Hră Y-Pôl Mơĭt kơ Phung Rôm 8:1 - Klei Aê Diê Blŭ 2015

¹ Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Hră Y-Pôl Mơĭt kơ Phung Rôm 8:1 Iomraidhean Croise

Y-Êsai 54:17

Amâo mâo ôh sa mnơ̆ng bi blah arăng mkra čiăng ngă kơ ih srăng dưi, ih srăng dưi hŏng grăp êlah blŭ kđi bi kdơ̆ng hŏng ih. Klei anei yơh jing ngăn dưn kơ phung dĭng buăl Yêhôwa, leh anăn klei kpă ênô diñu mâo mơ̆ng Kâo,” Yêhôwa lač.

Y-Êsêkiêl 18:9

êbat tui hlue klei Kâo mtă, leh anăn sĭt suôr djă pioh klei bhiăn Kâo — ñu jing kpă ênô yơh, sĭt nik ñu srăng dôk hdĭp, Yêhôwa Aê Diê lač.

Y-Yôhan 14:20

Hlăm hruê anăn diih srăng thâo kơ Kâo dôk hlăm Ama Kâo, leh anăn diih dôk hlăm Kâo, leh anăn Kâo dôk hlăm diih.

Y-Yôhan 15:4

Dôk bĕ hlăm Kâo, leh anăn Kâo dôk hlăm diih. Msĕ si adhan amâo dưi mboh hjăn ñu pô ôh, knŏng tơdah ñu dôk đuôm hŏng ana, msĕ snăn mơh kăn diih dưi mboh rei, knŏng tơdah diih dôk hlăm Kâo.

Y-Yôhan 5:24

Kâo lač kơ diih klei sĭt nik, hlei pô hmư̆ klei Kâo blŭ leh anăn đăo kơ Pô tiŏ hriê Kâo, mâo leh klei hdĭp hlŏng lar; ñu amâo srăng truh kơ klei phat kđi ôh, ƀiădah ñu găn leh klei djiê nao kơ klei hdĭp.

Hră Y-Pôl Mơĭt kơ Phung Rôm 16:3

Kâo kkuh čhưn hŏng H'Prisil leh anăn Y-Akilas, phung găp mă bruă mbĭt hŏng kâo hlăm Krist Yêsu.

Hră Y-Pôl Mơĭt kơ Phung Rôm 16:7

Kâo kkuh čhưn hŏng Y-Andrônikus leh anăn Y-Junias, phung găp djuê kâo, phung arăng krư̆ mbĭt hŏng kâo. Diñu mâo hing ang ti krah phung khua ƀĭng kna, leh anăn diñu đăo kơ Krist êlâo kơ kâo.

Hră Y-Pôl Mơĭt kơ Phung Rôm 5:1

Snăn kyuadah drei mâo leh klei yap kpă hŏng klei đăo, drei mâo klei êđăp ênang hŏng Aê Diê hlăm Khua Yang drei Yêsu Krist.

Hră Y-Pôl Mơĭt kơ Phung Rôm 5:16

Leh anăn klei brei hơăi amâo msĕ si klei truh kyua sa čô mnuih soh ôh. Kyuadah klei phat kđi kyua sa mta klei soh bi truh klei bi kmhal; ƀiădah klei brei hơăi bi truh klei yap kpă leh arăng ngă lu klei soh.

Hră Y-Pôl Mơĭt kơ Phung Rôm 7:17

Snăn amâo djŏ ôh jing kâo ngă klei anăn, ƀiădah klei soh dôk hlăm kâo ngă klei anăn.

Hră Y-Pôl Mơĭt kơ Phung Rôm 7:20

Snăn tơdah kâo ngă klei kâo amâo čiăng ngă ôh, amâo djŏ ôh kâo ngă klei anăn, ƀiădah jing klei soh dôk hlăm kâo ngă klei anăn.

Hră Y-Pôl Mơĭt kơ Phung Rôm 8:11

Tơdah Yang Mngăt Jăk mơ̆ng Pô bi kbiă lŏ hdĭp leh Yêsu mơ̆ng phung djiê dôk hlăm diih, Pô bi kbiă lŏ hdĭp leh Yêsu Krist mơ̆ng phung djiê srăng bi kbiă lŏ hdĭp asei mlei thâo djiê diih msĕ mơh hŏng Yang Mngăt Jăk dôk hlăm diih.

Hră Y-Pôl Mơĭt kơ Phung Rôm 8:14

Kyuadah jih jang phung Yang Mngăt Jăk Aê Diê atăt jing phung anak Aê Diê.

Hră Y-Pôl Mơĭt kơ Phung Rôm 8:2

Kyuadah klei bhiăn Yang Mngăt Jăk brei klei hdĭp hlăm Krist Yêsu bi êngiê leh kâo mơ̆ng klei bhiăn klei soh leh anăn klei djiê.

Hră Y-Pôl Mơĭt kơ Phung Rôm 8:34

Hlei pô srăng phat kđi bi kmhal diñu? Krist Yêsu jing Pô djiê leh, wăt kbiă lŏ hdĭp leh mơh, Pô dôk tĭng hnuă kơ Aê Diê leh anăn đru wah lač brei kơ phung drei.

Hră Y-Pôl Mơĭt kơ Phung Rôm 8:39

boh dlông, boh êlam, amâodah ya mnơ̆ng mkăn hlăm jih jang mnơ̆ng hrih leh, amâo srăng dưi bi ktlah drei ôh mơ̆ng klei Aê Diê khăp bi êdah leh hlăm Krist Yêsu Khua Yang drei.

Hră Y-Pôl Mơĭt kơ Phung Rôm 8:4

čiăng bi sĭt klei kpă tui si klei bhiăn hlăm drei, phung hdĭp amâo djŏ tui si kđeh ôh, ƀiădah tui si Yang Mngăt Jăk.

Hră Y-Pôl Mơĭt kơ Phung Rôm 8:9

Ƀiădah tơdah sĭt Yang Mngăt Jăk Aê Diê dôk hlăm diih, diih amâo dôk hdĭp tui si kđeh ôh, ƀiădah tui si Yang Mngăt Jăk. Hlei pô amâo mâo Yang Mngăt Jăk Krist amâo jing dŏ Krist ôh.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

I Kôrantô 15:22

Kyuadah msĕ si hlăm Y-Ađam jih jang djiê, msĕ snăn mơh jih jang srăng kbiă lŏ hdĭp hlăm Krist.

II Kôrantô 12:2

Kâo thâo kral sa čô mnuih hlăm Krist, pô Aê Diê pŭ ba truh ti adiê tal tlâo pluh pă thŭn êgao leh (thâodah hlăm asei mlei amâodah ti êngao asei mlei kâo amâo thâo ôh, Aê Diê thâo.)

II Kôrantô 5:17

Kyuanăn tơdah sa čô dôk hlăm Krist, ñu jing mnuih hrih mrâo leh; mnơ̆ng hđăp êgao tuč leh, nĕ anei, jih jang mnơ̆ng jing mrâo leh sơăi.

Galati 3:13

Krist bi tui leh drei mơ̆ng klei tăm pah kbiă hriê mơ̆ng klei bhiăn, kyuadah Ñu jing leh pô arăng tăm pah kyua drei — kyuadah Klei Aê Diê Blŭ čih leh, “Tăm pah hĕ kơ pô arăng pơ̆ng ti sa ƀĕ kyâo” —

Galati 3:26

Kyuadah jih jang diih jing anak Aê Diê hŏng klei đăo kơ Krist Yêsu.

Galati 3:28

Amâo lŏ yap mdê ôh phung Yuđa hŏng phung Grĕk, phung hlŭn hŏng phung êngiê, phung êkei hŏng phung mniê; kyuadah jih jang diih jing leh sa hlăm Krist Yêsu.

Galati 5:16

Ƀiădah kâo lač: Brei Yang Mngăt Jăk kiă kriê klei hdĭp diih leh anăn diih amâo srăng bi mơak kơ klei kđeh čiăng ôh.

Galati 5:25

Tơdah drei dôk hdĭp kyua Yang Mngăt Jăk, brei drei dôk dơ̆ng ƀơ̆ng huă tui si Yang Mngăt Jăk mơh.

Êphêsô 1:1

Kâo gơ̆ Y-Pôl, sa čô khua ƀĭng kna Krist Yêsu, tui si klei Aê Diê čiăng, Čih mơĭt kơ phung doh jăk dôk ti Êphêsô, phung sĭt suôr hlăm Krist Yêsu.

Philip 3:9

leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;