Hră Y-Pôl Mơĭt kơ Phung Rôm 6:13 - Klei Aê Diê Blŭ 2015

¹³ Đăm jao jơ̆ng kngan diih kơ klei soh jing mnơ̆ng klei wê yua ôh, ƀiădah jao bĕ diih pô kơ Aê Diê jing msĕ si phung mnuih kbiă lŏ hdĭp leh mơ̆ng phung djiê, leh anăn jao jơ̆ng kngan diih kơ Aê Diê jing mnơ̆ng klei kpă ênô yua.

Hră Y-Pôl Mơĭt kơ Phung Rôm 6:13 Iomraidhean Croise

II Klei Yăl Dliê 30:8

Đăm jing khăng kŏ msĕ si phung aê diih ôh, ƀiădah yơr bĕ diih pô kơ Yêhôwa, leh anăn hriê kơ anôk doh jăk Ñu, anôk Ñu bi doh pioh brei leh hlŏng lar, leh anăn mă bruă bĕ kơ Yêhôwa Aê Diê diih, čiăng kơ klei Ñu ngêñ hlơr dưi weh đuĕ mơ̆ng diih.

Klei Mmuñ Hđăp 37:30

Ƀăng êgei pô kpă ênô blŭ klei thâo mĭn, leh anăn êlah ñu hưn klei kpă.

Klei Bi Hriêng 12:18

Klei mnuih blŭ amâo răng ôh jing msĕ si đao gưm tlŏ, ƀiădah êlah phung thâo mĭn thâo bi hlao.

Y-Êsai 55:7

Brei pô ƀai lui hĕ êlan ñu pô, leh anăn brei mnuih wê lui klei ñu mĭn. Brei ñu lŏ wĭt kơ Yêhôwa čiăng Gơ̆ srăng pap kơ ñu, kơ Aê Diê drei kyuadah Gơ̆ srăng pap brei êbeh dlai.

Y-Êsêkiêl 18:4

Nĕ anei, jih jang mngăt jing dŏ Kâo; mngăt ama wăt mngăt anak êkei jing dŏ Kâo. Hlei mngăt ngă soh mngăt anăn srăng djiê.

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Y-Luk 15:24

kyuadah anak êkei kâo anei djiê leh, ƀiădah ară anei lŏ hdĭp leh. Ñu luč leh, ƀiădah ară anei kâo lŏ ƀuh leh.’ Leh anăn diñu dơ̆ng huă ƀơ̆ng hơ̆k mơak.

Y-Luk 15:32

Jing djŏ leh drei ngă klei mơak, kyuadah adei ih anei djiê leh, ƀiădah ară anei gơ̆ lŏ hdĭp leh. Gơ̆ luč leh, ƀiădah ară anei lŏ ƀuh leh.’ ”

Y-Yôhan 5:24

Kâo lač kơ diih klei sĭt nik, hlei pô hmư̆ klei Kâo blŭ leh anăn đăo kơ Pô tiŏ hriê Kâo, mâo leh klei hdĭp hlŏng lar; ñu amâo srăng truh kơ klei phat kđi ôh, ƀiădah ñu găn leh klei djiê nao kơ klei hdĭp.

Hră Y-Pôl Mơĭt kơ Phung Rôm 1:29

Diñu bŏ hŏng djăp mta klei wê, klei jhat, klei tluh, klei ăl. Diñu bŏ hŏng klei nač, klei bi mdjiê mnuih, klei bi mneh msao, klei mplư, klei krêñ; diñu jing phung yăl dliê klei jhat arăng,

Hră Y-Pôl Mơĭt kơ Phung Rôm 12:1

Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 6:11

Snăn brei diih msĕ mơh yap diih pô djiê leh kơ klei soh, leh anăn dôk hdĭp kơ Aê Diê hlăm Krist Yêsu.

Hră Y-Pôl Mơĭt kơ Phung Rôm 6:16

Hơăi, amâo djŏ snăn ôh! Diih amâo thâo hĕ tơdah diih jao diih pô čiăng gưt asăp kơ sa čô mnuih, snăn diih jing hlŭn kơ pô diih gưt yơh, thâodah kơ klei soh atăt kơ klei djiê, amâodah kơ klei gưt asăp atăt kơ klei kpă ênô?

Hră Y-Pôl Mơĭt kơ Phung Rôm 6:19

Kâo blŭ msĕ si mnuih kyuadah klei thâo săng diih điêt. Msĕ si hlăk êlâo diih jao leh jơ̆ng kngan diih kơ klei čhŏ leh anăn klei soh čiăng ngă soh lu hĭn nanao, snăn yơh ară anei jao bĕ jơ̆ng kngan diih kơ klei kpă ênô čiăng mâo klei doh jăk.

Hră Y-Pôl Mơĭt kơ Phung Rôm 7:23

ƀiădah kâo ƀuh hlăm kâo sa klei bhiăn mkăn bi blah hŏng klei bhiăn hlăm klei mĭn kâo, leh anăn mjing kâo mnă kơ klei bhiăn klei soh dôk hlăm kâo.

Hră Y-Pôl Mơĭt kơ Phung Rôm 7:5

Êjai drei ăt dôk hdĭp tui si kđeh, klei drei tluh soh mơ̆ng klei bhiăn mčhur leh, mă bruă hlăm asei mlei drei, čiăng bi truh klei djiê.

I Kôrantô 6:15

Diih amâo thâo hĕ kơ asei mlei diih jing jơ̆ng kngan Krist? Snăn kâo srăng mă mơ̆ jơ̆ng kngan Krist leh anăn mjing jơ̆ng kngan sa čô mniê knhông? Hơăi, amâo dưi ôh!

I Kôrantô 6:20

Kyuadah Aê Diê blei leh diih hŏng sa ênoh. Snăn bi guh kơang bĕ Aê Diê hlăm asei mlei diih.

I Kôrantô 6:9

Diih amâo thâo hĕ phung wê amâo srăng dưn ƀuôn ala mtao Aê Diê ôh? Đăm mplư diih pô ôh; phung knhông, phung kkuh rup yang, phung tlĕ piu, phung êkei ngă soh hdơ̆ng êkei leh anăn phung mniê ngă soh hdơ̆ng mniê,

II Kôrantô 10:4

Kyuadah mnơ̆ng hmei yua bi blah amâo djŏ tui si mnơ̆ng kđeh ôh, ƀiădah mơ̆ng klei myang Aê Diê dưi bi rai kđông kjăp;

II Kôrantô 5:14

Klei Krist khăp kpĭ hmei, kyuadah hmei thâo klă, sĭt sa čô djiê leh kyua jih jang snăn jih jang djiê leh.

II Kôrantô 5:15

Ñu djiê kyua jih jang, čiăng kơ phung dôk hdĭp amâo srăng lŏ dôk hdĭp kơ diñu pô ôh, ƀiădah kơ Pô djiê leh anăn kbiă lŏ hdĭp leh kyua diñu.

II Kôrantô 8:5

Leh anăn klei anei amâo djŏ msĕ si hmei čang hmăng ôh, ƀiădah êlâo hĭn diñu jao diñu pô kơ Khua Yang leh anăn kơ hmei tui si klei Aê Diê čiăng.

Êphêsô 2:5

wăt tơdah drei djiê leh hlăm klei soh drei dưn, Ñu lŏ bi hdĭp drei leh mbĭt hŏng Krist (hŏng klei pap yơh diih tlaih leh).

Êphêsô 5:14

Kyua anăn Klei Aê Diê Blŭ lač leh, “Ơ pô dôk pĭt, mdih leh anăn kgŭ bĕ ih mơ̆ng phung djiê, leh anăn Krist srăng bi mngač ih.”

Klei Mtô Mñă Klei Bhiăn 25:16

Kyuadah jih jang hlei pô ngă snăn, jih jang ngă hŏng klei amâo ênuah jing pô Yêhôwa Aê Diê diih bi êmut kheh.”

Philip 1:20

tui si klei kâo čiăng snăk leh anăn čang hmăng, kâo amâo srăng hêñ ôh, ƀiădah hŏng jih klei jhŏng sĭt ară anei leh anăn nanao msĕ mơh, Krist srăng mâo klei guh kơang hlăm asei mlei kâo, thâodah hŏng klei kâo hdĭp amâodah hŏng klei kâo djiê.

Kôlôs 2:13

Hlăk êlâo diih djiê leh hlăm klei soh leh anăn hlăm kđeh amâo mâo klei khăt klĭt ôh, Aê Diê lŏ bi hdĭp diih leh mbĭt hŏng Krist. Ñu pap brei leh jih jang klei soh drei.

Kôlôs 3:5

Snăn bi mdjiê hĕ klei tluh dôk hlăm diih tui si klei mưng lăn ala: klei knhông, klei čhŏ mrŏ, klei kđeh tluh, klei čiăng jhat, klei ră, klei anei jing klei kkuh rup yang.

II Têsalônik 2:12

čiăng kơ jih jang phung amâo đăo ôh kơ klei sĭt nik ƀiădah khăp kơ klei wê srăng tŭ klei phat kđi bi kmhal.

II Y-Timôthê 2:15

Mă bruă bĕ hŏng jih ai tiê čiăng jing mnuih Aê Diê tŭ, sa čô mă bruă amâo mâo klei hêñ ôh, thâo mtô bi djŏ klei blŭ sĭt nik Aê Diê.

Y-Yakơ 4:1

Mơ̆ng kbiă hriê klei bi blah leh anăn klei bi mneh msao hlăm phung diih? Amâo djŏ hĕ klei anăn kbiă hriê mơ̆ng klei kđeh tluh dôk bi blah hlăm ai tiê diih?

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.

I Y-Pêtrôs 4:2

čiăng kơ êjai ñu ăt dôk hdĭp hlăm kđeh, ñu amâo lŏ hdĭp tui si klei mnuih tluh ôh, ƀiădah tui si klei Aê Diê čiăng.

I Y-Yôhan 1:9

Tơdah drei hưn klei soh drei, Ñu jing sĭt suôr leh anăn kpă, srăng pap brei klei soh drei leh anăn bi doh hĕ drei mơ̆ng jih jang klei wê.