Hră Y-Pôl Mơĭt kơ Phung Rôm 8:2 - Klei Aê Diê Blŭ 2015

² Kyuadah klei bhiăn Yang Mngăt Jăk brei klei hdĭp hlăm Krist Yêsu bi êngiê leh kâo mơ̆ng klei bhiăn klei soh leh anăn klei djiê.

Hră Y-Pôl Mơĭt kơ Phung Rôm 8:2 Iomraidhean Croise

Klei Mmuñ Hđăp 51:12

Lŏ bi wĭt kơ kâo klei hơ̆k mơak klei Ih bi mtlaih, leh anăn krơ̆ng kâo hŏng ai tiê čiăng ngă tui si Ih čiăng.

Y-Êsêkiêl 1:21

Tơdah pă mnơ̆ng hdĭp nao, pă boh pông nao; tơdah pă drei mnơ̆ng hdĭp dôk, pă boh pông dôk; leh anăn tơdah pă mnơ̆ng hdĭp đĭ, pă boh pông đĭ mbĭt hŏng diñu mơh; kyuadah mngăt myang pă drei mnơ̆ng hdĭp anăn dôk hlăm pông.

Y-Yôhan 4:10

Yêsu lŏ wĭt lač kơ gơ̆, “Tơdah ih thâo mnơ̆ng Aê Diê thiê brei, leh anăn tơdah ih thâo kral Pô dôk blŭ hŏng ih, lač, ‘Brei êa Kâo mnăm đa,’ snăn ih pô srăng akâo kơ Ñu, leh anăn Ñu srăng brei êa hdĭp kơ ih.”

Y-Yôhan 4:14

ƀiădah hlei pô mnăm êa Kâo brei amâo srăng lŏ mhao ôh; êa Kâo brei srăng jing hlăm ñu sa bĭt akŏ êa bluh truh kơ klei hdĭp hlŏng lar.”

Y-Yôhan 6:63

Mngăt Myang yơh jing Pô brei klei hdĭp, kđeh amâo yuôm ôh; klei Kâo blŭ leh kơ diih jing Mngăt Myang leh anăn klei hdĭp.

Y-Yôhan 8:32

leh anăn diih srăng thâo klei sĭt nik, leh anăn klei sĭt nik srăng bi êngiê diih.”

Y-Yôhan 8:36

Snăn tơdah Anak bi êngiê diih, diih srăng êngiê sĭt nik.

Hră Y-Pôl Mơĭt kơ Phung Rôm 16:3

Kâo kkuh čhưn hŏng H'Prisil leh anăn Y-Akilas, phung găp mă bruă mbĭt hŏng kâo hlăm Krist Yêsu.

Hră Y-Pôl Mơĭt kơ Phung Rôm 3:27

Snăn si dưi bi mni kơ pô? Amâo dưi ôh! Hŏng ya klei bhiăn? Hŏng klei bhiăn bruă ngă mơ̆? Hơăi, amâo djŏ ôh, ƀiădah kyua klei drei đăo.

Hră Y-Pôl Mơĭt kơ Phung Rôm 5:21

snăn kyua msĕ si klei soh kiă kriê hŏng klei djiê, msĕ snăn mơh klei pap dưi kiă kriê hŏng klei kpă ênô leh anăn bi truh klei hdĭp hlŏng lar hlăm Yêsu Krist Khua Yang drei.

Hră Y-Pôl Mơĭt kơ Phung Rôm 6:14

Klei soh amâo srăng jing khua diih ôh, kyuadah diih amâo dôk ti gŭ klei bhiăn ôh, ƀiădah ti gŭ klei pap.

Hră Y-Pôl Mơĭt kơ Phung Rôm 6:18

Snăn kyua êngiê leh mơ̆ng klei soh, diih jing leh hlŭn kơ klei kpă ênô.

Hră Y-Pôl Mơĭt kơ Phung Rôm 6:22

Ƀiădah ară anei kyuadah diih êngiê leh mơ̆ng klei soh diih leh anăn jing leh hlŭn kơ Aê Diê, boh tŭ dưn diih mâo ară anei hĭn jing klei doh jăk, leh anăn klei knhal tuč kơ klei anăn jing klei hdĭp hlŏng lar.

Hră Y-Pôl Mơĭt kơ Phung Rôm 7:21

Snăn kâo ƀuh sa mta klei bhiăn snei: tơdah kâo čiăng ngă klei jăk, klei jhat đuôm ti kâo.

Hră Y-Pôl Mơĭt kơ Phung Rôm 7:23

ƀiădah kâo ƀuh hlăm kâo sa klei bhiăn mkăn bi blah hŏng klei bhiăn hlăm klei mĭn kâo, leh anăn mjing kâo mnă kơ klei bhiăn klei soh dôk hlăm kâo.

Hră Y-Pôl Mơĭt kơ Phung Rôm 7:4

Ơ phung ayŏng adei, msĕ snăn mơh diih djiê leh kơ klei bhiăn hlăm asei mlei Krist, čiăng kơ diih dưi jing dŏ pô mkăn, dŏ pô Aê Diê bi kbiă lŏ hdĭp leh mơ̆ng phung djiê, čiăng kơ drei dưi jing yuôm kơ bruă Aê Diê.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

I Kôrantô 15:45

Snei Klei Aê Diê Blŭ čih leh, “Mnuih tal êlâo Y-Ađam jing mngăt hdĭp; Y-Ađam knhal tuč jing mngăt brei klei hdĭp.”

II Kôrantô 3:17

Snăn Khua Yang jing Mngăt Myang, leh anăn ti anôk Mngăt Myang Khua Yang dôk, tinăn mâo klei êngiê.

II Kôrantô 3:6

Ñu brei hmei năng dưi ngă bruă jing dĭng ktang kơ klei bi mguôp mrâo, amâo djŏ ôh hŏng hră, ƀiădah hŏng Mngăt Myang. Kyuadah hră bi mdjiê, ƀiădah Mngăt Myang brei klei hdĭp.

Galati 2:19

Kyuadah hŏng klei bhiăn kâo djiê leh kơ klei bhiăn anăn, čiăng kơ kâo dưi dôk hdĭp kơ Aê Diê.

Galati 5:1

Krist bi mtlaih drei leh, čiăng kơ drei mâo klei êngiê. Snăn dôk kjăp bĕ, đăm lŏ mjing ih pô hlŭn klei bhiăn ôh.

Galati 6:2

Đru bi gui klei ktrŏ hdơ̆ng diih, snăn bi sĭt klei bhiăn Krist.

Y-Yakơ 1:25

Ƀiădah hlei pô ksiêm dlăng klei bhiăn klă ênŭm, klei bhiăn kơ klei êngiê, leh anăn gĭr tŭ ngă, amâo jing ôh mnuih knŏng hmư̆ hlŏng wơr bĭt hĕ, ƀiădah jing sa čô tui ngă, mnuih anăn srăng mâo klei jăk jĭn hlăm bruă ñu.

Klei Bi Êdah 11:11

Ƀiădah leh êgao tlâo hruê mkrah anăn, êwa klei hdĭp mơ̆ng Aê Diê mŭt hlăm diñu, leh anăn diñu kgŭ dơ̆ng, leh anăn klei huĭ prŏng truh kơ phung ƀuh diñu.

Klei Bi Êdah 22:1

Leh anăn dĭng buăk jăk ktrâo kơ kâo êa krông klei hdĭp, mngač msĕ si ală kĭng, kbiă đoh mơ̆ng jhưng mtao Aê Diê leh anăn Êđai Biăp,