Hră Y-Pôl Mơĭt kơ Phung Rôm 5:2 - Klei Aê Diê Blŭ 2015

² Hlăm Ñu drei mâo leh klei dưi mŭt dôk hlăm klei pap anei kyua klei đăo, leh anăn drei hơ̆k mơak hlăm klei čang hmăng srăng mâo klei guh kơang mbĭt hŏng Aê Diê.

Hră Y-Pôl Mơĭt kơ Phung Rôm 5:2 Iomraidhean Croise

Klei Mmuñ Hđăp 17:15

Bi kâo dê, kâo srăng ƀuh ƀô̆ mta Ih kyua klei kpă ênô kâo; tơdah kâo mdih pĭt, kâo srăng mơak hŏng klei kâo ƀuh Ih.

Klei Mmuñ Hđăp 73:24

Ih atăt kâo hŏng klei Ih kčĕ, leh anăn êdei Ih srăng jum kâo hlăm klei guh kơang.

Klei Bi Hriêng 14:32

Mnuih ƀai dlưh kyua klei soh ñu pô ngă, ƀiădah mnuih kpă ênô wăt hlăk ñu djiê ăt mâo anôk đuĕ dăp.

Y-Haƀakuk 3:18

ăt kâo srăng hơ̆k hlăm Yêhôwa, kâo srăng mơak hlăm Aê Diê Pô bi mtlaih kâo.

Y-Mathiơ 25:21

Khua ñu lač kơ ñu, ‘Jăk leh, Ơ dĭng buăl jăk leh anăn sĭt suôr. Ih dôk sĭt suôr hlăm bruă điêt, kâo srăng brei ih kiă kriê lu. Mŭt bĕ leh anăn mâo klei hơ̆k mơak mbĭt hŏng khua ih.’

Y-Yôhan 10:7

Yêsu lŏ lač kơ diñu, “Kâo lač kơ diih klei sĭt nik, Kâo jing ƀăng bhă kơ phung biăp.

Y-Yôhan 10:9

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

Y-Yôhan 14:6

Yêsu lač kơ gơ̆, “Kâo jing êlan, klei sĭt nik, leh anăn klei hdĭp; amâo mâo pô dưi nao kơ Ama, knŏng hŏng Kâo.

Y-Yôhan 5:24

Kâo lač kơ diih klei sĭt nik, hlei pô hmư̆ klei Kâo blŭ leh anăn đăo kơ Pô tiŏ hriê Kâo, mâo leh klei hdĭp hlŏng lar; ñu amâo srăng truh kơ klei phat kđi ôh, ƀiădah ñu găn leh klei djiê nao kơ klei hdĭp.

Bruă Phung Khua Ƀĭng Kna 14:27

Leh diñu truh, diñu bi kƀĭn Phung Sang Aê Diê leh anăn yăl dliê jih klei Aê Diê ngă mbĭt hŏng diñu, leh anăn si Aê Diê pŏk leh ƀăng bhă klei đăo kơ phung tue.

Hră Y-Pôl Mơĭt kơ Phung Rôm 11:20

Klei anăn jing sĭt. Arăng khăt hĕ diñu leh kyuadah klei diñu amâo đăo ôh. Ƀiădah ih dôk kjăp knŏng kyua klei ih đăo. Snăn đăm jing mgao ôh, ƀiădah brei ih huĭ.

Hră Y-Pôl Mơĭt kơ Phung Rôm 12:12

Hơ̆k mơak bĕ kyua klei diih čang hmăng, brei diih gĭr hlăm klei knap mñai, wah lač nanao.

Hră Y-Pôl Mơĭt kơ Phung Rôm 14:4

Hlei ih jing tơl ih phat kđi phung dĭng buăl arăng? Ti anăp khua ñu pô ñu dôk kjăp amâodah lĕ buh. Leh anăn ñu srăng dôk kjăp, kyuadah Khua Yang dưi brei ñu dôk kjăp.

Hră Y-Pôl Mơĭt kơ Phung Rôm 15:13

Akâo kơ Aê Diê, Pô jing klei čang hmăng, bi bŏ diih hŏng jih klei mơak leh anăn klei êđăp ênang hlăm klei đăo, čiăng kơ hŏng klei myang Yang Mngăt Jăk diih dưi mâo klei čang hmăng êbeh dlai.

Hră Y-Pôl Mơĭt kơ Phung Rôm 2:7

Aê Diê srăng brei klei hdĭp hlŏng lar kơ phung gĭr ngă klei jăk nanao, duah klei guh kơang, klei mpŭ, leh anăn klei amâo thâo djiê.

Hră Y-Pôl Mơĭt kơ Phung Rôm 3:23

Kyuadah jih jang mnuih soh leh sơăi leh anăn amâo tơl mâo klei guh kơang Aê Diê ôh,

Hră Y-Pôl Mơĭt kơ Phung Rôm 5:5

leh anăn klei čang hmăng amâo bi hêñ drei ôh, kyuadah klei Aê Diê khăp tuh leh hlăm ai tiê drei hŏng Yang Mngăt Jăk Pô Aê Diê brei leh kơ drei.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Hră Y-Pôl Mơĭt kơ Phung Rôm 8:24

Kyuadah hlăm klei čang hmăng yơh drei tlaih leh. Tơdah ƀuh leh klei čang hmăng, amâo lŏ jing klei čang hmăng ôh. Kyuadah hlei pô tuôm čang hmăng kơ mnơ̆ng ñu ƀuh leh?

I Kôrantô 15:1

Ơ phung ayŏng adei, kâo čiăng bi hdơr kơ diih klei mrâo mrang jăk kâo mtô leh kơ diih, klei anăn diih mă tŭ leh, leh anăn hlăm klei anăn mơh diih dôk kjăp.

II Kôrantô 3:18

Leh anăn jih jang drei hŏng ƀô̆ mta amâo guôm ôh dôk dlăng kơ klei guh kơang Khua Yang msĕ si hlăm ală kĭng, mâo klei bi mlih jing tui rup Ñu, mơ̆ng sa mta klei guh kơang kơ sa mta klei guh kơang mkăn. Kyuadah klei anei kbiă hriê mơ̆ng Khua Yang, Pô jing Mngăt Myang.

II Kôrantô 4:17

Kyuadah klei knap mñai hdjul bhiâo anei mjing kơ hmei klei guh kơang prŏng hĭn hlŏng lar êgao kơ arăng dưi mkă.

Êphêsô 2:18

Kyuadah hlăm Ñu jih dua phung drei dưi nao truh kơ Ama hlăm sa Yang Mngăt Jăk.

Êphêsô 3:12

Hlăm Krist anăn drei mâo klei jhŏng leh anăn klei knang dưi nao giăm Aê Diê hŏng klei drei đăo kơ Krist.

Êphêsô 6:13

Kyua anăn mă yua bĕ jih mnơ̆ng bi blah Aê Diê brei, čiăng kơ diih dưi bi kdơ̆ng hlăm ênuk jhat, leh anăn tơdah bi blah leh jih, diih srăng ăt dôk kjăp.

II Têsalônik 2:16

Ară anei akâo kơ Khua Yang drei Yêsu Krist pô, leh anăn Aê Diê Ama drei, Pô khăp kơ drei leh anăn brei leh kơ drei hŏng klei pap klei bi juh hlŏng lar leh anăn čang hmăng jăk,

Hêbrơ 3:6

Ƀiădah Krist dôk sĭt suôr msĕ si sa čô anak êkei kiă sang Aê Diê. Drei jing sang Ñu tơdah drei djă pioh kjăp klei knang leh anăn klei jhŏng hlăm klei drei čang hmăng.

Hêbrơ 6:18

Čiăng kơ hŏng dua klei amâo thâo mlih ôh, leh anăn hlăm dua klei anăn Aê Diê amâo dưi luar ôh, phung drei đuĕ dăp leh hlăm Ñu dưi mâo klei bi mđĭ ai ktang čiăng djă pioh klei čang hmăng Aê Diê ƀuăn leh kơ drei.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

Klei Bi Êdah 21:11

mâo klei guh kơang Aê Diê. Klei ktlă ñu jing msĕ si sa asăr boh tâo yuôm snăk, msĕ si boh tâo jaspidi, mngač msĕ si ală kĭng.

Klei Bi Êdah 21:23

Ƀuôn anăn amâo lŏ čiăng kơ yang hruê amâodah mlan bi mngač ñu ôh, kyuadah klei guh kơang Aê Diê bi mngač ƀuôn anăn, leh anăn Êđai Biăp jing pui kđen kơ ñu.

Klei Bi Êdah 21:3

Leh anăn kâo hmư̆ asăp kraih kbiă mơ̆ng jhưng mtao lač, “Nĕ anei, Aê Diê dôk mbĭt hŏng phung mnuih. Ñu srăng dôk mbĭt hŏng digơ̆, leh anăn digơ̆ srăng jing phung ƀuôn sang Ñu. Leh anăn Aê Diê pô srăng dôk mbĭt hŏng digơ̆.

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.