Hră Y-Pôl Mơĭt kơ Phung Rôm 6:10 - Klei Aê Diê Blŭ 2015

¹⁰ Klei djiê Ñu tŭ anăn jing klei djiê kơ klei soh knŏng sa blư̆ dŭm anăn; ƀiădah klei Ñu dôk hdĭp, Ñu dôk hdĭp kơ Aê Diê.

Hră Y-Pôl Mơĭt kơ Phung Rôm 6:10 Iomraidhean Croise

Y-Luk 20:38

Khua Yang amâo jing Aê Diê kơ phung djiê ôh, ƀiădah kơ phung hdĭp, kyuadah jih jang dôk hdĭp kơ Aê Diê.”

Hră Y-Pôl Mơĭt kơ Phung Rôm 6:11

Snăn brei diih msĕ mơh yap diih pô djiê leh kơ klei soh, leh anăn dôk hdĭp kơ Aê Diê hlăm Krist Yêsu.

Hră Y-Pôl Mơĭt kơ Phung Rôm 6:9

Kyuadah drei thâo kơ Krist kbiă lŏ hdĭp leh mơ̆ng phung djiê amâo srăng lŏ djiê ôh; klei djiê amâo lŏ mâo klei dưi kiă kriê Ñu ôh.

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

II Kôrantô 5:15

Ñu djiê kyua jih jang, čiăng kơ phung dôk hdĭp amâo srăng lŏ dôk hdĭp kơ diñu pô ôh, ƀiădah kơ Pô djiê leh anăn kbiă lŏ hdĭp leh kyua diñu.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

I Y-Pêtrôs 4:6

Kyuanăn phung djiê hmư̆ leh klei mrâo mrang jăk mơh, čiăng kơ wăt tơdah Aê Diê phat kđi diñu leh tui si mnuih hlăm kđeh, diñu dưi dôk hdĭp hlăm mngăt msĕ si Aê Diê.