Hră Y-Pôl Mơĭt kơ Phung Rôm 6:16 - Klei Aê Diê Blŭ 2015

¹⁶ Hơăi, amâo djŏ snăn ôh! Diih amâo thâo hĕ tơdah diih jao diih pô čiăng gưt asăp kơ sa čô mnuih, snăn diih jing hlŭn kơ pô diih gưt yơh, thâodah kơ klei soh atăt kơ klei djiê, amâodah kơ klei gưt asăp atăt kơ klei kpă ênô?

Hră Y-Pôl Mơĭt kơ Phung Rôm 6:16 Iomraidhean Croise

Klei Mphŭn Dơ̆ng 4:7

Tơdah ih ngă jăk, amâo djŏ hĕ Kâo srăng tŭ ih? Tơdah ih amâo ngă jăk ôh, klei soh dôk kăp ti ƀăng bhă čiăng mă ih, ƀiădah brei ih dưi hŏng ñu.”

Y-Mathiơ 20:4

Ñu lač kơ phung anăn, ‘Brei diih nao mă bruă hlăm đang boh kriăk ƀâo kâo msĕ mơh, leh anăn srăng mưn diih djŏ ênoh.’ Snăn digơ̆ nao.

Y-Mathiơ 6:24

“Sa čô amâo dưi ôh jing hlŭn kơ dua čô khua; kyuadah ñu srăng bi êmut kơ sa čô anei leh anăn khăp kơ sa čô mkăn. Amâodah ñu srăng mpŭ kơ pô anei leh anăn bi êmut kơ pô mkăn. Diih amâo dưi ôh mă bruă kơ Aê Diê wăt kơ klei jing mdrŏng.

Y-Yôhan 8:34

Yêsu lŏ wĭt lač kơ diñu, “Kâo lač kơ diih klei sĭt nik, grăp čô hlei pô ngă soh jing hlŭn kơ klei soh.

Hră Y-Pôl Mơĭt kơ Phung Rôm 11:2

Aê Diê amâo tuôm hngah ôh kơ phung ƀuôn sang Ñu thâo kral leh mơ̆ng êlâo. Diih amâo thâo hĕ ya Klei Aê Diê Blŭ čih djŏ kơ Y-Êli, si ñu kčŭt kơ Aê Diê brei bi kdơ̆ng hŏng phung Israel?

Hră Y-Pôl Mơĭt kơ Phung Rôm 12:1

Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 6:17

Ƀiădah bi mni kơ Aê Diê, kyuadah tơdah hlăk êlâo diih jing leh hlŭn kơ klei soh, hŏng jih ai tiê diih dơ̆ng gưt leh kơ mta klei mtô diih jao leh diih pô.

I Kôrantô 3:16

Diih amâo thâo hĕ kơ diih jing sang kkuh mpŭ kơ Aê Diê leh anăn Yang Mngăt Jăk Aê Diê dôk hlăm diih?

I Kôrantô 5:6

Klei diih bi mni kơ diih pô amâo jăk ôh. Diih amâo thâo hĕ kpei ƀiă dưi bi buk jih klŏ kpŭng?

I Kôrantô 6:2

Diih amâo thâo hĕ phung doh jăk yơh srăng phat kđi lăn ala? Leh anăn tơdah diih srăng phat kđi lăn ala, diih amâo dưi hĕ phat kđi klei đơ điêt?

I Kôrantô 6:3

Diih amâo thâo hĕ drei yơh srăng phat kđi phung dĭng buăl jăk Aê Diê? Kdlưn hĭn mơh, drei dưi phat kđi klei djŏ kơ klei hdĭp anei!

I Kôrantô 6:9

Diih amâo thâo hĕ phung wê amâo srăng dưn ƀuôn ala mtao Aê Diê ôh? Đăm mplư diih pô ôh; phung knhông, phung kkuh rup yang, phung tlĕ piu, phung êkei ngă soh hdơ̆ng êkei leh anăn phung mniê ngă soh hdơ̆ng mniê,

I Kôrantô 9:13

Diih amâo thâo hĕ hlei pô mă bruă hlăm sang kkuh mpŭ ƀơ̆ng mnơ̆ng mơ̆ng sang kkuh mpŭ anăn; leh anăn hlei pô myơr mnơ̆ng ngă yang ti knưl mâo sa kdrêč mơ̆ng mnơ̆ng ngă yang arăng myơr anăn?

I Kôrantô 9:24

Diih amâo thâo hĕ hlăm anôk hlăp jih jang phung êran čiăng kơ dưi sơăi, ƀiădah knŏng sa čô mâo klei mưn? Snăn êran bĕ, čiăng kơ diih dưi mâo klei mưn.

Y-Yôsuê 24:15

Ară anei, tơdah diih amâo čiăng mă bruă kơ Yêhôwa ôh, ruah bĕ hruê anei kơ hlei pô diih čiăng mă bruă, thâodah phung yang phung aê diih đưm mă bruă ti hang nah yŭ Êa Krông Ơphrat, thâodah kơ yang phung Amôrit hlăm čar diñu diih dôk. Bi kâo leh anăn phung hlăm sang kâo, hmei srăng mă bruă kơ Yêhôwa.”

II Y-Pêtrôs 2:19

Diñu ƀuăn klei êngiê kơ digơ̆, ƀiădah diñu pô jing hlŭn kơ klei čhŏ mrŏ. Kyuadah arăng jing hlŭn kơ mnơ̆ng dưi leh hŏng diñu.