Hră Y-Pôl Mơĭt kơ Phung Rôm 7:1 - Klei Aê Diê Blŭ 2015

¹ Ơ phung ayŏng adei, kâo blŭ kơ phung thâo leh klei bhiăn, diih amâo thâo hĕ klei bhiăn kiă kriê sa čô mnuih knŏng êjai ñu dôk hdĭp?

Hră Y-Pôl Mơĭt kơ Phung Rôm 7:1 Iomraidhean Croise

Y-Êsra 7:25

Leh anăn ih, Ơ Y-Êsra, tui si klei thâo mĭn Aê Diê ih dôk hlăm ih, mdưm bĕ phung khua kiă kriê leh anăn phung khua phat kđi, phung dưi phat kđi jih jang phung ƀuôn sang hlăm čar nah yŭ Êa Krông Ơphrat, jih jang thâo klei bhiăn Aê Diê ih; leh anăn brei ih mtô kơ phung amâo thâo ôh klei bhiăn anăn.

Klei Bi Hriêng 6:23

Kyuadah klei mtă jing pui kđen, klei mtô jing klei mngač, leh anăn klei ƀuah čiăng mkra jing êlan nao kơ klei hdĭp,

Hră Y-Pôl Mơĭt kơ Phung Rôm 1:13

Ơ phung ayŏng adei, kâo čiăng kơ diih thâo jêñ jêñ leh kâo mĭn čiăng nao kơ diih, čiăng kơ kâo dưi pĕ boh mơ̆ng diih msĕ si mơ̆ng phung tue mkăn; ƀiădah kâo mâo klei ghă tơl hruê anei.

Hră Y-Pôl Mơĭt kơ Phung Rôm 10:1

Ơ phung ayŏng adei, klei ai tiê kâo čiăng leh anăn klei kâo wah lač kơ Aê Diê kyua phung Israel jing klei čiăng kơ diñu dưi tlaih.

Hră Y-Pôl Mơĭt kơ Phung Rôm 10:4

Kyuadah Krist bi ruê̆ klei bhiăn, čiăng bi mâo klei kpă ênô kơ jih jang hlei pô đăo.

Hră Y-Pôl Mơĭt kơ Phung Rôm 6:14

Klei soh amâo srăng jing khua diih ôh, kyuadah diih amâo dôk ti gŭ klei bhiăn ôh, ƀiădah ti gŭ klei pap.

Hră Y-Pôl Mơĭt kơ Phung Rôm 6:3

Diih amâo thâo hĕ kơ jih jang drei tŭ leh klei ƀaptem bi mguôp hŏng Krist Yêsu jing klei drei tŭ leh klei ƀaptem hlăm klei Ñu djiê?

Hră Y-Pôl Mơĭt kơ Phung Rôm 7:6

Ƀiădah ară anei hin drei êngiê leh mơ̆ng klei bhiăn anăn, drei djiê leh kơ klei bhiăn mjing leh drei mnă. Snăn drei amâo lŏ mă bruă ôh tui si klei bhiăn hđăp arăng čih leh, ƀiădah mă bruă tui si ai mĭn mrâo mơ̆ng Yang Mngăt Jăk.

Hră Y-Pôl Mơĭt kơ Phung Rôm 9:3

Kyuadah tơdah dưi kâo čiăng jing mnuih Aê Diê tăm pah tơl ktlah mơ̆ng Krist dưn kyua phung ayŏng adei kâo, phung găp djuê kâo tui si kđeh êrah.

I Kôrantô 9:8

Kâo blŭ klei anei tui si kơhưm mnuih mơ̆? Amâo djŏ hĕ klei bhiăn lač msĕ snăn mơh?

Galati 4:21

Hưn bĕ kơ kâo, Ơ phung čiăng dôk ti gŭ klei bhiăn, diih amâo tuôm hmư̆ klei bhiăn hĕ?