Hră Y-Pôl Mơĭt kơ Phung Rôm 8:11 - Klei Aê Diê Blŭ 2015

¹¹ Tơdah Yang Mngăt Jăk mơ̆ng Pô bi kbiă lŏ hdĭp leh Yêsu mơ̆ng phung djiê dôk hlăm diih, Pô bi kbiă lŏ hdĭp leh Yêsu Krist mơ̆ng phung djiê srăng bi kbiă lŏ hdĭp asei mlei thâo djiê diih msĕ mơh hŏng Yang Mngăt Jăk dôk hlăm diih.

Hră Y-Pôl Mơĭt kơ Phung Rôm 8:11 Iomraidhean Croise

Y-Êsai 26:19

Phung djiê Ih srăng lŏ hdĭp, asei mlei diñu srăng lŏ kgŭ. Ơ phung dôk hlăm ƀruih lăn, mdih pĭt ur hơ̆k bĕ. Kyuadah êa nguôm Ih jing êa nguôm ang dar, leh anăn lăn ala srăng lŏ kkiêng phung ƀuôn sang Ñu djiê leh.

Y-Êsêkiêl 37:14

Leh anăn Kâo srăng dưm Mngăt Myang Kâo hlăm diih, leh anăn diih srăng hdĭp, leh anăn Kâo srăng dưm diih hlăm čar diih pô. Hlăk anăn diih srăng thâo Kâo gơ̆ Yêhôwa blŭ leh, leh anăn Kâo bi sĭt leh klei anăn, Yêhôwa lač.’ ”

Y-Yôhan 14:17

jing Mngăt Myang klei sĭt nik. Pô anăn lăn ala amâo dưi jum ôh, kyuadah lăn ala amâo ƀuh Gơ̆ ôh, kăn thâo kral Gơ̆ rei. Diih thâo kral Yang Mngăt Jăk, kyuadah Gơ̆ dôk mbĭt hŏng diih, leh anăn srăng dôk hlăm diih.

Y-Yôhan 5:21

Kyuadah msĕ si Ama bi kbiă lŏ hdĭp phung djiê leh anăn brei klei hdĭp kơ diñu, msĕ snăn mơh Anak brei klei hdĭp kơ hlei pô gơ̆ čiăng.

Bruă Phung Khua Ƀĭng Kna 2:24

Ƀiădah Aê Diê bi kbiă lŏ hdĭp Ñu leh, bi êngiê leh Ñu mơ̆ng klei myang klei djiê, kyuadah klei djiê amâo dưi kơ̆ng Ñu ôh.

Hră Y-Pôl Mơĭt kơ Phung Rôm 16:10

Kâo kkuh čhưn hŏng Y-Apêlês, pô dôk sĭt suôr hŏng Krist êjai mâo klei lông dlăng. Kâo kkuh čhưn hŏng phung găp djuê Y-Aristôbul.

Hră Y-Pôl Mơĭt kơ Phung Rôm 16:3

Kâo kkuh čhưn hŏng H'Prisil leh anăn Y-Akilas, phung găp mă bruă mbĭt hŏng kâo hlăm Krist Yêsu.

Hră Y-Pôl Mơĭt kơ Phung Rôm 16:7

Kâo kkuh čhưn hŏng Y-Andrônikus leh anăn Y-Junias, phung găp djuê kâo, phung arăng krư̆ mbĭt hŏng kâo. Diñu mâo hing ang ti krah phung khua ƀĭng kna, leh anăn diñu đăo kơ Krist êlâo kơ kâo.

Hră Y-Pôl Mơĭt kơ Phung Rôm 16:9

Kâo kkuh čhưn hŏng Y-Urban, pô mă bruă mbĭt hŏng kâo hlăm Krist, leh anăn Y-Stakis, pô kâo khăp.

Hră Y-Pôl Mơĭt kơ Phung Rôm 6:12

Kyuanăn đăm brei klei soh kiă kriê hlăm asei mlei thâo djiê diih ôh, čiăng mgô̆ diih gưt kơ klei ñu tluh.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Hră Y-Pôl Mơĭt kơ Phung Rôm 8:12

Snăn Ơ phung ayŏng adei, drei amâo lŏ đuôm nư kđeh ôh, čiăng dôk hdĭp tui si kđeh —

Hră Y-Pôl Mơĭt kơ Phung Rôm 8:2

Kyuadah klei bhiăn Yang Mngăt Jăk brei klei hdĭp hlăm Krist Yêsu bi êngiê leh kâo mơ̆ng klei bhiăn klei soh leh anăn klei djiê.

Hră Y-Pôl Mơĭt kơ Phung Rôm 8:9

Ƀiădah tơdah sĭt Yang Mngăt Jăk Aê Diê dôk hlăm diih, diih amâo dôk hdĭp tui si kđeh ôh, ƀiădah tui si Yang Mngăt Jăk. Hlei pô amâo mâo Yang Mngăt Jăk Krist amâo jing dŏ Krist ôh.

I Kôrantô 15:16

Kyuadah tơdah phung djiê amâo lŏ hdĭp ôh, snăn Krist amâo lŏ hdĭp ôh.

I Kôrantô 6:14

Aê Diê bi kbiă lŏ hdĭp leh Khua Yang, leh anăn srăng bi kbiă lŏ hdĭp drei msĕ mơh hŏng klei myang Ñu.

II Kôrantô 4:11

Kyuadah êjai hmei dôk hdĭp arăng jao hmei nanao kơ klei djiê kyua Yêsu, čiăng kơ klei hdĭp Yêsu dưi bi êdah hlăm kđeh hmei thâo djiê.

II Kôrantô 4:14

êjai hmei thâo kơ Pô bi kbiă lŏ hdĭp leh Khua Yang Yêsu srăng bi kbiă lŏ hdĭp hmei msĕ mơh mbĭt hŏng Yêsu, leh anăn atăt hmei mbĭt hŏng diih mŭt ti anăp Ñu.

II Kôrantô 5:4

Kyuadah êjai drei ăt dôk hlăm sang čhiăm anei, drei krao hŏng klei ênguôt; amâo djŏ ôh drei čiăng toh hĕ asei mlei kđeh, ƀiădah drei čiăng hơô asei mlei adiê, čiăng kơ klei hdĭp srăng lun hĕ asei mlei thâo djiê.

Galati 6:8

Kyuadah hlei pô rah kơ kđeh ñu pô srăng wiă mơ̆ng kđeh ñu klei rai tuč; ƀiădah hlei pô rah kơ Yang Mngăt jăk srăng wiă mơ̆ng Yang Mngăt Jăk klei hdĭp hlŏng lar.

Êphêsô 2:5

wăt tơdah drei djiê leh hlăm klei soh drei dưn, Ñu lŏ bi hdĭp drei leh mbĭt hŏng Krist (hŏng klei pap yơh diih tlaih leh).

Philip 3:21

Ñu srăng bi mlih asei mlei awăt drei brei jing msĕ si asei mlei guh kơang Ñu, hŏng klei myang Ñu dưi brei jih jang mnơ̆ng gưt kơ Ñu.

Hêbrơ 13:20

Ară anei brei Aê Diê klei êđăp ênang, Pô lŏ bi hdĭp leh Khua Yang drei Yêsu mơ̆ng phung djiê, mgăt khua kơ phung biăp, hŏng êrah klei bi mguôp hlŏng lar,

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

Klei Bi Êdah 1:18

leh anăn Pô dôk hdĭp. Kâo djiê leh, leh anăn nĕ anei, Kâo dôk hdĭp nanao hlŏng lar, leh anăn Kâo djă kliăng Klei Djiê leh anăn Ƀuôn Phung Djiê.

Klei Bi Êdah 11:11

Ƀiădah leh êgao tlâo hruê mkrah anăn, êwa klei hdĭp mơ̆ng Aê Diê mŭt hlăm diñu, leh anăn diñu kgŭ dơ̆ng, leh anăn klei huĭ prŏng truh kơ phung ƀuh diñu.