Hră Y-Pôl Mơĭt kơ Phung Rôm 5:1 - Klei Aê Diê Blŭ 2015

¹ Snăn kyuadah drei mâo leh klei yap kpă hŏng klei đăo, drei mâo klei êđăp ênang hŏng Aê Diê hlăm Khua Yang drei Yêsu Krist.

Hră Y-Pôl Mơĭt kơ Phung Rôm 5:1 Iomraidhean Croise

Y-Yôp 21:21

Kyuadah ya diñu uêñ kơ phung anak diñu êdei kơ diñu, tơdah mlan diñu dôk hdĭp ruê̆ leh?

Klei Mmuñ Hđăp 122:6

Wah lač bĕ kơ klei êđăp ênang ƀuôn Yêrusalem; brei phung khăp kơ ih mâo klei đĭ kyar!

Y-Êsai 27:5

Amâodah brei diñu mă tŭ klei Kâo mgang, brei diñu duah klei êđăp ênang hŏng Kâo, sĭt nik brei diñu duah klei êđăp ênang hŏng Kâo!”

Y-Êsai 32:17

Boh tŭ dưn mơ̆ng klei kpă ênô srăng jing klei êđăp ênang, leh anăn boh tŭ dưn mơ̆ng klei kpă ênô jing klei mdei leh anăn klei knang nanao.

Y-Êsai 54:13

Yêhôwa srăng bi hriăm jih jang phung anak êkei ih, leh anăn phung anak êkei ih srăng đĭ kyar snăk.

Y-Êsai 55:12

Kyuadah diih srăng kbiă nao hŏng klei hơ̆k, leh anăn arăng srăng atăt diih hŏng klei êđăp ênang; čư̆ leh anăn kbuôn srăng bi kčaĭ klei mmuñ ti anăp diih, leh anăn jih jang ana kyâo hlăm dliê srăng pah kngan.

Y-Haƀakuk 2:4

Nĕ anei, ñu jing pô mgao; klei ñu čiăng amâo kpă ôh, ƀiădah pô kpă ênô srăng dôk hdĭp kyua klei đăo.

Y-Sakari 6:13

Ñu yơh srăng mdơ̆ng sang yang Yêhôwa, Ñu srăng mâo klei arăng mpŭ, leh anăn srăng dôk gŭ leh anăn kiă kriê ti dlông jhưng mtao Ñu. Snăn Ñu srăng jing khua ngă yang ti jhưng mtao Ñu; leh anăn srăng mâo klei bi mguôp êđăp ênang hdơ̆ng dua mta bruă anăn.’

Y-Luk 19:38

Diñu lač, “Aê Diê hơêč hmưi kơ Mtao hriê hlăm anăn Khua Yang! Brei mâo klei êđăp ênang hlăm adiê leh anăn klei guh kơang kơ Pô Ti Dlông Hĭn!”

Y-Luk 19:42

“Čiăng snăk tơdah hruê anei ih dưi thâo klei dưi brei klei êđăp ênang kơ ih! Ƀiădah ară anei klei anăn mdăp leh kơ ală ih.

Y-Luk 2:14

“Klei guh kơang kơ Aê Diê hlăm anôk ti dlông hĭn, leh anăn klei êđăp ênang ti lăn ala kơ phung mnuih bi mơak kơ Ñu.”

Y-Yôhan 14:27

Kâo lui klei êđăp ênang mbĭt hŏng diih; Kâo brei kơ diih klei êđăp ênang Kâo pô. Kâo brei kơ diih amâo djŏ msĕ si lăn ala brei ôh. Đăm brei ai tiê diih rŭng răng ôh, kăn huĭ rei.

Y-Yôhan 16:33

Kâo lač leh klei anei kơ diih, čiăng kơ diih dưi mâo klei êđăp ênang hlăm Kâo. Hlăm lăn ala diih srăng mâo klei knap mñai; ƀiădah dôk kjăp bĕ, Kâo dưi leh hŏng lăn ala.”

Y-Yôhan 20:31

ƀiădah arăng čih leh klei anei, čiăng kơ diih đăo kơ Yêsu jing Yang Krist, Anak Aê Diê, leh anăn hŏng klei diih đăo diih dưi mâo klei hdĭp hlăm anăn Ñu.

Y-Yôhan 5:24

Kâo lač kơ diih klei sĭt nik, hlei pô hmư̆ klei Kâo blŭ leh anăn đăo kơ Pô tiŏ hriê Kâo, mâo leh klei hdĭp hlŏng lar; ñu amâo srăng truh kơ klei phat kđi ôh, ƀiădah ñu găn leh klei djiê nao kơ klei hdĭp.

Bruă Phung Khua Ƀĭng Kna 10:36

Diih thâo Aê Diê mơĭt leh klei blŭ kơ phung Israel, čiăng hưn klei mrâo mrang jăk kơ klei êđăp ênang mơ̆ng Yêsu Krist (gơ̆ jing Khua Yang kơ jih jang).

Hră Y-Pôl Mơĭt kơ Phung Rôm 1:17

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

Hră Y-Pôl Mơĭt kơ Phung Rôm 1:7

Kâo čih mơĭt kơ jih jang phung Aê Diê khăp hlăm ƀuôn Rôm, phung Aê Diê iêô leh brei jing phung doh jăk: Hơêč hmưi kơ diih mâo klei pap leh anăn klei êđăp ênang mơ̆ng Aê Diê Ama leh anăn Khua Yang drei Yêsu Krist.

Hră Y-Pôl Mơĭt kơ Phung Rôm 10:10

Kyuadah mnuih đăo hŏng ai tiê ñu, snăn kơh ñu mâo klei yap kpă; leh anăn ñu hưn hŏng ƀăng kƀông, snăn kơh ñu tlaih.

Hră Y-Pôl Mơĭt kơ Phung Rôm 10:15

Leh anăn si mnuih dưi mtô tơdah arăng amâo tiŏ nao diñu ôh? Tui si Klei Aê Diê Blŭ čih leh, “Siam jăk yơh jơ̆ng phung nao hưn klei mrâo mrang jăk!”

Hră Y-Pôl Mơĭt kơ Phung Rôm 14:17

Kyuadah ƀuôn ala mtao Aê Diê amâo djŏ jing klei ƀơ̆ng huă mnăm ôh, ƀiădah klei kpă ênô, klei êđăp ênang, leh anăn klei hơ̆k mơak hlăm Yang Mngăt Jăk.

Hră Y-Pôl Mơĭt kơ Phung Rôm 15:13

Akâo kơ Aê Diê, Pô jing klei čang hmăng, bi bŏ diih hŏng jih klei mơak leh anăn klei êđăp ênang hlăm klei đăo, čiăng kơ hŏng klei myang Yang Mngăt Jăk diih dưi mâo klei čang hmăng êbeh dlai.

Hră Y-Pôl Mơĭt kơ Phung Rôm 15:33

Akâo kơ Aê Diê klei êđăp ênang, dôk mbĭt hŏng diih jih jang. Amen.

Hră Y-Pôl Mơĭt kơ Phung Rôm 3:22

jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

Hră Y-Pôl Mơĭt kơ Phung Rôm 3:30

kyuadah mâo knŏng sa čô Aê Diê. Ñu srăng yap kpă phung khăt klĭt hŏng klei đăo leh anăn phung amâo khăt klĭt hŏng klei đăo anăn mơh.

Hră Y-Pôl Mơĭt kơ Phung Rôm 4:5

Bi kơ pô amâo ngă bruă ôh, ƀiădah knang kơ Pô yap kpă mnuih soh, klei ñu đăo arăng yap jing klei kpă.

Hră Y-Pôl Mơĭt kơ Phung Rôm 5:11

Amâo djŏ dŭm anăn ôh, ƀiădah msĕ mơh drei hơ̆k mơak hlăm Aê Diê kyua Khua Yang drei Yêsu Krist. Hlăm Gơ̆ yơh drei mâo leh klei bi grăng hŏng Aê Diê.

Hră Y-Pôl Mơĭt kơ Phung Rôm 5:18

Snăn kyua klei sa čô mnuih ngă soh bi truh klei bi kmhal kơ jih jang mnuih, msĕ snăn mơh sa mta bruă kpă sa čô mnuih ngă bi truh klei yap kpă leh anăn klei hdĭp kơ jih jang mnuih.

Hră Y-Pôl Mơĭt kơ Phung Rôm 6:23

Kyuadah ênoh mưn kyua klei soh jing klei djiê, ƀiădah klei Aê Diê brei hơăi mang jing klei hdĭp hlŏng lar hlăm Krist Yêsu Khua Yang drei.

Hră Y-Pôl Mơĭt kơ Phung Rôm 9:30

Snăn ya drei srăng lač lĕ? Phung tue amâo tuôm tui duah ôh klei kpă ênô mâo leh klei kpă ênô, anăn jing klei kpă ênô mơ̆ng klei đăo.

Galati 2:16

Ƀiădah hmei thâo leh Aê Diê yap mnuih kpă amâo djŏ kyua bruă tui si klei bhiăn ôh, ƀiădah hŏng klei đăo kơ Yêsu Krist. Wăt hmei pô mơh đăo leh kơ Krist Yêsu, čiăng dưi mâo klei yap kpă hŏng klei đăo kơ Krist, amâo djŏ hŏng bruă tui si klei bhiăn ôh, kyuadah arăng amâo dưi mâo ôh klei yap kpă hŏng bruă tui si klei bhiăn.

Galati 3:25

Ƀiădah kyuadah klei đăo truh leh, drei amâo lŏ dôk ti gŭ pô mtô kiă kriê anăn ôh.

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Philip 3:9

leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;

Kôlôs 1:20

Leh anăn hŏng Anak êkei Ñu, Aê Diê bi grăng leh kơ Ñu pô jih jang mnơ̆ng, thâodah ti lăn ala amâodah hlăm adiê, brei klei êđăp ênang truh kyua êrah Anak êkei Ñu tuh leh ti kyâo bi kal.

Kôlôs 3:15

Brei klei êđăp ênang Krist kiă kriê hlăm ai tiê diih. Kơ klei anăn Aê Diê iêô leh diih hlăm sa asei mlei. Leh anăn brei diih thâo hdơr knga.

I Têsalônik 5:23

Akâo kơ Aê Diê pô jing akŏ kơ klei êđăp ênang bi doh jăk diih kluôm ênŭm; leh anăn akâo kơ Ñu mgang pioh mngăt, ai mĭn, leh anăn asei mlei diih amâo mâo klei ƀuah ôh ti hruê Khua Yang drei Yêsu Krist srăng lŏ hriê.

II Têsalônik 3:16

Akâo kơ Khua Yang klei êđăp ênang brei kơ diih klei êđăp ênang nanao hlăm jih jang klei. Brei Khua Yang dôk mbĭt hŏng jih jang diih.

Hêbrơ 13:20

Ară anei brei Aê Diê klei êđăp ênang, Pô lŏ bi hdĭp leh Khua Yang drei Yêsu mơ̆ng phung djiê, mgăt khua kơ phung biăp, hŏng êrah klei bi mguôp hlŏng lar,