Hră Y-Pôl Mơĭt kơ Phung Rôm 7:18 - Klei Aê Diê Blŭ 2015

¹⁸ Kyuadah kâo thâo amâo mâo mnơ̆ng jăk dôk hlăm kâo ôh, čiăng lač hlăm kđeh kâo. Kâo dưi mâo klei čiăng ngă jăk, ƀiădah kâo amâo dưi ngă klei jăk anăn ôh.

Hră Y-Pôl Mơĭt kơ Phung Rôm 7:18 Iomraidhean Croise

Klei Mphŭn Dơ̆ng 6:5

Khua Yang ƀuh klei măk ƀai mnuih kmưn jing prŏng ti lăn ala, leh anăn jih klei mĭn ai tiê diñu knŏng jing jhat nanao.

Klei Mphŭn Dơ̆ng 8:21

Khua Yang ƀâo mnâo jăk leh anăn lač hlăm ai tiê Ñu, “Kâo amâo srăng lŏ tăm pah kơ lăn ôh kyua mnuih, kyuadah klei mĭn ai tiê mnuih jing jhat dơ̆ng mơ̆ng ñu hlăk ai; kăn Kâo srăng lŏ bi rai rei jih jang mnơ̆ng hdĭp msĕ si Kâo ngă leh.

Y-Yôp 14:4

Hlei pô dưi bi kbiă mnơ̆ng doh mơ̆ng mnơ̆ng čhŏ? Amâo mâo sa čô dưi ôh.

Y-Yôp 25:4

Snăn, si sa čô mnuih dưi jing kpă ênô ti anăp Aê Diê lĕ? Si ngă sa čô kkiêng mơ̆ng mniê dưi jing doh jăk?

Klei Mmuñ Hđăp 119:173

Brei kngan Ih kăp đru kâo, kyuadah kâo ruah leh klei Ih mtă.

Klei Mmuñ Hđăp 119:176

Kâo klah đuĕ msĕ si sa drei biăp luč; duah bĕ dĭng buăl Ih, kyuadah kâo amâo wơr bĭt ôh klei Ih mtă.

Klei Mmuñ Hđăp 119:32

Kâo srăng êran tui hlue êlan klei Ih mtă, kyuadah Ih bi êngiê ai tiê kâo leh.

Klei Mmuñ Hđăp 119:40

Nĕ anei, kâo hnĭng kơ klei Ih čih! Kyua klei kpă ênô Ih brei kâo dôk hdĭp.

Klei Mmuñ Hđăp 119:5

Kâo čiăng kơ êlan kâo jing kjăp, êjai gưt klei bhiăn Ih!

Klei Mmuñ Hđăp 51:5

Nĕ anei, arăng kkiêng kơ kâo leh hlăm klei wê, leh anăn amĭ kâo ba tian kơ kâo leh hlăm klei soh.

Y-Êsai 64:6

Jih jang hmei jing leh msĕ si pô amâo doh, leh anăn jih bruă kpă ênô hmei jing msĕ si čhiăm ao čhŏ leh. Jih jang hmei dliu msĕ si hla kyâo, leh anăn klei wê hmei kpuh mđung hmei msĕ si angĭn.

Y-Mathiơ 15:19

Kyuadah mơ̆ng ai tiê yơh kbiă hriê klei mĭn jhat, klei bi mdjiê mnuih, klei tlĕ piu, klei knhông, klei tlĕ, klei hưn luar, klei mčeh.

Y-Luk 11:13

Tơdah diih jing phung jhat thâo brei mnơ̆ng jăk kơ phung anak diih, kdlưn hĭn kơ anăn mơh Ama hlăm adiê srăng brei Yang Mngăt Jăk kơ hlei pô akâo kơ Ñu.”

Y-Yôhan 3:6

Ya mnơ̆ng kkiêng hŏng kđeh jing kđeh, leh anăn ya mnơ̆ng kkiêng hŏng Mngăt Myang jing mngăt.

Hră Y-Pôl Mơĭt kơ Phung Rôm 13:14

Ƀiădah hơô bĕ Khua Yang Yêsu Krist, leh anăn đăm mĭn ôh čiăng bi mơak kơ kđeh, čiăng bi hrăp klei ñu tluh.

Hră Y-Pôl Mơĭt kơ Phung Rôm 7:15

Kâo amâo thâo săng ôh klei kâo ngă. Kyuadah kâo amâo ngă ôh klei kâo čiăng, ƀiădah kâo ngă klei kâo bi êmut.

Hră Y-Pôl Mơĭt kơ Phung Rôm 7:19

Kyuadah kâo amâo ngă ôh klei jăk kâo čiăng ngă, ƀiădah kâo ngă klei jhat kâo amâo čiăng ngă ôh.

Hră Y-Pôl Mơĭt kơ Phung Rôm 7:25

Bi mni kơ Aê Diê hlăm Yêsu Krist, Khua Yang drei! Snăn yơh hŏng klei mĭn kâo, kâo jing hlŭn kơ klei bhiăn Aê Diê; ƀiădah hŏng kđeh kâo, kâo jing hlŭn kơ klei bhiăn klei soh.

Hră Y-Pôl Mơĭt kơ Phung Rôm 7:5

Êjai drei ăt dôk hdĭp tui si kđeh, klei drei tluh soh mơ̆ng klei bhiăn mčhur leh, mă bruă hlăm asei mlei drei, čiăng bi truh klei djiê.

Galati 5:17

Kyuadah klei kđeh čiăng bi kdơ̆ng hŏng Yang Mngăt Jăk, leh anăn klei Yang Mngăt Jăk čiăng bi kdơ̆ng hŏng klei kđeh čiăng. Kyuadah dua anăn bi kdơ̆ng hdơ̆ng diñu, čiăng ghă diih ngă tui si diih čiăng.

Galati 5:24

Hlei pô jing dŏ Krist Yêsu pơ̆ng leh kđeh mbĭt hŏng klei ñu tluh leh anăn klei ñu čiăng ti kyâo bi kal.

Philip 2:13

Kyuadah Aê Diê dôk mă bruă hlăm diih mjing hlăm diih wăt klei čiăng leh anăn klei dưi ngă klei bi mơak kơ Ñu.

Philip 3:12

Amâo djŏ ôh kâo mă tŭ leh klei mưn, amâodah truh leh kơ klei jăk klă, ƀiădah kâo hung phă anăp čiăng mă klei anăn kơ kâo pô, kyua kơ klei anăn Krist Yêsu mă leh kâo kơ Ñu pô.

Y-Tit 3:3

Kyuadah mphŭn dô drei pô jing mluk, amâo thâo gưt asăp ôh, klah đuĕ leh, jing hlŭn kơ djăp mta klei kđeh tluh leh anăn klei kđeh čiăng, drei hdĭp hlăm klei jhat ƀai leh anăn hlăm klei tluh, arăng bi êmut kơ drei leh anăn drei bi êmut hdơ̆ng drei.

I Y-Pêtrôs 4:2

čiăng kơ êjai ñu ăt dôk hdĭp hlăm kđeh, ñu amâo lŏ hdĭp tui si klei mnuih tluh ôh, ƀiădah tui si klei Aê Diê čiăng.