Hră Y-Pôl Mơĭt kơ Phung Rôm 6:6 - Klei Aê Diê Blŭ 2015

⁶ Drei thâo kơ mnuih hđăp drei Aê Diê pơ̆ng leh ti kyâo bi kal mbĭt hŏng Ñu, čiăng kơ asei mlei soh dưi rai hĕ, snăn drei amâo lŏ jing hlŭn kơ klei soh ôh.

Hră Y-Pôl Mơĭt kơ Phung Rôm 6:6 Iomraidhean Croise

II Bruă Mtao 5:17

Leh anăn Y-Naaman lač, “Tơdah ih amâo mă, kâo akâo kơ ih brei kơ dĭng buăl ih lăn dua drei aseh dliê dưi mdiăng; kyuadah mơ̆ng anei kơ anăp dĭng buăl ih amâo srăng myơr mnơ̆ng myơr čuh amâodah mnơ̆ng ngă yang kơ yang mkăn ôh, ƀiădah knŏng kơ Yêhôwa.

Y-Êsai 26:13

Ơ Yêhôwa Aê Diê hmei, phung khua mkăn êngao kơ Ih tuôm kiă kriê leh phung hmei, ƀiădah hmei srăng knang leh anăn iêô kwưh knŏng kơ anăn Ih.

Hră Y-Pôl Mơĭt kơ Phung Rôm 6:12

Kyuanăn đăm brei klei soh kiă kriê hlăm asei mlei thâo djiê diih ôh, čiăng mgô̆ diih gưt kơ klei ñu tluh.

Hră Y-Pôl Mơĭt kơ Phung Rôm 6:22

Ƀiădah ară anei kyuadah diih êngiê leh mơ̆ng klei soh diih leh anăn jing leh hlŭn kơ Aê Diê, boh tŭ dưn diih mâo ară anei hĭn jing klei doh jăk, leh anăn klei knhal tuč kơ klei anăn jing klei hdĭp hlŏng lar.

Hră Y-Pôl Mơĭt kơ Phung Rôm 7:14

Drei thâo kơ klei bhiăn jing myang; ƀiădah kâo jing kđeh, čhĭ leh jing hlŭn kơ klei soh.

Hră Y-Pôl Mơĭt kơ Phung Rôm 8:13

kyuadah tơdah diih dôk hdĭp tui si kđeh, diih srăng djiê; ƀiădah tơdah hŏng Yang Mngăt Jăk diih bi mdjiê bruă soh asei mlei ngă, diih srăng hdĭp.

II Kôrantô 5:14

Klei Krist khăp kpĭ hmei, kyuadah hmei thâo klă, sĭt sa čô djiê leh kyua jih jang snăn jih jang djiê leh.

Galati 2:20

Arăng pơ̆ng leh kâo ti kyâo bi kal mbĭt hŏng Krist; snăn amâo djŏ ôh kâo pô dôk hdĭp, ƀiădah Krist dôk hdĭp hlăm kâo. Leh anăn klei kâo dôk hdĭp hlăm kđeh ară anei, jing kâo dôk hdĭp hŏng klei đăo kơ Anak Aê Diê, Pô khăp kơ kâo leh anăn jao leh Ñu pô kyua kâo.

Galati 5:24

Hlei pô jing dŏ Krist Yêsu pơ̆ng leh kđeh mbĭt hŏng klei ñu tluh leh anăn klei ñu čiăng ti kyâo bi kal.

Galati 6:14

Bi kơ kâo, kâo amâo srăng bi mni kơ kâo pô ôh, knŏng hlăm kyâo bi kal Khua Yang drei Yêsu Krist. Hŏng kyâo bi kal lăn ala djiê leh kơ kâo, leh anăn kâo djiê leh kơ lăn ala.

Êphêsô 4:22

Brei diih lui hĕ knuih hđăp diih tui si klei bhiăn diih dôk hdĭp mphŭn dô, jing soh jhat leh kyua klei tluh mplư.

Kôlôs 3:5

Snăn bi mdjiê hĕ klei tluh dôk hlăm diih tui si klei mưng lăn ala: klei knhông, klei čhŏ mrŏ, klei kđeh tluh, klei čiăng jhat, klei ră, klei anei jing klei kkuh rup yang.

Y-Tit 3:3

Kyuadah mphŭn dô drei pô jing mluk, amâo thâo gưt asăp ôh, klah đuĕ leh, jing hlŭn kơ djăp mta klei kđeh tluh leh anăn klei kđeh čiăng, drei hdĭp hlăm klei jhat ƀai leh anăn hlăm klei tluh, arăng bi êmut kơ drei leh anăn drei bi êmut hdơ̆ng drei.