Hră Y-Pôl Mơĭt kơ Phung Rôm 8:22 - Klei Aê Diê Blŭ 2015

²² Truh kơ hruê anei, drei thâo jih jang mnơ̆ng hrih leh ur krao mđrăm mbĭt hlăm klei knap mñai msĕ si mniê đih pui.

Hră Y-Pôl Mơĭt kơ Phung Rôm 8:22 Iomraidhean Croise

Klei Mmuñ Hđăp 48:6

Tinăn diñu ktư̆ yơ̆ng, diñu ruă msĕ si sa čô mniê đih pui.

Y-Yêrêmi 12:11

Diñu brei gơ̆ jing ênguôl leh; kyua jing ênguôl leh, ñu kơŭ kyăm kơ Kâo. Tar ƀar čar jing ênguôl leh, kyuadah amâo mâo mnuih uêñ ôh kơ klei anăn.

Y-Yêrêmi 12:4

Dŭm boh sui lăn čar srăng kơŭ kyăm, leh anăn rơ̆k hlăm grăp boh hma srăng dliu krô? Kyua klei ƀai phung dôk hlăm anăn ngă, hlô dliê leh anăn čĭm rai luč. Kyuadah phung mnuih lač, “Ñu amâo srăng ƀuh ôh klei truh kơ drei.”

Bruă Lêwi 26:35

Êjai ênuk ñu jing ênguôl ñu srăng mâo klei mdei, klei mdei anăn amâo mâo ôh hlăm hruê sabat diih êjai diih dôk hlăm ñu.

Y-Markôs 16:15

Leh anăn Yêsu lač kơ diñu, “Nao bĕ tar ƀar lăn ala leh anăn mtô klei mrâo mrang jăk kơ jih jang găp djuê mnuih.

Y-Yôhan 16:21

Êjai sa čô mniê ruă kkiêng ñu mâo klei ênguôt, kyuadah mông ñu kkiêng truh leh. Ƀiădah leh ñu kkiêng kơ anak, ñu amâo lŏ hdơr klei ñu ruă ôh, kyua klei mơak ñu kkiêng leh anak hlăm lăn ala.

Hră Y-Pôl Mơĭt kơ Phung Rôm 8:20

Kyuadah jih jang mnơ̆ng hrih leh tŭ leh klei jing hơăi mang, amâo djŏ tui si diñu pô čiăng ôh, ƀiădah tui si Pô brei diñu tŭ klei anăn hŏng klei čang hmăng

Kôlôs 1:23

knŏng tơdah diih ăt dôk kjăp hlăm klei đăo, amâo kpleh mơ̆ng klei čang hmăng kbiă hriê mơ̆ng klei mrâo mrang jăk diih hmư̆ leh. Klei anăn arăng mtô leh kơ jih jang mnuih ti gŭ adiê, leh anăn kâo gơ̆, Y-Pôl, jing sa čô dĭng ktang kơ klei anăn.

Klei Bi Êdah 12:2

Ñu ba tian leh, leh anăn ur kyua ñu mâo klei ruă kkiêng êjai dôk đih pui.