Hră Y-Pôl Mơĭt kơ Phung Rôm 6:11 - Klei Aê Diê Blŭ 2015

¹¹ Snăn brei diih msĕ mơh yap diih pô djiê leh kơ klei soh, leh anăn dôk hdĭp kơ Aê Diê hlăm Krist Yêsu.

Hră Y-Pôl Mơĭt kơ Phung Rôm 6:11 Iomraidhean Croise

Y-Yôhan 20:31

ƀiădah arăng čih leh klei anei, čiăng kơ diih đăo kơ Yêsu jing Yang Krist, Anak Aê Diê, leh anăn hŏng klei diih đăo diih dưi mâo klei hdĭp hlăm anăn Ñu.

Hră Y-Pôl Mơĭt kơ Phung Rôm 16:27

kơ Aê Diê, knŏng hjăn Ñu jing Pô thâo mĭn, brei mâo klei guh kơang hlăm jih jang ênuk hlăm Yêsu Krist! Amen.

Hră Y-Pôl Mơĭt kơ Phung Rôm 5:1

Snăn kyuadah drei mâo leh klei yap kpă hŏng klei đăo, drei mâo klei êđăp ênang hŏng Aê Diê hlăm Khua Yang drei Yêsu Krist.

Hră Y-Pôl Mơĭt kơ Phung Rôm 6:10

Klei djiê Ñu tŭ anăn jing klei djiê kơ klei soh knŏng sa blư̆ dŭm anăn; ƀiădah klei Ñu dôk hdĭp, Ñu dôk hdĭp kơ Aê Diê.

Hră Y-Pôl Mơĭt kơ Phung Rôm 6:13

Đăm jao jơ̆ng kngan diih kơ klei soh jing mnơ̆ng klei wê yua ôh, ƀiădah jao bĕ diih pô kơ Aê Diê jing msĕ si phung mnuih kbiă lŏ hdĭp leh mơ̆ng phung djiê, leh anăn jao jơ̆ng kngan diih kơ Aê Diê jing mnơ̆ng klei kpă ênô yua.

Hră Y-Pôl Mơĭt kơ Phung Rôm 6:2

Hơăi, amâo djŏ ôh! Si drei phung djiê leh kơ klei soh ăt dôk hdĭp hlăm klei soh lĕ?

Hră Y-Pôl Mơĭt kơ Phung Rôm 6:23

Kyuadah ênoh mưn kyua klei soh jing klei djiê, ƀiădah klei Aê Diê brei hơăi mang jing klei hdĭp hlŏng lar hlăm Krist Yêsu Khua Yang drei.

Hră Y-Pôl Mơĭt kơ Phung Rôm 7:4

Ơ phung ayŏng adei, msĕ snăn mơh diih djiê leh kơ klei bhiăn hlăm asei mlei Krist, čiăng kơ diih dưi jing dŏ pô mkăn, dŏ pô Aê Diê bi kbiă lŏ hdĭp leh mơ̆ng phung djiê, čiăng kơ drei dưi jing yuôm kơ bruă Aê Diê.

Hră Y-Pôl Mơĭt kơ Phung Rôm 7:6

Ƀiădah ară anei hin drei êngiê leh mơ̆ng klei bhiăn anăn, drei djiê leh kơ klei bhiăn mjing leh drei mnă. Snăn drei amâo lŏ mă bruă ôh tui si klei bhiăn hđăp arăng čih leh, ƀiădah mă bruă tui si ai mĭn mrâo mơ̆ng Yang Mngăt Jăk.

Hră Y-Pôl Mơĭt kơ Phung Rôm 8:18

Kâo yap klei knap mñai ênuk anei amâo năng ôh bi mđơr hŏng klei guh kơang srăng bi êdah kơ drei ênuk êdei.

I Kôrantô 6:20

Kyuadah Aê Diê blei leh diih hŏng sa ênoh. Snăn bi guh kơang bĕ Aê Diê hlăm asei mlei diih.

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Philip 1:11

bŏ hŏng boh klei kpă ênô kbiă hriê mơ̆ng Yêsu Krist, pioh kơ klei guh kơang leh anăn klei bi mni kơ Aê Diê.

Philip 4:7

Leh anăn klei êđăp ênang Aê Diê êgao hĭn kơ jih jang klei thâo săng, srăng kiă kriê ai tiê leh anăn klei mĭn diih hlăm Krist Yêsu.

Kôlôs 2:20

Tơdah diih djiê leh mbĭt hŏng Krist kơ klei bhiăn lăn ala, si ngă klei bhiăn anei lŏ mgô̆ diih hdĭp msĕ si diih ăt jing dŏ lăn ala?

Kôlôs 3:17

Ya mta klei diih ngă, hlăm klei blŭ amâodah bruă ngă, ngă bĕ jih hlăm anăn Khua Yang Yêsu, leh anăn bi mni kơ Aê Diê Ama hlăm Ñu.

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.