Hră Y-Pôl Mơĭt kơ Phung Rôm 8:16 - Klei Aê Diê Blŭ 2015

¹⁶ Yang Mngăt Jăk pô yơh hưn bi sĭt kơ mngăt drei klei drei jing anak Aê Diê.

Hră Y-Pôl Mơĭt kơ Phung Rôm 8:16 Iomraidhean Croise

Y-Ôsê 1:10

“Ƀiădah ênoh yap phung anak čô Israel srăng jing msĕ si čuah hlăm êa ksĭ, arăng amâo dưi mkă, kăn dưi yap rei; leh anăn hrô kơ klei arăng lač kơ diñu, ‘Diih amâo jing phung ƀuôn sang Kâo ôh,’ arăng srăng lač djŏ kơ diñu, ‘Phung anak êkei Aê Diê hdĭp.’

Y-Mathiơ 5:9

Jăk mơak yơh phung đru brei klei êđăp ênang hdơ̆ng mnuih, kyuadah Aê Diê srăng pia diñu phung anak Aê Diê.

Y-Luk 20:36

diñu amâo lŏ dưi djiê ôh, kyuadah diñu jing msĕ si phung dĭng buăl jăk Aê Diê leh anăn jing phung anak Aê Diê, jing anak klei kbiă lŏ hdĭp.

Y-Yôhan 1:12

Ƀiădah hlei pô jum Ñu, čiăng lač hlei pô đăo kơ anăn Ñu, Ñu brei kơ mnuih anăn klei dưi jing anak Aê Diê.

Bruă Phung Khua Ƀĭng Kna 5:32

Hmei jing phung hưn bi sĭt kơ klei anei, leh anăn Yang Mngăt Jăk, Pô Aê Diê brei kơ phung gưt asăp kơ Ñu, jing Pô hưn bi sĭt msĕ mơh.”

Hră Y-Pôl Mơĭt kơ Phung Rôm 8:14

Kyuadah jih jang phung Yang Mngăt Jăk Aê Diê atăt jing phung anak Aê Diê.

Hră Y-Pôl Mơĭt kơ Phung Rôm 8:19

Kyuadah jih jang mnơ̆ng hrih leh gĭr dôk čang hmăng kơ hruê phung anak Aê Diê srăng bi êdah.

Hră Y-Pôl Mơĭt kơ Phung Rôm 8:23

Leh anăn amâo djŏ ôh knŏng hjăn mnơ̆ng hrih leh, ƀiădah wăt drei pô mơh, phung mâo leh boh êlâo hĭn mơ̆ng Yang Mngăt Jăk, ur krao hlăm ai tiê êjai dôk guôn klei Aê Diê brei jing phung anak Ñu, čiăng lač klei bi tui kơ asei mlei drei.

Hră Y-Pôl Mơĭt kơ Phung Rôm 8:26

Msĕ mơh Yang Mngăt Jăk đru drei hlăm klei drei jing awăt; kyuadah drei amâo thâo ôh wah lač bi djŏ, ƀiădah Yang Mngăt Jăk pô đru wah lač brei kơ drei hŏng klei krao amâo dưi mblang ôh.

Hră Y-Pôl Mơĭt kơ Phung Rôm 9:26

Leh anăn hlăm anôk Aê Diê lač kơ digơ̆, ‘Diih amâo jing phung ƀuôn sang Kâo ôh,’ digơ̆ srăng jing ‘Phung anak Aê Diê hdĭp.’ ”

Hră Y-Pôl Mơĭt kơ Phung Rôm 9:8

Klei anăn čiăng lač amâo djŏ ôh phung anak tui si kđeh jing anak Aê Diê, ƀiădah phung anak tui si klei Aê Diê ƀuăn arăng yap jing găp djuê sĭt.

II Kôrantô 1:12

Hmei bi mni kơ hmei pô kyua klei anei: ai tiê kpă hmei hưn kơ klei hmei dôk dơ̆ng ƀơ̆ng huă hlăm lăn ala, leh anăn lu hĭn ti anăp diih, hŏng klei kpă ênuah leh anăn klei sĭt suôr Aê Diê brei, amâo djŏ hŏng klei thâo mĭn kđeh ôh, ƀiădah hŏng klei Aê Diê pap.

II Kôrantô 1:22

Ñu kđăm leh hmei, leh anăn brei leh kơ hmei Yang Mngăt Jăk Ñu dôk hlăm ai tiê hmei jing mnơ̆ng ƀuăn.

II Kôrantô 5:5

Aê Diê jing Pô mkra kơ drei klei anăn, Pô brei leh Mngăt Myang kơ drei jing mnơ̆ng ƀuăn.

II Kôrantô 6:18

leh anăn Kâo srăng jing sa čô ama kơ diih, leh anăn diih srăng jing phung anak êkei leh anăn phung anak mniê Kâo, Khua Yang, Pô Mâo Jih Klei Myang, lač.”

Galati 3:26

Kyuadah jih jang diih jing anak Aê Diê hŏng klei đăo kơ Krist Yêsu.

Galati 4:6

Leh anăn kyuadah diih jing phung anak, Aê Diê tiŏ hriê leh Yang Mngăt Jăk Anak Ñu mŭt dôk hlăm ai tiê drei, lač, “Aba, Ama!”

Êphêsô 1:13

Hlăm Krist diih msĕ mơh, tơdah hmư̆ leh klei blŭ klei sĭt nik, jing klei mrâo mrang jăk kơ klei bi mtlaih diih, đăo leh kơ Ñu, leh anăn Aê Diê kđăm leh diih hŏng Yang Mngăt Jăk Ñu ƀuăn leh.

Êphêsô 4:30

Đăm bi ênguôt Yang Mngăt Jăk Aê Diê ôh, Ñu yơh kđăm leh diih pioh kơ hruê bi tui.

Klei Mtô Mñă Klei Bhiăn 14:1

“Diih jing phung anak Yêhôwa Aê Diê diih; đăm riêk asei mlei diih pô amâodah ngă anôk kla ti adhei kyua mnuih djiê.

I Y-Yôhan 3:1

Dlăng bĕ klei khăp prŏng Ama brei leh kơ drei, tơl Ñu pia drei anak Aê Diê; snăn yơh drei jing leh. Lăn ala amâo thâo kral drei, kyuadah diñu amâo tuôm thâo kral Aê Diê ôh.

I Y-Yôhan 3:10

Hŏng klei anei arăng dưi thâo kral hlei jing phung anak Aê Diê leh anăn hlei jing phung anak yang jhat: hlei pô amâo ngă klei kpă amâo kbiă hriê mơ̆ng Aê Diê ôh, kăn rei pô amâo khăp kơ ayŏng adei ñu.

I Y-Yôhan 3:2

Ơ phung kâo khăp, ară anei drei jing anak Aê Diê; ya klei drei srăng jing ka bi êdah ôh. Ƀiădah klei anei drei thâo: tơdah Ñu bi êdah, drei srăng jing msĕ si Ñu, kyuadah drei srăng ƀuh Ñu msĕ si Ñu jing.

I Y-Yôhan 4:13

Hŏng klei anei drei thâo kơ drei dôk hlăm Ñu leh anăn Ñu dôk hlăm drei: kyuadah Ñu brei leh Mngăt Myang Ñu pô kơ drei.

I Y-Yôhan 5:10

Hlei pô đăo kơ Anak Aê Diê mâo klei hưn bi sĭt anăn hlăm ñu pô. Hlei pô amâo đăo kơ Aê Diê ôh, mjing Aê Diê luar, kyuadah pô anăn amâo đăo ôh kơ klei Aê Diê hưn bi sĭt leh djŏ kơ Anak Ñu.

Klei Bi Êdah 21:7

Hlei pô dưi srăng dưn klei anăn, leh anăn kâo srăng jing Aê Diê ñu, leh anăn ñu srăng jing anak kâo.