Hră Y-Pôl Mơĭt kơ Phung Rôm 5:21 - Klei Aê Diê Blŭ 2015

²¹ snăn kyua msĕ si klei soh kiă kriê hŏng klei djiê, msĕ snăn mơh klei pap dưi kiă kriê hŏng klei kpă ênô leh anăn bi truh klei hdĭp hlŏng lar hlăm Yêsu Krist Khua Yang drei.

Hră Y-Pôl Mơĭt kơ Phung Rôm 5:21 Iomraidhean Croise

Y-Mathiơ 25:46

Leh anăn phung anăn srăng nao mŭt hlăm klei bi kmhal hlŏng lar, ƀiădah phung kpă srăng nao kơ klei hdĭp hlŏng lar.”

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 10:28

Leh anăn Kâo brei kơ digơ̆ klei hdĭp hlŏng lar, leh anăn digơ̆ amâo srăng rai luč ôh, leh anăn amâo mâo pô srăng kdhăk mă digơ̆ mơ̆ng kngan Kâo ôh.

Hră Y-Pôl Mơĭt kơ Phung Rôm 4:13

Klei Aê Diê ƀuăn kơ Y-Abraham leh anăn kơ phung anak čô ñu brei ñu srăng dưn lăn ala, amâo truh kyua klei bhiăn ôh, ƀiădah kyua klei kpă ênô mơ̆ng klei đăo.

Hră Y-Pôl Mơĭt kơ Phung Rôm 5:12

Kyuadah msĕ si klei soh mŭt leh hlăm lăn ala kyua sa čô mnuih, leh anăn klei djiê truh kyua klei soh, snăn mơh klei djiê truh leh kơ jih jang mnuih, kyuadah jih jang mnuih ngă soh leh.

Hră Y-Pôl Mơĭt kơ Phung Rôm 5:14

Ƀiădah klei djiê kiă kriê dơ̆ng mơ̆ng ênuk Y-Ađam truh ti ênuk Y-Môis, wăt kiă kriê phung amâo ngă ôh mta klei soh msĕ si Y-Ađam. Y-Ađam jing rup bi hmô kơ Pô hriê êdei.

Hră Y-Pôl Mơĭt kơ Phung Rôm 5:17

Tơdah kyua klei sa čô ngă soh, klei djiê kiă kriê leh kyua sa čô anăn, kdlưn hĭn mơh phung mă tŭ klei pap êbeh dlai leh anăn klei brei hơăi klei kpă ênô srăng kiă kriê hlăm klei hdĭp kyua sa čô Yêsu Krist.

Hră Y-Pôl Mơĭt kơ Phung Rôm 6:12

Kyuanăn đăm brei klei soh kiă kriê hlăm asei mlei thâo djiê diih ôh, čiăng mgô̆ diih gưt kơ klei ñu tluh.

Hră Y-Pôl Mơĭt kơ Phung Rôm 6:14

Klei soh amâo srăng jing khua diih ôh, kyuadah diih amâo dôk ti gŭ klei bhiăn ôh, ƀiădah ti gŭ klei pap.

Hră Y-Pôl Mơĭt kơ Phung Rôm 6:16

Hơăi, amâo djŏ snăn ôh! Diih amâo thâo hĕ tơdah diih jao diih pô čiăng gưt asăp kơ sa čô mnuih, snăn diih jing hlŭn kơ pô diih gưt yơh, thâodah kơ klei soh atăt kơ klei djiê, amâodah kơ klei gưt asăp atăt kơ klei kpă ênô?

Hră Y-Pôl Mơĭt kơ Phung Rôm 6:23

Kyuadah ênoh mưn kyua klei soh jing klei djiê, ƀiădah klei Aê Diê brei hơăi mang jing klei hdĭp hlŏng lar hlăm Krist Yêsu Khua Yang drei.

Hră Y-Pôl Mơĭt kơ Phung Rôm 8:10

Ƀiădah tơdah Krist dôk hlăm diih, wăt tơdah asei mlei diih srăng djiê kyua klei soh, mngăt diih dôk hdĭp kyua klei kpă ênô.

Y-Tit 2:11

Kyuadah klei Aê Diê pap ba brei klei bi mtlaih bi êdah leh kơ jih jang mnuih.

Hêbrơ 4:16

Snăn hŏng klei jhŏng brei drei nao giăm kơ jhưng mtao klei pap, čiăng kơ drei dưi mă tŭ klei jăk leh anăn mâo klei pap đru drei djŏ mông êjai drei mâo klei kƀah.

I Y-Pêtrôs 5:10

Leh diih tŭ klei knap mñai bhiâo, Aê Diê kơ jih klei pap, Pô iêô leh diih kơ klei guh kơang Ñu hlŏng lar hlăm Krist, srăng mjing diih jăk klă, bi kjăp, bi ktang diih leh anăn mdơ̆ng diih hơĭt.

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

I Y-Yôhan 2:25

Leh anăn anei klei Ñu ƀuăn leh kơ drei, jing klei hdĭp hlŏng lar.