Hră Y-Pôl Mơĭt kơ Phung Rôm 7:6 - Klei Aê Diê Blŭ 2015

⁶ Ƀiădah ară anei hin drei êngiê leh mơ̆ng klei bhiăn anăn, drei djiê leh kơ klei bhiăn mjing leh drei mnă. Snăn drei amâo lŏ mă bruă ôh tui si klei bhiăn hđăp arăng čih leh, ƀiădah mă bruă tui si ai mĭn mrâo mơ̆ng Yang Mngăt Jăk.

Hră Y-Pôl Mơĭt kơ Phung Rôm 7:6 Iomraidhean Croise

Y-Êsêkiêl 11:19

Kâo srăng brei kơ diñu sa ai tiê mrâo, leh anăn dưm hlăm diñu sa klei mĭn mrâo; Kâo srăng mă hĕ sa ai tiê boh tâo khăng diñu leh anăn brei kơ diñu sa ai tiê kđeh,

Y-Êsêkiêl 36:26

Kâo srăng brei kơ diih ai tiê mrâo, Kâo srăng dưm hlăm diih mngăt myang mrâo; leh anăn Kâo srăng mă hĕ mơ̆ng diih ai tiê khăng leh anăn brei kơ diih ai tiê êdu êun.

Hră Y-Pôl Mơĭt kơ Phung Rôm 1:9

Kyuadah Aê Diê, kơ Ñu kâo mă bruă hŏng mngăt kâo hlăm klei mrâo mrang jăk Anak Ñu, jing Pô hưn bi sĭt kơ kâo hdơr kơ diih nanao grăp blư̆ kâo wah lač.

Hră Y-Pôl Mơĭt kơ Phung Rôm 12:2

Đăm jing msĕ si phung ênuk anei ôh, ƀiădah brei Aê Diê bi mlih klei hdĭp diih hŏng klei Ñu lŏ bi mrâo klei mĭn diih, čiăng kơ diih dưi thâo ya jing klei Aê Diê čiăng jăk, mơak, leh anăn klă.

Hră Y-Pôl Mơĭt kơ Phung Rôm 6:11

Snăn brei diih msĕ mơh yap diih pô djiê leh kơ klei soh, leh anăn dôk hdĭp kơ Aê Diê hlăm Krist Yêsu.

Hră Y-Pôl Mơĭt kơ Phung Rôm 6:19

Kâo blŭ msĕ si mnuih kyuadah klei thâo săng diih điêt. Msĕ si hlăk êlâo diih jao leh jơ̆ng kngan diih kơ klei čhŏ leh anăn klei soh čiăng ngă soh lu hĭn nanao, snăn yơh ară anei jao bĕ jơ̆ng kngan diih kơ klei kpă ênô čiăng mâo klei doh jăk.

Hră Y-Pôl Mơĭt kơ Phung Rôm 6:2

Hơăi, amâo djŏ ôh! Si drei phung djiê leh kơ klei soh ăt dôk hdĭp hlăm klei soh lĕ?

Hră Y-Pôl Mơĭt kơ Phung Rôm 6:22

Ƀiădah ară anei kyuadah diih êngiê leh mơ̆ng klei soh diih leh anăn jing leh hlŭn kơ Aê Diê, boh tŭ dưn diih mâo ară anei hĭn jing klei doh jăk, leh anăn klei knhal tuč kơ klei anăn jing klei hdĭp hlŏng lar.

Hră Y-Pôl Mơĭt kơ Phung Rôm 6:4

Snăn hŏng klei ƀaptem Aê Diê dơr leh drei mbĭt hŏng Ñu hlăm klei Ñu djiê, čiăng kơ msĕ si Krist kbiă lŏ hdĭp leh mơ̆ng phung djiê hŏng klei guh kơang Ama, drei msĕ mơh dưi hdĭp hlăm klei hdĭp mrâo.

Hră Y-Pôl Mơĭt kơ Phung Rôm 7:1

Ơ phung ayŏng adei, kâo blŭ kơ phung thâo leh klei bhiăn, diih amâo thâo hĕ klei bhiăn kiă kriê sa čô mnuih knŏng êjai ñu dôk hdĭp?

Hră Y-Pôl Mơĭt kơ Phung Rôm 7:2

Snăn tui si klei bhiăn, mniê đuôm hŏng ung ñu êjai gơ̆ dôk hdĭp; ƀiădah tơdah ung ñu djiê, ñu tlaih leh mơ̆ng klei bhiăn bi đuôm ñu hŏng ung.

Hră Y-Pôl Mơĭt kơ Phung Rôm 7:4

Ơ phung ayŏng adei, msĕ snăn mơh diih djiê leh kơ klei bhiăn hlăm asei mlei Krist, čiăng kơ diih dưi jing dŏ pô mkăn, dŏ pô Aê Diê bi kbiă lŏ hdĭp leh mơ̆ng phung djiê, čiăng kơ drei dưi jing yuôm kơ bruă Aê Diê.

II Kôrantô 3:6

Ñu brei hmei năng dưi ngă bruă jing dĭng ktang kơ klei bi mguôp mrâo, amâo djŏ ôh hŏng hră, ƀiădah hŏng Mngăt Myang. Kyuadah hră bi mdjiê, ƀiădah Mngăt Myang brei klei hdĭp.

II Kôrantô 5:17

Kyuanăn tơdah sa čô dôk hlăm Krist, ñu jing mnuih hrih mrâo leh; mnơ̆ng hđăp êgao tuč leh, nĕ anei, jih jang mnơ̆ng jing mrâo leh sơăi.

Galati 3:13

Krist bi tui leh drei mơ̆ng klei tăm pah kbiă hriê mơ̆ng klei bhiăn, kyuadah Ñu jing leh pô arăng tăm pah kyua drei — kyuadah Klei Aê Diê Blŭ čih leh, “Tăm pah hĕ kơ pô arăng pơ̆ng ti sa ƀĕ kyâo” —

Galati 6:15

Kyuadah klei khăt klĭt amâo jing yuôm ôh, amâodah klei amâo khăt klĭt kăn jing yuôm rei, knŏng klei jing mnuih Aê Diê hrih mrâo jing yuôm.

Êphêsô 4:24

leh anăn brei diih hơô knuih mrâo, hrih leh msĕ si Aê Diê hlăm klei kpă ênô leh anăn klei doh jăk sĭt nik.

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Kôlôs 3:10

leh anăn hơô leh mnuih mrâo, mnuih mrâo anăn Aê Diê dôk bi mrâo hlăm klei thâo săng tui si rup Pô hrih ñu.