Hră Y-Pôl Mơĭt kơ Phung Rôm 5:19 - Klei Aê Diê Blŭ 2015

¹⁹ Snăn, kyua sa čô mnuih amâo gưt asăp ôh lu mnuih jing soh leh; msĕ snăn mơh kyua sa čô mnuih gưt asăp lu mnuih srăng mâo klei yap kpă.

Hră Y-Pôl Mơĭt kơ Phung Rôm 5:19 Iomraidhean Croise

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Hră Y-Pôl Mơĭt kơ Phung Rôm 11:32

Kyuadah Aê Diê brei leh jih jang mnuih jing mnă kơ klei amâo gưt asăp, čiăng kơ Ñu dưi pap brei kơ jih jang.

Hră Y-Pôl Mơĭt kơ Phung Rôm 5:12

Kyuadah msĕ si klei soh mŭt leh hlăm lăn ala kyua sa čô mnuih, leh anăn klei djiê truh kyua klei soh, snăn mơh klei djiê truh leh kơ jih jang mnuih, kyuadah jih jang mnuih ngă soh leh.

Hră Y-Pôl Mơĭt kơ Phung Rôm 5:15

Ƀiădah klei brei hơăi amâo jing msĕ si klei soh Y-Ađam ôh. Kyuadah tơdah lu mnuih djiê leh kyua klei soh sa čô mnuih, kdlưn hĭn mơh klei Aê Diê pap leh anăn klei brei hơăi mang hŏng klei pap hlăm sa čô, Yêsu Krist, srăng truh êbeh dlai kơ lu mnuih.

Hră Y-Pôl Mơĭt kơ Phung Rôm 5:18

Snăn kyua klei sa čô mnuih ngă soh bi truh klei bi kmhal kơ jih jang mnuih, msĕ snăn mơh sa mta bruă kpă sa čô mnuih ngă bi truh klei yap kpă leh anăn klei hdĭp kơ jih jang mnuih.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Philip 2:8

Leh Ñu jing sa čô mnuih, Ñu bi luă gŭ Ñu pô, leh anăn gưt asăp tơl djiê, wăt klei djiê ti kyâo bi kal.