Hră Y-Pôl Mơĭt kơ Phung Rôm 7:4 - Klei Aê Diê Blŭ 2015

⁴ Ơ phung ayŏng adei, msĕ snăn mơh diih djiê leh kơ klei bhiăn hlăm asei mlei Krist, čiăng kơ diih dưi jing dŏ pô mkăn, dŏ pô Aê Diê bi kbiă lŏ hdĭp leh mơ̆ng phung djiê, čiăng kơ drei dưi jing yuôm kơ bruă Aê Diê.

Hră Y-Pôl Mơĭt kơ Phung Rôm 7:4 Iomraidhean Croise

Y-Êsai 54:5

Kyuadah Pô Hrih ih jing ung ih, Yêhôwa kơ phung kahan jing anăn Ñu; leh anăn Pô Doh Jăk Israel jing Pô Bi Tui ih, arăng pia Ñu Aê Diê kơ jih lăn ala.

Y-Êsai 62:5

Kyuadah msĕ si sa čô êkei hlăk ai dôk mô̆ sa čô mniê êra hrông, msĕ snăn mơh phung anak êkei ih srăng dôk ih; leh anăn msĕ si êkei dôk mô̆ hơ̆k mơak kyua mniê ñu dôk, msĕ snăn mơh Aê Diê ih srăng hơ̆k mơak kyua ih.

Y-Mathiơ 26:26

Êjai diñu dôk huă ƀơ̆ng, Yêsu mă kpŭng, wah lač klei bi mni, kjoh kpŭng leh anăn bi mbha kơ phung ƀĭng kna, lač, “Mă ƀơ̆ng bĕ; anei jing asei mlei Kâo.”

Y-Markôs 4:20

Ƀiădah phung mnuih tŭ mjeh hlăm lăn jăk jing phung hmư̆ klei blŭ leh anăn mă tŭ gơ̆, leh anăn mboh tăp năng sa asăr tlâo pluh, năm pluh, leh anăn sa êtuh.”

Y-Yôhan 15:8

Kyuadah hlăm klei anei Ama Kâo mâo klei guh kơang: tơdah diih mboh lu, snăn diih jing phung ƀĭng kna Kâo.

Y-Yôhan 3:29

Hlăm klei bi kuôl, mniê dôk ung jing pô pioh kơ êkei dôk mô̆; ƀiădah mah jiăng êkei anăn dôk giăm leh anăn hmư̆ gơ̆, mâo klei mơak êjai hmư̆ asăp êkei dôk mô̆. Snăn yơh klei hơ̆k mơak kâo bŏ dlai.

Y-Yôhan 6:51

Kâo jing kpŭng klei hdĭp trŭn mơ̆ng adiê. Tơdah sa čô ƀơ̆ng kpŭng anei, ñu srăng dôk hdĭp hlŏng lar; leh anăn kpŭng Kâo srăng brei pioh kơ klei hdĭp phung lăn ala jing kđeh Kâo pô.”

Hră Y-Pôl Mơĭt kơ Phung Rôm 6:11

Snăn brei diih msĕ mơh yap diih pô djiê leh kơ klei soh, leh anăn dôk hdĭp kơ Aê Diê hlăm Krist Yêsu.

Hră Y-Pôl Mơĭt kơ Phung Rôm 6:14

Klei soh amâo srăng jing khua diih ôh, kyuadah diih amâo dôk ti gŭ klei bhiăn ôh, ƀiădah ti gŭ klei pap.

Hră Y-Pôl Mơĭt kơ Phung Rôm 6:2

Hơăi, amâo djŏ ôh! Si drei phung djiê leh kơ klei soh ăt dôk hdĭp hlăm klei soh lĕ?

Hră Y-Pôl Mơĭt kơ Phung Rôm 6:22

Ƀiădah ară anei kyuadah diih êngiê leh mơ̆ng klei soh diih leh anăn jing leh hlŭn kơ Aê Diê, boh tŭ dưn diih mâo ară anei hĭn jing klei doh jăk, leh anăn klei knhal tuč kơ klei anăn jing klei hdĭp hlŏng lar.

Hră Y-Pôl Mơĭt kơ Phung Rôm 7:3

Snăn tơdah mniê dôk êkei mkăn êjai ung ñu ăt dôk hdĭp, arăng srăng pia ñu mniê tlĕ piu. Ƀiădah tơdah ung ñu djiê, ñu êngiê leh mơ̆ng klei bhiăn anăn, leh anăn tơdah ñu dôk ung mkăn, ñu amâo jing mniê tlĕ piu ôh.

Hră Y-Pôl Mơĭt kơ Phung Rôm 7:6

Ƀiădah ară anei hin drei êngiê leh mơ̆ng klei bhiăn anăn, drei djiê leh kơ klei bhiăn mjing leh drei mnă. Snăn drei amâo lŏ mă bruă ôh tui si klei bhiăn hđăp arăng čih leh, ƀiădah mă bruă tui si ai mĭn mrâo mơ̆ng Yang Mngăt Jăk.

Hră Y-Pôl Mơĭt kơ Phung Rôm 8:2

Kyuadah klei bhiăn Yang Mngăt Jăk brei klei hdĭp hlăm Krist Yêsu bi êngiê leh kâo mơ̆ng klei bhiăn klei soh leh anăn klei djiê.

I Kôrantô 10:16

Atŏ klei jăk jĭn drei bi mni kơ Aê Diê, amâo djŏ hĕ jing klei bi mguôp hlăm êrah Krist? Kpŭng drei kjoh, amâo djŏ hĕ jing klei bi mguôp hlăm asei mlei Krist?

II Kôrantô 11:2

Kâo mâo klei trih kơ diih msĕ si klei Aê Diê trih. Kyuadah kâo bi čuôp leh diih hŏng Krist msĕ si sa čô mniê êra hrông doh kơ knŏng sa čô sa čô ung.

Galati 3:13

Krist bi tui leh drei mơ̆ng klei tăm pah kbiă hriê mơ̆ng klei bhiăn, kyuadah Ñu jing leh pô arăng tăm pah kyua drei — kyuadah Klei Aê Diê Blŭ čih leh, “Tăm pah hĕ kơ pô arăng pơ̆ng ti sa ƀĕ kyâo” —

Galati 5:18

Ƀiădah tơdah Yang Mngăt Jăk atăt gai diih, diih amâo dôk ti gŭ klei bhiăn ôh.

Êphêsô 2:15

hŏng klei Ñu lăm klei bhiăn leh anăn klei mtă hlăm asei mlei Ñu pô, čiăng kơ Ñu dưi brei dua găp djuê jing sa phung hrih mrâo hlăm Ñu pô. Snăn Ñu ngă klei êđăp ênang,

Philip 1:11

bŏ hŏng boh klei kpă ênô kbiă hriê mơ̆ng Yêsu Krist, pioh kơ klei guh kơang leh anăn klei bi mni kơ Aê Diê.

Philip 4:17

Amâo djŏ ôh kâo duah mnơ̆ng arăng myơr; ƀiădah kâo duah boh dưi mđĭ klei mưn kơ diih.

Kôlôs 1:10

čiăng kơ diih hdĭp năng kơ Khua Yang, bi mơak kơ Ñu hlăm jih jang klei, mâo boh tŭ dưn hlăm jih jang bruă jăk, lŏ bi mđĭ klei thâo kral Aê Diê.

Kôlôs 1:22

ƀiădah ară anei Aê Diê bi grăng leh diih hŏng klei Anak êkei Ñu djiê hlăm asei mlei kđeh, čiăng bi êdah diih ti anăp Ñu jing doh jăk, amâo mâo klei dưi ƀuah ôh,

Kôlôs 1:6

truh leh kơ diih, msĕ si truh leh sĭt nik tar ƀar lăn ala, mâo boh leh anăn hriê kơ prŏng, msĕ snăn mơh hlăm phung diih, mơ̆ng hruê diih hmư̆ leh anăn thâo săng klei Aê Diê pap tui si klei sĭt nik,

Kôlôs 2:14

Ñu lăm hĕ leh hră nư mbĭt hŏng klei bhiăn bi đuôm drei, klei bhiăn anăn bi kdơ̆ng hŏng drei, ƀiădah Ñu lăm hĕ klei bhiăn anăn hŏng klei Ñu pơ̆ng klei bhiăn anăn ti kyâo bi kal.

Kôlôs 2:20

Tơdah diih djiê leh mbĭt hŏng Krist kơ klei bhiăn lăn ala, si ngă klei bhiăn anei lŏ mgô̆ diih hdĭp msĕ si diih ăt jing dŏ lăn ala?

Hêbrơ 10:10

Hŏng klei Aê Diê čiăng anăn Yêsu Krist bi doh jăk drei leh hŏng klei myơr asei mlei Ñu pô sa blư̆ man djăp kơ jih jang ênuk.

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.

Klei Bi Êdah 19:7

Brei drei mơak leh anăn hơ̆k, leh anăn brei klei guh kơang kơ Ñu, kyuadah klei bi kuôl ung mô̆ kơ Êđai Biăp truh leh, leh anăn Mô̆ Ñu mprăp gơ̆ pô leh.

Klei Bi Êdah 21:9

Leh anăn sa čô hlăm phung kjuh čô dĭng buăl jăk djă kjuh boh êlŭ bŏ hŏng kjuh klei bi knap knhal tuč hriê kơ kâo leh anăn lač, “Hriê bĕ, kâo srăng ktrâo kơ ih mniê srăng dôk ung jing mô̆ kơ Êđai Biăp.”