Hră Y-Pôl Mơĭt kơ Phung Rôm 5:11 - Klei Aê Diê Blŭ 2015

¹¹ Amâo djŏ dŭm anăn ôh, ƀiădah msĕ mơh drei hơ̆k mơak hlăm Aê Diê kyua Khua Yang drei Yêsu Krist. Hlăm Gơ̆ yơh drei mâo leh klei bi grăng hŏng Aê Diê.

Hră Y-Pôl Mơĭt kơ Phung Rôm 5:11 Iomraidhean Croise

Klei Mmuñ Hđăp 104:34

Brei klei kâo mĭn dưi bi mơak kơ Ñu, êjai kâo hơ̆k mơak hlăm Yêhôwa.

Klei Mmuñ Hđăp 149:2

Brei phung Israel hơ̆k mơak hŏng Pô Hrih diñu leh; brei phung anak ƀuôn Siôn hơ̆k mơak hŏng Mtao diñu.

Klei Mmuñ Hđăp 32:11

Ơ phung kpă, hơ̆k mơak bĕ diih hlăm Yêhôwa, ur hơ̆k bĕ, Ơ jih jang diih mâo ai tiê kpă.

Klei Mmuñ Hđăp 43:4

Snăn kâo srăng nao kơ knưl Aê Diê, truh kơ Aê Diê, hlăm Ñu kâo mâo klei hơ̆k mơak; leh anăn kâo srăng bi mni kơ Ih hŏng đĭng brô̆, Ơ Aê Diê, Aê Diê kâo.

Y-Êsai 61:10

Kâo srăng hơ̆k mơak snăk hlăm Yêhôwa; mngăt kâo srăng bŏ hŏng klei hơ̆k kdơ̆k hlăm Aê Diê kâo. Kyuadah ñu bi hơô leh kâo hŏng čhiăm ao klei bi mtlaih, ñu guôm leh kâo hŏng ao jhung klei kpă ênô, msĕ si êkei dôk mô̆ mprăp ñu pô hŏng kwang mnga, msĕ si sa čô mniê dôk ung mprăp ñu pô hŏng boh tâo yuôm ñu.

Y-Luk 1:46

Leh anăn H'Mari lač: “Mngăt kâo mpŭ mni kơ Khua Yang,

Y-Yôhan 1:12

Ƀiădah hlei pô jum Ñu, čiăng lač hlei pô đăo kơ anăn Ñu, Ñu brei kơ mnuih anăn klei dưi jing anak Aê Diê.

Hră Y-Pôl Mơĭt kơ Phung Rôm 11:15

Kyuadah tơdah klei Aê Diê hngah kơ diñu jing hĕ klei bi grăng kơ lăn ala, ya srăng truh tơdah lŏ jum diñu? Amâo djŏ hĕ jing klei hdĭp kơ phung djiê leh?

Hră Y-Pôl Mơĭt kơ Phung Rôm 2:17

Bi ih, ih yap ih pô sa čô Yuđa leh anăn knang kơ klei bhiăn, bi mni kơ ih pô kyua Aê Diê ih,

Hră Y-Pôl Mơĭt kơ Phung Rôm 5:1

Snăn kyuadah drei mâo leh klei yap kpă hŏng klei đăo, drei mâo klei êđăp ênang hŏng Aê Diê hlăm Khua Yang drei Yêsu Krist.

Hră Y-Pôl Mơĭt kơ Phung Rôm 5:10

Kyuadah tơdah êjai drei jing roh hŏng Aê Diê, klei djiê Anak Aê Diê bi grăng drei leh hŏng Ñu, kdlưn hĭn mơh leh bi grăng, drei srăng mâo klei bi mtlaih kyua klei hdĭp Gơ̆.

Hră Y-Pôl Mơĭt kơ Phung Rôm 5:3

Amâo djŏ knŏng dŭm anăn ôh, drei hơ̆k mơak mơh êjai drei tŭ klei knap mñai, kyuadah drei thâo klei knap mñai anăn bi truh klei gĭr;

Hră Y-Pôl Mơĭt kơ Phung Rôm 8:23

Leh anăn amâo djŏ ôh knŏng hjăn mnơ̆ng hrih leh, ƀiădah wăt drei pô mơh, phung mâo leh boh êlâo hĭn mơ̆ng Yang Mngăt Jăk, ur krao hlăm ai tiê êjai dôk guôn klei Aê Diê brei jing phung anak Ñu, čiăng lač klei bi tui kơ asei mlei drei.

Hră Y-Pôl Mơĭt kơ Phung Rôm 9:10

Amâo djŏ knŏng snăn ôh, ƀiădah msĕ mơh tơdah H'Rêƀêka ba tian hŏng aê drei Y-Isăk,

I Kôrantô 10:16

Atŏ klei jăk jĭn drei bi mni kơ Aê Diê, amâo djŏ hĕ jing klei bi mguôp hlăm êrah Krist? Kpŭng drei kjoh, amâo djŏ hĕ jing klei bi mguôp hlăm asei mlei Krist?

II Kôrantô 8:19

Amâo djŏ knŏng dŭm anăn ôh, ƀiădah Phung Sang Aê Diê ruah ñu leh brei hiu mbĭt hŏng hmei hlăm bruă klei pap hmei ăt dôk ngă anei, čiăng bi guh kơang Khua Yang, leh anăn čiăng bi êdah ai tiê kmah hmei.

Galati 4:9

Ƀiădah ară anei diih thâo kral leh Aê Diê, boh nik nak Aê Diê thâo kral leh diih, snăn si ngă diih čiăng lŏ wĭt kơ phung yang awăt leh anăn ƀun ƀin, čiăng lŏ jing hlŭn kơ diñu hĕ?

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Philip 3:1

Ti knhal tuč hră anei, kâo mtă kơ diih, Ơ phung ayŏng adei, mơak bĕ hlăm Khua Yang. Amâo jing klei ktrŏ ôh kơ kâo lŏ čih klei msĕ kơ diih, leh anăn klei anăn srăng mgang diih.

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Philip 4:4

Mơak bĕ nanao hlăm Khua Yang. Kâo lŏ mñă mơh, mơak bĕ.

Kôlôs 2:6

Kyuanăn msĕ si diih jum leh Krist Yêsu jing Khua Yang, msĕ snăn mơh dôk hdĭp bĕ hlăm Ñu,

I Y-Pêtrôs 1:8

Wăt tơdah diih amâo tuôm ƀuh Ñu ôh, diih khăp leh kơ Ñu. Wăt tơdah diih amâo tuôm ƀuh Ñu ôh ară anei, diih đăo leh kơ Ñu leh anăn hơ̆k mơak hŏng klei mơak guh kơang amâo thâo mblang.

I Y-Samuel 2:1

H'An wah lač leh anăn lač, “Ai tiê kâo hơ̆k mơak hlăm Yêhôwa; Yêhôwa lŏ bi kơrŭ leh ai ktang kâo. Ƀăng kƀông kâo blŭ klei djik djak kơ phung roh kâo, kyuadah kâo hơ̆k mơak hlăm klei Ih bi mtlaih.