Hră Y-Pôl Mơĭt kơ Phung Rôm 7:9 - Klei Aê Diê Blŭ 2015

⁹ Mphŭn dô kâo dôk hdĭp amâo mâo klei bhiăn ôh, ƀiădah tơdah klei mtă truh, klei soh lŏ hdĭp,

Hră Y-Pôl Mơĭt kơ Phung Rôm 7:9 Iomraidhean Croise

Klei Mmuñ Hđăp 40:12

Kyuadah lu klei jhat dôk jŭm kâo tơl kâo amâo dưi yap; klei wê hmao kâo leh tơl kâo amâo dưi ƀuh ôh; diñu jing êbeh hĭn kơ ƀŭk ti dlông boh kŏ kâo leh anăn kâo êdu ai.

Y-Mathiơ 19:20

Êkei hlăk ai anăn lač kơ Ñu, “Kâo gưt leh jih jang klei bhiăn anăn; ya klei ka djăp?”

Y-Luk 15:29

Ƀiădah ñu lŏ wĭt lač kơ ama ñu, ‘Nĕ anei, sui thŭn leh kâo mă bruă kơ ih, leh anăn kâo amâo tuôm gao asăp ih mtă ôh, ƀiădah ih amâo tuôm brei ôh sa drei êđai bê kơ kâo čiăng kơ kâo dưi ngă klei mơak hŏng phung mah jiăng kâo.

Y-Luk 18:21

Êkei anăn lač, “Kâo gưt leh jih klei anăn mơ̆ng kâo hlăk ai.”

Hră Y-Pôl Mơĭt kơ Phung Rôm 10:5

Y-Môis čih leh djŏ kơ klei kpă ênô kbiă hriê mơ̆ng klei bhiăn snei, “hlei pô gưt jih klei mtă anăn srăng hdĭp”.

Hră Y-Pôl Mơĭt kơ Phung Rôm 7:10

leh anăn kâo djiê. Klei mtă ƀuăn brei klei hdĭp kơ kâo, ƀiădah bi truh klei djiê kơ kâo.

Hră Y-Pôl Mơĭt kơ Phung Rôm 7:11

Kyuadah hŏng klei mtă, klei soh mâo klei myun mplư kâo, snăn hŏng klei mtă anăn klei soh bi mdjiê leh kâo.

Hră Y-Pôl Mơĭt kơ Phung Rôm 7:4

Ơ phung ayŏng adei, msĕ snăn mơh diih djiê leh kơ klei bhiăn hlăm asei mlei Krist, čiăng kơ diih dưi jing dŏ pô mkăn, dŏ pô Aê Diê bi kbiă lŏ hdĭp leh mơ̆ng phung djiê, čiăng kơ drei dưi jing yuôm kơ bruă Aê Diê.

Hră Y-Pôl Mơĭt kơ Phung Rôm 7:6

Ƀiădah ară anei hin drei êngiê leh mơ̆ng klei bhiăn anăn, drei djiê leh kơ klei bhiăn mjing leh drei mnă. Snăn drei amâo lŏ mă bruă ôh tui si klei bhiăn hđăp arăng čih leh, ƀiădah mă bruă tui si ai mĭn mrâo mơ̆ng Yang Mngăt Jăk.

Hră Y-Pôl Mơĭt kơ Phung Rôm 7:8

Ƀiădah hŏng klei mtă anăn klei soh mâo klei myun mjing hlăm kâo djăp mta klei tluh. Kyuadah tơdah amâo mâo klei bhiăn ôh, klei soh djiê leh.

Hră Y-Pôl Mơĭt kơ Phung Rôm 8:7

Kyuadah klei khăp mĭn kơ klei tui si kđeh jing roh hŏng Aê Diê. Kđeh anăn amâo gưt kơ klei bhiăn Aê Diê ôh, sĭt nik ñu amâo dưi gưt ôh.

Galati 2:19

Kyuadah hŏng klei bhiăn kâo djiê leh kơ klei bhiăn anăn, čiăng kơ kâo dưi dôk hdĭp kơ Aê Diê.

Galati 3:10

Kyuadah jih jang hlei pô knang kơ bruă tui si klei bhiăn dôk ti gŭ klei tăm pah; kyuadah Klei Aê Diê Blŭ čih leh, “Tăm pah hĕ kơ hlei pô amâo gưt leh anăn ngă tui si jih jang klei čih leh hlăm hdruôm hră klei bhiăn.”