Hră Y-Pôl Mơĭt kơ Phung Rôm 7:14 - Klei Aê Diê Blŭ 2015

¹⁴ Drei thâo kơ klei bhiăn jing myang; ƀiădah kâo jing kđeh, čhĭ leh jing hlŭn kơ klei soh.

Hră Y-Pôl Mơĭt kơ Phung Rôm 7:14 Iomraidhean Croise

Klei Mphŭn Dơ̆ng 37:27

Bơ drei, čhĭ gơ̆ kơ phung Ismael. Đăm drei ngă kơ gơ̆ ôh, kyuadah gơ̆ jing adei drei, kđeh drei pô.” Phung ayŏng adei ñu ư klei anăn.

Klei Mphŭn Dơ̆ng 37:36

Phung Madian čhĭ Y-Yôsep hlăm čar Êjip kơ Y-Pôtipar, khua phung kahan Pharaôn, khua kahan phung gak.

Klei Mphŭn Dơ̆ng 40:15

Kyuadah sĭt nik arăng tlĕ mă kâo mơ̆ng čar phung Hêbrơ; leh anăn tinei mơh kâo amâo tuôm ngă soh ôh năng kơ arăng krư̆ hĕ kâo hlăm war mnă anei.”

I Bruă Mtao 21:20

Y-Ahap lač kơ Y-Êli, “Ih ƀuh leh kâo hĕ, Ơ pô roh kâo?” Ñu lŏ wĭt lač, “Kâo ƀuh leh ih, kyuadah ih čhĭ leh ih pô čiăng ngă klei jhat ti anăp ală Yêhôwa.

I Bruă Mtao 21:25

Amâo tuôm mâo ôh sa čô msĕ si Y-Ahap čhĭ ñu pô čiăng ngă klei jhat ti anăp ală Yêhôwa, pô H'Jêsêbel mô̆ ñu mčhur leh.

II Bruă Mtao 17:17

Diñu čuh phung anak êkei diñu leh anăn phung anak mniê diñu jing mnơ̆ng myơr, leh anăn yua klei mdian leh anăn klei mjâo, leh anăn čhĭ diñu pô čiăng ngă klei jhat ti anăp ală Yêhôwa, mčhur Gơ̆ ngêñ.

Y-Yôp 42:6

snăn yơh kâo bi êmut kơ kâo pô, leh anăn kmhal kơ klei soh êjai dôk gŭ hlăm bruih lăn leh anăn hbâo.”

Klei Mmuñ Hđăp 119:25

Mngăt kâo đuôm hŏng ƀruih lăn; lŏ bi hdĭp kâo tui si klei Ih blŭ.

Klei Mmuñ Hđăp 51:6

Nĕ anei, Ih čiăng ƀuh klei sĭt nik hlăm ai tiê; kyuanăn bi hriăm kâo mâo klei knhâo hlăm ai tiê hgăm kâo.

Klei Kbiă 22:3

Tơdah arăng mă mnuih knĕ êjai mlam ñu tlĕ mŭt leh anăn čăm ñu tơl djiê, amâo srăng mâo ôh klei tuh êrah kơ pô bi mdjiê anăn; ƀiădah tơdah yang hruê ƀlĕ leh, arăng srăng jing soh tơdah bi mdjiê pô knĕ.

Klei Bi Hriêng 30:2

Sĭt nik kâo mluk hĭn kơ mnuih mkăn, leh anăn amâo mâo klei thâo săng tui si sa čô mnuih ôh.

Klei Bi Hriêng 30:5

Jih klei Aê Diê blŭ mâo klei sĭt leh, Aê Diê jing khil kơ hlei pô kđap hlăm Ñu.

Y-Êsai 50:1

Snei Yêhôwa lač: “Ti hră klei bi lui ung mô̆ amĭ diih, hŏng hră anăn Kâo lui ñu leh? Amâodah kơ hlei pô hlăm phung Kâo đuôm nư Kâo čhĭ diih leh? Nĕ anei, kyua klei wê ih yơh arăng čhĭ leh diih, leh anăn kyua klei diih gao klei bhiăn arăng lui leh amĭ diih.

Y-Êsai 52:3

Kyuadah snei Yêhôwa lač: “Arăng čhĭ leh diih hơăi mang, leh anăn arăng srăng bi tui diih hơăi mang msĕ mơh.”

Y-Êsai 6:5

Kâo lač, “Knap mñai yơh kơ kâo! Djiê yơh kâo; kyuadah kâo jing mnuih mâo ƀăng kƀông čhŏ mrŏ, kâo dôk hdĭp ti krah sa phung ƀuôn sang mâo êlah čhŏ mrŏ, kyuadah ală kâo ƀuh leh Mtao, Yêhôwa kơ phung kahan!”

Bruă Lêwi 13:12

Tơdah phŭng jing lar hlăm klĭt tơl guôm jih klĭt pô djŏ phŭng mơ̆ng boh kŏ truh ti jơ̆ng tar ƀar anôk khua ngă yang dlăng,

Bruă Lêwi 13:16

Ƀiădah tơdah gru kđeh hrah bliư̆ bi mlih jing kô̆, ñu srăng nao kơ khua ngă yang,

Bruă Lêwi 19:18

Đăm rŭ ênua amâodah đuôm ai ăl hŏng phung ƀuôn sang ih ôh, ƀiădah brei ih khăp kơ pô riêng gah ih msĕ si kơ ih pô. Kâo jing Yêhôwa.

Y-Amôs 2:6

Snei Yêhôwa lač: “Kyua tlâo mta klei Israel gao klei bhiăn, wăt pă mta mơh, Kâo amâo srăng bi mlih ôh klei Kâo bi kmhal; kyuadah diñu čhĭ pô kpă bi mlih hŏng prăk, leh anăn mnuih ƀun ƀin hŏng sa hlâo klĭt juă.

Y-Mathiơ 16:23

Ƀiădah Yêsu wir dlăng leh anăn lač kơ Y-Pêtrôs, “Kdŭn đuĕ mơ̆ng Kâo, Ơ Satan! Ih jing pô bi têč hnêč Kâo, kyuadah klei mĭn ih amâo kbiă hriê mơ̆ng Aê Diê ôh, ƀiădah kbiă hriê mơ̆ng mnuih.”

Y-Mathiơ 18:25

ƀiădah kyuadah dĭng buăl anăn amâo dưi tla nư ôh, khua gơ̆ mtă brei arăng čhĭ gơ̆ wăt mô̆ anak gơ̆ leh anăn jih jang mnơ̆ng gơ̆ mâo čiăng tla nư.

Y-Mathiơ 5:22

Ƀiădah Kâo lač kơ diih, hlei pô ăl kơ ayŏng adei ñu srăng năng kơ klei phat kđi; hlei pô lač ‘Ih mluk’ kơ ayŏng adei ñu srăng năng jao kơ êpul khua phat kđi; hlei pô srăng lač, ‘Ih mluk mgu!’ srăng năng kơ war pui.

Y-Mathiơ 5:28

Ƀiădah Kâo lač kơ diih, hlei pô dlăng kơ mniê hŏng klei ƀô čiăng ngă soh, tlĕ piu leh hŏng mniê anăn hlăm ai tiê ñu.

Y-Luk 5:8

Tơdah Y-Simôn Pêtrôs ƀuh klei anăn, ñu buôn ti jơ̆ng Yêsu leh anăn lač, “Ơ Khua Yang, đuĕ bĕ mơ̆ng kâo, kyuadah kâo jing sa čô mnuih soh.”

Y-Luk 7:6

Yêsu nao mbĭt hŏng digơ̆. Tơdah Yêsu giăm truh kơ sang, khua kahan anăn tiŏ nao găp ñu kơ Yêsu, lač, “Ơ Khua Yang, đăm bi dleh Ih pô ôh, kyuadah kâo amâo năng ôh jum Ih mŭt hlăm sang kâo.

Hră Y-Pôl Mơĭt kơ Phung Rôm 3:9

Si ngă snăn? Phung Yuđa hmei jing jăk hĭn kơ phung mkăn mơ̆? Hơăi, amâo mâo ôh! Kyuadah kâo bi êdah sĭt leh kơ jih jang mnuih, phung Yuđa wăt phung Grĕk, dôk ti gŭ klei myang klei soh sơăi,

Hră Y-Pôl Mơĭt kơ Phung Rôm 6:6

Drei thâo kơ mnuih hđăp drei Aê Diê pơ̆ng leh ti kyâo bi kal mbĭt hŏng Ñu, čiăng kơ asei mlei soh dưi rai hĕ, snăn drei amâo lŏ jing hlŭn kơ klei soh ôh.

Hră Y-Pôl Mơĭt kơ Phung Rôm 7:18

Kyuadah kâo thâo amâo mâo mnơ̆ng jăk dôk hlăm kâo ôh, čiăng lač hlăm kđeh kâo. Kâo dưi mâo klei čiăng ngă jăk, ƀiădah kâo amâo dưi ngă klei jăk anăn ôh.

Galati 4:3

Drei jing msĕ snăn mơh; êjai drei ăt jing hđeh, drei jing hlŭn kơ phung yang kiă kriê lăn adiê.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Klei Mtô Mñă Klei Bhiăn 6:5

leh anăn brei ih khăp kơ Yêhôwa Aê Diê ih hŏng jih ai tiê ih, hŏng jih mngăt ih, leh anăn hŏng jih ai ktang ih.

Hêbrơ 4:12

Sĭt nik klei Aê Diê blŭ jing hdĭp leh anăn myang, ƀơ̆ng hĭn kơ sa ƀĕ đao gưm mâo dua nah mta, kma tơl blah ai mĭn hŏng mngăt, klang bi kkuh hŏng dlô, ksiêm klei mĭn leh anăn klei ai tiê čiăng.