Hră Y-Pôl Mơĭt kơ Phung Rôm 5:5 - Klei Aê Diê Blŭ 2015

⁵ leh anăn klei čang hmăng amâo bi hêñ drei ôh, kyuadah klei Aê Diê khăp tuh leh hlăm ai tiê drei hŏng Yang Mngăt Jăk Pô Aê Diê brei leh kơ drei.

Hră Y-Pôl Mơĭt kơ Phung Rôm 5:5 Iomraidhean Croise

Y-Yôp 27:8

Kyuadah ya jing klei čang hmăng kơ pô amâo đăo ôh tơdah Aê Diê bi luč ñu, leh anăn mă hĕ klei hdĭp ñu?

Klei Mmuñ Hđăp 119:116

Krơ̆ng kâo tui si klei Ih ƀuăn, čiăng kơ kâo dưi dôk hdĭp; leh anăn đăm brei kâo hêñ ôh hlăm klei kâo čang hmăng.

Y-Êsai 49:23

Phung mtao êkei srăng jing ama čiêm rông ih, leh anăn phung mtao mniê srăng jing amĭ bi mam ih. Diñu srăng buôn ƀô̆ sô̆ ti lăn ti anăp ih, leh anăn hlia ƀruih jơ̆ng ih. Hlăk anăn ih srăng thâo kơ kâo jing Yêhôwa; hlei phung čang guôn kơ kâo amâo srăng hêñ ôh.”

Y-Êsêkiêl 36:25

Kâo srăng krih êa êngeh kơ diih, leh anăn diih srăng jing doh kơ jih jang klei čhŏ mrŏ diih, leh anăn mơ̆ng jih jang rup yang diih.

Bruă Phung Khua Ƀĭng Kna 10:45

Leh anăn phung đăo hlăm phung khăt klĭt hriê leh mbĭt hŏng Y-Pêtrôs bi kngăr, kyuadah klei brei Yang Mngăt Jăk Aê Diê tuh leh wăt kơ phung tue.

Bruă Phung Khua Ƀĭng Kna 2:17

‘Aê Diê lač, Hlăm ênuk knhal tuč srăng truh snei: Kâo srăng tuh Mngăt Myang Kâo ti jih jang kđeh; phung anak êkei leh anăn anak mniê diih srăng hưn êlâo, phung êkei hlăk ai diih srăng mâo klei bi ƀuh, leh anăn phung êkei mduôn diih srăng mâo klei êpei.

Bruă Phung Khua Ƀĭng Kna 2:33

Snăn leh mâo klei mpŭ tĭng hnuă kơ Aê Diê, leh anăn mă tŭ leh mơ̆ng Ama klei ƀuăn brei Yang Mngăt Jăk, Yêsu tuh brei leh klei diih ƀuh leh anăn hmư̆ ară anei.

Hră Y-Pôl Mơĭt kơ Phung Rôm 1:7

Kâo čih mơĭt kơ jih jang phung Aê Diê khăp hlăm ƀuôn Rôm, phung Aê Diê iêô leh brei jing phung doh jăk: Hơêč hmưi kơ diih mâo klei pap leh anăn klei êđăp ênang mơ̆ng Aê Diê Ama leh anăn Khua Yang drei Yêsu Krist.

Hră Y-Pôl Mơĭt kơ Phung Rôm 8:28

Snăn, drei thâo Aê Diê mjing jih jang klei jing jăk kơ phung khăp kơ Aê Diê, čiăng lač phung Aê Diê iêô leh tui si klei Ñu čuăn.

Hră Y-Pôl Mơĭt kơ Phung Rôm 9:33

tui si Klei Aê Diê Blŭ čih leh, “Nĕ anei, Kâo dưm hlăm ƀuôn Siôn sa klŏ boh tâo srăng bi têč hnêč lu mnuih, sa klŏ boh tâo srăng bi êbuh diñu; ƀiădah hlei pô đăo kơ ñu amâo srăng luč klei čang hmăng ôh.”

I Kôrantô 8:3

Ƀiădah tơdah sa čô khăp kơ Aê Diê, Aê Diê thâo kral ñu.

II Kôrantô 1:22

Ñu kđăm leh hmei, leh anăn brei leh kơ hmei Yang Mngăt Jăk Ñu dôk hlăm ai tiê hmei jing mnơ̆ng ƀuăn.

II Kôrantô 3:18

Leh anăn jih jang drei hŏng ƀô̆ mta amâo guôm ôh dôk dlăng kơ klei guh kơang Khua Yang msĕ si hlăm ală kĭng, mâo klei bi mlih jing tui rup Ñu, mơ̆ng sa mta klei guh kơang kơ sa mta klei guh kơang mkăn. Kyuadah klei anei kbiă hriê mơ̆ng Khua Yang, Pô jing Mngăt Myang.

II Kôrantô 4:6

Kyuadah Aê Diê Pô lač leh, “Brei klei mngač mtrang hlăm anôk mmăt,” mtrang leh hlăm ai tiê hmei, čiăng brei klei mngač mơ̆ng klei thâo săng klei guh kơang Aê Diê mtrang mơ̆ng ƀô̆ mta Krist.

Galati 4:6

Leh anăn kyuadah diih jing phung anak, Aê Diê tiŏ hriê leh Yang Mngăt Jăk Anak Ñu mŭt dôk hlăm ai tiê drei, lač, “Aba, Ama!”

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Êphêsô 1:13

Hlăm Krist diih msĕ mơh, tơdah hmư̆ leh klei blŭ klei sĭt nik, jing klei mrâo mrang jăk kơ klei bi mtlaih diih, đăo leh kơ Ñu, leh anăn Aê Diê kđăm leh diih hŏng Yang Mngăt Jăk Ñu ƀuăn leh.

Êphêsô 4:30

Đăm bi ênguôt Yang Mngăt Jăk Aê Diê ôh, Ñu yơh kđăm leh diih pioh kơ hruê bi tui.

Philip 1:20

tui si klei kâo čiăng snăk leh anăn čang hmăng, kâo amâo srăng hêñ ôh, ƀiădah hŏng jih klei jhŏng sĭt ară anei leh anăn nanao msĕ mơh, Krist srăng mâo klei guh kơang hlăm asei mlei kâo, thâodah hŏng klei kâo hdĭp amâodah hŏng klei kâo djiê.

I Têsalônik 4:8

Snăn hlei pô hngah klei mtă anei, ñu hngah amâo djŏ kơ mnuih ôh, ƀiădah kơ Aê Diê yơh, Pô brei leh kơ diih Yang Mngăt Jăk Ñu.

II Têsalônik 2:16

Ară anei akâo kơ Khua Yang drei Yêsu Krist pô, leh anăn Aê Diê Ama drei, Pô khăp kơ drei leh anăn brei leh kơ drei hŏng klei pap klei bi juh hlŏng lar leh anăn čang hmăng jăk,

II Y-Timôthê 1:12

Kyua klei anăn yơh kâo tŭ klei knap anei; ƀiădah kâo amâo hêñ ôh, kyuadah kâo thâo kral hlei pô kâo đăo leh, leh anăn kâo thâo sĭt kơ Ñu mâo klei myang dưi kiă kriê tơl truh hruê anăn klei Ñu jao leh kơ kâo.

I Y-Yôhan 4:19

Drei khăp kyuadah Ñu khăp leh kơ drei êlâo.