕ mơh drei hơ̆k mơak hlăm Aê Diê kyua Khua Yang drei Yêsu Krist. Hlăm Gơ̆ yơh drei mâo leh klei bi grăng hŏng Aê Diê.

Hră Y-Pôl Mơĭt kơ Phung Rôm 5:3

Amâo djŏ knŏng dŭm anăn ôh, drei hơ̆k mơak mơh êjai drei tŭ klei knap mñai, kyuadah drei thâo klei knap mñai anăn bi truh klei gĭr;

Hră Y-Pôl Mơĭt kơ Phung Rôm 5:5

leh anăn klei čang hmăng amâo bi hêñ drei ôh, kyuadah klei Aê Diê khăp tuh leh hlăm ai tiê drei hŏng Yang Mngăt Jăk Pô Aê Diê brei leh kơ drei.

Hră Y-Pôl Mơĭt kơ Phung Rôm 7:24

Knap mñai yơh kâo! Hlei pô srăng bi mtlaih kâo mơ̆ng asei mlei thâo djiê anei?

Hră Y-Pôl Mơĭt kơ Phung Rôm 8:19

Kyuadah jih jang mnơ̆ng hrih leh gĭr dôk čang hmăng kơ hruê phung anak Aê Diê srăng bi êdah.

I Kôrantô 1:7

snăn kơh diih amâo kƀah ôh sa mta klei Yang Mngăt Jăk brei, êjai diih dôk guôn klei Khua Yang drei Yêsu Krist srăng bi êdah Ñu pô.

II Kôrantô 1:22

Ñu kđăm leh hmei, leh anăn brei leh kơ hmei Yang Mngăt Jăk Ñu dôk hlăm ai tiê hmei jing mnơ̆ng ƀuăn.

II Kôrantô 7:5

Kyuadah mơ̆ng hruê hmei truh ti čar Masêdôn, kđeh hmei amâo tuôm mâo klei mdei ôh, ƀiădah hmei mâo klei knap mñai djăp mta — klei bi blah ti êngao leh anăn klei huĭ hlăm lam ai tiê.

Galati 5:5

Kyuadah hlăm Yang Mngăt Jăk hŏng klei đăo drei dôk guôn klei čang hmăng kơ klei yap kpă.

Êphêsô 1:14

Yang Mngăt Jăk anăn jing mnơ̆ng ƀuăn rơ̆ng kơ klei drei dưn ngăn, tơl drei mă tŭ ngăn dưn anăn, pioh bi mni kơ klei guh kơang Ñu.

Êphêsô 4:30

Đăm bi ênguôt Yang Mngăt Jăk Aê Diê ôh, Ñu yơh kđăm leh diih pioh kơ hruê bi tui.

Êphêsô 5:9

(kyuadah boh klei mngač arăng ƀuh hlăm jih jang klei jăk, klei kpă, leh anăn klei sĭt nik.)

II Y-Timôthê 4:8

Mơ̆ng anei kơ anăp mâo đuôn mtao klei kpă ênô pioh leh kơ kâo. Khua Yang, khua phat kđi kpă, srăng brei đuôn anăn kơ kâo hlăm Hruê anăn, leh anăn amâo djŏ knŏng kơ kâo ôh, ƀiădah msĕ mơh wăt kơ jih jang phung khăp leh kơ klei Ñu srăng lŏ hriê.

Y-Tit 2:13

êjai dôk guôn klei drei čang hmăng jăk mơak, klei bi êdah klei guh kơang Aê Diê prŏng leh anăn Pô Bi Mtlaih drei, Yêsu Krist.

Hêbrơ 9:28

msĕ snăn mơh Krist myơr leh Ñu pô sa blư̆ čiăng klam klei soh lu mnuih srăng lŏ bi êdah tal dua, amâo lŏ ngă bruă hŏng klei soh ôh, ƀiădah čiăng bi mtlaih phung hur har dôk guôn Ñu.

I Y-Pêtrôs 1:7

čiăng kơ klei diih đăo sĭt nik jing yuôm hĭn kơ mah thâo rai tuč arăng lông dlăng hlăm pui, dưi mâo klei bi mni, klei guh kơang, leh anăn klei mpŭ ti hruê Yêsu Krist srăng bi êdah.

I Y-Yôhan 3:2

Ơ phung kâo khăp, ară anei drei jing anak Aê Diê; ya klei drei srăng jing ka bi êdah ôh. Ƀiădah klei anei drei thâo: tơdah Ñu bi êdah, drei srăng jing msĕ si Ñu, kyuadah drei srăng ƀuh Ñu msĕ si Ñu jing.