Hră Y-Pôl Mơĭt kơ Phung Rôm 5:7 - Klei Aê Diê Blŭ 2015

⁷ Dleh snăk mâo sa čô mnuih srăng djiê kyua sa čô mnuih kpă; ƀiădah năng ai mâo sa čô mnuih jhŏng djiê kyua sa čô mnuih jăk.

Hră Y-Pôl Mơĭt kơ Phung Rôm 5:7 Iomraidhean Croise

II Y-Samuel 18:27

Pô gak lač, “Kâo mĭn klei pô êlâo anăn êran jing msĕ si Y-Ahimas anak êkei Y-Sadôk êran.” Mtao lač, “Ñu jing sa čô mnuih jăk, leh anăn ñu hriê ba klei mrâo mrang jăk.”

II Y-Samuel 18:3

Ƀiădah phung kahan lač, “Ih amâo srăng nao ôh, kyuadah tơdah hmei đuĕ, diñu amâo srăng uêñ kơ hmei ôh. Tơdah sa mkrah phung hmei djiê, diñu amâo srăng uêñ kơ hmei ôh; ƀiădah ih jing năng kơ pluh êbâo čô phung hmei. Snăn jăk hĭn ih tiŏ hriê phung đru hmei mơ̆ng ƀuôn.”

Klei Mmuñ Hđăp 112:5

Jăk mơak yơh mnuih ngă klei pap leh anăn brei arăng čan, pô mă bruă hŏng klei kpă ênuah.

Y-Mathiơ 13:15

Kyuadah ai tiê phung ƀuôn sang anei jing khăng leh, leh anăn knga diñu kngăl leh, diñu pĭt leh ală diñu, kyuadah tơdah diñu ƀuh hŏng ală diñu, hmư̆ hŏng knga diñu, thâo săng hlăm ai tiê diñu, leh anăn wĭt kơ Kâo čiăng kơ Kâo bi hlao diñu.’

Y-Yôhan 15:13

Amâo mâo pô dưi mâo klei khăp prŏng hĭn kơ anei: klei sa čô mnuih djiê kyua phung mah jiăng ñu.

Bruă Phung Khua Ƀĭng Kna 11:24

Y-Barnabas jing mnuih jăk, bŏ hŏng Yang Mngăt Jăk leh anăn klei đăo. Mâo lu mnuih đăo kơ Khua Yang.

Hră Y-Pôl Mơĭt kơ Phung Rôm 16:4

Diñu săn asei mlei kyua klei hdĭp kâo. Amâo djŏ ôh knŏng hjăn kâo bi mni kơ diñu, ƀiădah wăt jih jang Phung Sang Aê Diê hlăm čar tue bi mni kơ diñu msĕ mơh.

Hră Y-Pôl Mơĭt kơ Phung Rôm 5:6

Êjai drei awăt, amâo mâo klei dưi drei pô ôh, Krist djiê leh kyua phung soh djŏ hruê Aê Diê bi kčah leh.

Hră Y-Pôl Mơĭt kơ Phung Rôm 5:8

Ƀiădah Aê Diê bi êdah klei Ñu khăp kơ drei snei, êjai drei ăt jing mnuih soh Krist djiê kyua drei.

I Y-Yôhan 3:16

Hŏng klei anei drei thâo kral klei khăp: Ñu săn asei mlei leh kyua drei; leh anăn jing djŏ kơ drei msĕ mơh săn asei mlei kyua phung ayŏng adei.