Hră Y-Pôl Mơĭt kơ Phung Rôm 5:10 - Klei Aê Diê Blŭ 2015

¹⁰ Kyuadah tơdah êjai drei jing roh hŏng Aê Diê, klei djiê Anak Aê Diê bi grăng drei leh hŏng Ñu, kdlưn hĭn mơh leh bi grăng, drei srăng mâo klei bi mtlaih kyua klei hdĭp Gơ̆.

Hră Y-Pôl Mơĭt kơ Phung Rôm 5:10 Iomraidhean Croise

II Klei Yăl Dliê 29:24

leh anăn phung khua ngă yang bi mdjiê digơ̆ leh anăn ngă yang kyua klei soh hŏng êrah digơ̆ ti knưl, čiăng ngă klei bi doh klei soh kơ jih jang phung Israel. Kyuadah mtao mtă čiăng kơ arăng ngă yang mnơ̆ng myơr čuh leh anăn mnơ̆ng myơr kyua klei soh kơ jih jang phung Israel.

Y-Êsêkiêl 45:20

Diih srăng ngă msĕ snăn mơh ti hruê tal kjuh mlan anăn kyua pô ngă soh leh hŏng klei čhuai amâodah amâo thâo săng ôh; snăn diih srăng ngă klei bi doh kơ sang yang.

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Bruă Lêwi 6:30

Ƀiădah đăm ƀơ̆ng ôh mnơ̆ng myơr kyua klei soh mơ̆ng mnơ̆ng anăn arăng ba leh đa đa êrah kơ sang čhiăm klei bi kƀĭn čiăng ngă klei bi doh klei soh hlăm adŭ doh jăk; brei arăng čuh gơ̆ hŏng pui.”

Y-Yôhan 14:19

Adôk ƀiă leh anăn lăn ala amâo srăng lŏ ƀuh Kâo ôh, ƀiădah diih srăng ƀuh Kâo. Kyuadah Kâo dôk hdĭp, diih srăng dôk hdĭp msĕ mơh.

Y-Yôhan 5:26

Kyuadah msĕ si Ama mâo klei hdĭp hlăm Ñu pô, msĕ snăn mơh Ñu brei leh kơ Anak mâo klei hdĭp hlăm Gơ̆ pô.

Y-Yôhan 6:40

Kyuadah snei klei Ama Kâo čiăng: brei grăp čô hlei pô ƀuh Anak leh anăn đăo kơ Ñu srăng mâo klei hdĭp hlŏng lar; leh anăn Kâo srăng bi kbiă lŏ hdĭp digơ̆ ti hruê knhal tuč êdei.”

Y-Yôhan 6:57

Msĕ si Ama Pô hdĭp tiŏ hriê Kâo leh, leh anăn Kâo dôk hdĭp kyua Ama, msĕ snăn hlei pô ƀơ̆ng kđeh Kâo srăng dôk hdĭp kyua Kâo.

Hră Y-Pôl Mơĭt kơ Phung Rôm 11:28

Tui si klei mrâo mrang jăk diñu jing roh hŏng Aê Diê, kyua klei tŭ dưn kơ diih phung tue; ƀiădah tui si klei Aê Diê ruah, diñu jing phung Aê Diê khăp leh kyua phung aê diñu.

Hră Y-Pôl Mơĭt kơ Phung Rôm 5:11

Amâo djŏ dŭm anăn ôh, ƀiădah msĕ mơh drei hơ̆k mơak hlăm Aê Diê kyua Khua Yang drei Yêsu Krist. Hlăm Gơ̆ yơh drei mâo leh klei bi grăng hŏng Aê Diê.

Hră Y-Pôl Mơĭt kơ Phung Rôm 5:6

Êjai drei awăt, amâo mâo klei dưi drei pô ôh, Krist djiê leh kyua phung soh djŏ hruê Aê Diê bi kčah leh.

Hră Y-Pôl Mơĭt kơ Phung Rôm 8:32

Kyuadah Ñu amâo hơưi Anak Ñu pô ôh, ƀiădah jao Gơ̆ leh kyua jih jang drei, Ñu amâo srăng brei ôh hĕ kơ drei jih jang mnơ̆ng mbĭt hŏng Gơ̆?

Hră Y-Pôl Mơĭt kơ Phung Rôm 8:34

Hlei pô srăng phat kđi bi kmhal diñu? Krist Yêsu jing Pô djiê leh, wăt kbiă lŏ hdĭp leh mơh, Pô dôk tĭng hnuă kơ Aê Diê leh anăn đru wah lač brei kơ phung drei.

Hră Y-Pôl Mơĭt kơ Phung Rôm 8:7

Kyuadah klei khăp mĭn kơ klei tui si kđeh jing roh hŏng Aê Diê. Kđeh anăn amâo gưt kơ klei bhiăn Aê Diê ôh, sĭt nik ñu amâo dưi gưt ôh.

II Kôrantô 5:20

Snăn hmei jing dĭng ktang kơ Krist, msĕ si Aê Diê yua hmei kwưh kơ arăng. Hmei kwưh kơ diih hlăm anăn Krist, brei diih lŏ bi grăng bĕ hŏng Aê Diê.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Êphêsô 2:16

leh anăn dưi bi grăng jih dua phung drei hŏng Aê Diê hlăm sa asei mlei kyua kyâo bi kal. Hŏng klei anăn Ñu bi luč hĕ klei bi roh.

Êphêsô 2:3

Mphŭn dô jih jang drei jing msĕ si phung anăn mơh. Drei dôk hdĭp tui si kđeh tluh, tui hlue klei kđeh leh anăn klei mĭn drei čiăng. Snăn tui si mnuih yang đar drei jing phung dôk ti gŭ klei Aê Diê ngêñ, msĕ si jih jang mnuih mkăn.

Hêbrơ 2:17

Kyuanăn yuôm Ñu mâo klei jing msĕ si phung ayŏng adei Ñu hlăm jih jang klei, čiăng kơ Ñu dưi jing sa čô khua ngă yang prŏng thâo pap leh anăn sĭt suôr hlăm bruă Ñu mă kơ Aê Diê, čiăng ngă klei bi doh klei soh phung ƀuôn sang.

Hêbrơ 7:25

Kyua anăn Ñu dưi bi mtlaih hlŏng lar phung nao giăm Aê Diê hlăm Ñu, kyuadah Ñu dôk hdĭp nanao đru wah lač brei kơ digơ̆.

I Y-Yôhan 2:1

Ơ phung anak điêt kâo, kâo čih klei anei kơ diih čiăng kơ diih amâo ngă soh ôh; ƀiădah hlei pô ngă soh, drei mâo sa čô Pô mgang kđi dôk mbĭt hŏng Ama, Yêsu Krist Pô kpă.

I Y-Yôhan 4:10

Hlăm klei anei jing klei khăp, amâo djŏ drei khăp leh kơ Aê Diê ôh, ƀiădah Aê Diê khăp leh kơ drei, leh anăn tiŏ hriê Anak Ñu jing mnơ̆ng ngă yang bi tui klei soh drei.

Klei Bi Êdah 1:18

leh anăn Pô dôk hdĭp. Kâo djiê leh, leh anăn nĕ anei, Kâo dôk hdĭp nanao hlŏng lar, leh anăn Kâo djă kliăng Klei Djiê leh anăn Ƀuôn Phung Djiê.