Hră Y-Pôl Mơĭt kơ Phung Rôm 5:14 - Klei Aê Diê Blŭ 2015

¹⁴ Ƀiădah klei djiê kiă kriê dơ̆ng mơ̆ng ênuk Y-Ađam truh ti ênuk Y-Môis, wăt kiă kriê phung amâo ngă ôh mta klei soh msĕ si Y-Ađam. Y-Ađam jing rup bi hmô kơ Pô hriê êdei.

Hră Y-Pôl Mơĭt kơ Phung Rôm 5:14 Iomraidhean Croise

Klei Mphŭn Dơ̆ng 19:25

Ñu bi rai phung ƀuôn anăn leh anăn jih Lăn Dap, jih jang mnuih dôk hlăm phung ƀuôn anăn, wăt jih jang mnơ̆ng čăt mơ̆ng lăn.

Klei Mphŭn Dơ̆ng 4:8

Y-Kain blŭ hŏng adei ñu Y-Aƀel: “Bơ drei nao kơ hma”. Leh anăn êjai diñu dôk hlăm hma, Y-Kain kjač ngă kơ Y-Aƀel adei ñu leh anăn bi mdjiê hĕ gơ̆.

Klei Mphŭn Dơ̆ng 7:22

Jih jang mnơ̆ng ti lăn thu mâo êwa klei hdĭp hlăm ƀăng adŭng djiê sơăi.

Klei Kbiă 1:22

Pharaôn mtă kơ jih jang phung ƀuôn sang ñu, “Brei diih hwiê hlăm êa krông Nil grăp čô anak êkei phung Hêbrơ srăng kkiêng, ƀiădah lui grăp čô anak mniê dôk hdĭp.”

Klei Kbiă 1:6

Y-Yôsep djiê, leh anăn jih jang phung ayŏng adei ñu, wăt jih jang mnuih gưl diñu ênuk anăn msĕ mơh.

Y-Ôsê 6:7

Ƀiădah msĕ si Y-Ađam, diñu gao leh klei bi mguôp; tinăn diñu amâo dôk sĭt suôr ôh hŏng Kâo.

Y-Yôna 4:11

Amâo jing djŏ hĕ Kâo pap kơ ƀuôn Niniwơ, ƀuôn prŏng anăn, hlăm ƀuôn anăn mâo êbeh kơ sa êtuh dua pluh êbâo čô amâo thâo klei mdê kngan hnuă hŏng kngan điâo ôh, leh anăn msĕ mơh mâo lu hlô mnơ̆ng.”

Hră Y-Pôl Mơĭt kơ Phung Rôm 5:12

Kyuadah msĕ si klei soh mŭt leh hlăm lăn ala kyua sa čô mnuih, leh anăn klei djiê truh kyua klei soh, snăn mơh klei djiê truh leh kơ jih jang mnuih, kyuadah jih jang mnuih ngă soh leh.

Hră Y-Pôl Mơĭt kơ Phung Rôm 5:17

Tơdah kyua klei sa čô ngă soh, klei djiê kiă kriê leh kyua sa čô anăn, kdlưn hĭn mơh phung mă tŭ klei pap êbeh dlai leh anăn klei brei hơăi klei kpă ênô srăng kiă kriê hlăm klei hdĭp kyua sa čô Yêsu Krist.

Hră Y-Pôl Mơĭt kơ Phung Rôm 5:21

snăn kyua msĕ si klei soh kiă kriê hŏng klei djiê, msĕ snăn mơh klei pap dưi kiă kriê hŏng klei kpă ênô leh anăn bi truh klei hdĭp hlŏng lar hlăm Yêsu Krist Khua Yang drei.

Hră Y-Pôl Mơĭt kơ Phung Rôm 8:20

Kyuadah jih jang mnơ̆ng hrih leh tŭ leh klei jing hơăi mang, amâo djŏ tui si diñu pô čiăng ôh, ƀiădah tui si Pô brei diñu tŭ klei anăn hŏng klei čang hmăng

Hră Y-Pôl Mơĭt kơ Phung Rôm 8:22

Truh kơ hruê anei, drei thâo jih jang mnơ̆ng hrih leh ur krao mđrăm mbĭt hlăm klei knap mñai msĕ si mniê đih pui.

I Kôrantô 15:22

Kyuadah msĕ si hlăm Y-Ađam jih jang djiê, msĕ snăn mơh jih jang srăng kbiă lŏ hdĭp hlăm Krist.

I Kôrantô 15:45

Snei Klei Aê Diê Blŭ čih leh, “Mnuih tal êlâo Y-Ađam jing mngăt hdĭp; Y-Ađam knhal tuč jing mngăt brei klei hdĭp.”

Hêbrơ 9:27

Leh anăn čuăn leh kơ mnuih srăng djiê sa blư̆, leh klei anăn tŭ klei phat kđi,