Hră Y-Pôl Mơĭt kơ Phung Rôm 4:6 - Klei Aê Diê Blŭ 2015

⁶ Msĕ snăn mơh Y-Đawit blŭ klei hơêč hmưi klei jăk jĭn kơ mnuih Aê Diê yap kpă amâo djŏ hŏng bruă ôh:

Hră Y-Pôl Mơĭt kơ Phung Rôm 4:6 Iomraidhean Croise

Klei Mmuñ Hđăp 112:1

Bi mni kơ Yêhôwa. Jăk mơak yơh pô thâo huĭ mpŭ kơ Yêhôwa, leh anăn khăp gưt klei Ñu mtă.

Y-Êsai 54:17

Amâo mâo ôh sa mnơ̆ng bi blah arăng mkra čiăng ngă kơ ih srăng dưi, ih srăng dưi hŏng grăp êlah blŭ kđi bi kdơ̆ng hŏng ih. Klei anei yơh jing ngăn dưn kơ phung dĭng buăl Yêhôwa, leh anăn klei kpă ênô diñu mâo mơ̆ng Kâo,” Yêhôwa lač.

Y-Yêrêmi 22:6

Kyuadah snei Yêhôwa lač djŏ kơ sang mtao Yuđa: ‘Ih jing kơ Kâo msĕ si čar Galaat, msĕ si čŏng čư̆ čar Liƀan, ƀiădah sĭt nik Kâo srăng mjing ih kdrăn tač, leh anăn ƀuôn amâo mâo mnuih dôk ôh.

Y-Yêrêmi 33:16

Hlăm hruê anăn čar Yuđa srăng tlaih, leh anăn ƀuôn Yêrusalem srăng dôk hŏng klei hơĭt. Leh anăn anei anăn arăng srăng pia kơ ƀuôn anăn: Yêhôwa Klei Kpă Ênô Drei.’

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Y-Mathiơ 25:19

Sui hruê êdei khua phung dĭng buăl anăn lŏ wĭt leh anăn ñu brei digơ̆ tĭng.

Hră Y-Pôl Mơĭt kơ Phung Rôm 1:17

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

Hră Y-Pôl Mơĭt kơ Phung Rôm 3:27

Snăn si dưi bi mni kơ pô? Amâo dưi ôh! Hŏng ya klei bhiăn? Hŏng klei bhiăn bruă ngă mơ̆? Hơăi, amâo djŏ ôh, ƀiădah kyua klei drei đăo.

Hră Y-Pôl Mơĭt kơ Phung Rôm 4:11

Ñu tŭ leh klei khăt klĭt jing klei bi knăl amâodah mnơ̆ng kđăm klei kpă ênô ñu mâo leh hŏng klei đăo êjai ñu ka khăt klĭt ôh. Klei anăn čiăng mjing ñu ama kơ jih jang hlei pô đăo amâo mâo khăt klĭt ôh, leh anăn msĕ snăn digơ̆ mă tŭ leh klei Aê Diê yap kpă.

Hră Y-Pôl Mơĭt kơ Phung Rôm 4:24

ƀiădah wăt kơ phung drei msĕ mơh. Klei đăo msĕ snăn Aê Diê srăng yap jing klei kpă ênô wăt kơ drei mơh, phung đăo kơ Pô bi kbiă lŏ hdĭp leh Yêsu Khua Yang drei mơ̆ng phung djiê.

Hră Y-Pôl Mơĭt kơ Phung Rôm 4:5

Bi kơ pô amâo ngă bruă ôh, ƀiădah knang kơ Pô yap kpă mnuih soh, klei ñu đăo arăng yap jing klei kpă.

Hră Y-Pôl Mơĭt kơ Phung Rôm 4:7

“Jăk mơak yơh phung Aê Diê pap brei leh kơ klei wê diñu, leh anăn guôm klei soh diñu leh.

Hră Y-Pôl Mơĭt kơ Phung Rôm 4:9

Djŏ mơ̆ klei hơêč hmưi klei jăk jĭn anăn knŏng kơ phung khăt klĭt, amâodah wăt kơ phung amâo khăt klĭt? Drei lač Aê Diê yap klei Y-Abraham đăo jing klei kpă kơ ñu.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Galati 3:14

čiăng kơ klei jăk jĭn Aê Diê ƀuăn leh kơ Y-Abraham dưi truh kơ phung tue hlăm Krist Yêsu, snăn drei dưi mă tŭ hŏng klei đăo klei Aê Diê ƀuăn leh jing Yang Mngăt Jăk.

Galati 4:15

Ti lei klei jăk mơak diih mâo leh? Kyuadah kâo hưn bi sĭt kơ diih snei: Hlăk anăn tơdah dưi, diih čiăng ƀlêč ală diih pô leh anăn brei kơ kâo.

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

Klei Mtô Mñă Klei Bhiăn 33:29

Hơ̆k mơak yơh ih, Ơ Israel! Hlei pô jing msĕ si ih, sa phung ƀuôn sang Yêhôwa bi mtlaih leh? Ñu jing khil kăp dŏng ih, leh anăn jing đao gưm brei klei dưi kdrưh kơang kơ ih! Phung roh ih srăng hriê hŏng klei bin buôn ti anăp ih, leh anăn ih srăng juă anôk dlông diñu.”

Philip 3:9

leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Y-Yakơ 2:18

Ƀiădah arăng srăng lač, “Ih mâo klei đăo, leh anăn kâo mâo bruă bi êdah.” Anei klei kâo lač, “Bi êdah bĕ kơ kâo klei ih đăo amâo mâo bruă, leh anăn kâo srăng bi êdah kơ ih klei kâo đăo hlăm bruă kâo ngă.”

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.