Hră Y-Pôl Mơĭt kơ Phung Rôm 4:25 - Klei Aê Diê Blŭ 2015

²⁵ Aê Diê jao Gơ̆ leh kơ klei djiê kyua klei soh drei, leh anăn Ñu bi kbiă lŏ hdĭp Gơ̆ leh čiăng yap drei kpă.

Hră Y-Pôl Mơĭt kơ Phung Rôm 4:25 Iomraidhean Croise

Y-Êsai 53:4

Sĭt nik Ñu klam leh klei ruă duam drei, Ñu gui leh klei ênguôt hnĭng drei, ƀiădah drei yap Ñu msĕ si Pô Aê Diê bi kmhal, Pô Aê Diê čăm leh anăn bi knap.

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Y-Đaniel 9:26

Leh tloh năm pluh dua hruê kăm anăn, arăng srăng bi mdjiê hĕ Pô arăng trôč êa ƀâo mngưi, leh anăn gơ̆ amâo srăng mâo mnơ̆ng ôh. Leh anăn phung ƀuôn sang khua srăng truh êdei srăng bi rai hĕ ƀuôn leh anăn adŭ doh jăk. Ti knhal tuč êa lip srăng bi rai ñu, leh anăn srăng mâo klei bi blah tơl knhal tuč; Aê Diê čuăn leh klei ênguôl srăng truh.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

Hră Y-Pôl Mơĭt kơ Phung Rôm 3:25

Aê Diê čuăn leh Yêsu Krist brei Ñu jing mnơ̆ng bi tui klei soh hŏng êrah Ñu, čiăng kơ arăng mă tŭ hŏng klei đăo. Klei anăn čiăng bi êdah klei kpă ênô Aê Diê, kyuadah hŏng klei gĭr Ñu lui amâo bi kmhal ôh klei soh arăng ngă êlâo tinăn.

Hră Y-Pôl Mơĭt kơ Phung Rôm 5:18

Snăn kyua klei sa čô mnuih ngă soh bi truh klei bi kmhal kơ jih jang mnuih, msĕ snăn mơh sa mta bruă kpă sa čô mnuih ngă bi truh klei yap kpă leh anăn klei hdĭp kơ jih jang mnuih.

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

I Kôrantô 15:17

Tơdah Krist amâo lŏ hdĭp ôh, klei diih đăo jing hơăi mang leh anăn diih ăt dôk hlăm klei soh diih.

II Kôrantô 5:15

Ñu djiê kyua jih jang, čiăng kơ phung dôk hdĭp amâo srăng lŏ dôk hdĭp kơ diñu pô ôh, ƀiădah kơ Pô djiê leh anăn kbiă lŏ hdĭp leh kyua diñu.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Galati 1:4

Pô jao leh Ñu pô kyua klei soh drei, čiăng bi mtlaih drei mơ̆ng ênuk soh jhat anei, tui si klei Aê Diê Ama drei čiăng,

Galati 2:20

Arăng pơ̆ng leh kâo ti kyâo bi kal mbĭt hŏng Krist; snăn amâo djŏ ôh kâo pô dôk hdĭp, ƀiădah Krist dôk hdĭp hlăm kâo. Leh anăn klei kâo dôk hdĭp hlăm kđeh ară anei, jing kâo dôk hdĭp hŏng klei đăo kơ Anak Aê Diê, Pô khăp kơ kâo leh anăn jao leh Ñu pô kyua kâo.

Galati 3:13

Krist bi tui leh drei mơ̆ng klei tăm pah kbiă hriê mơ̆ng klei bhiăn, kyuadah Ñu jing leh pô arăng tăm pah kyua drei — kyuadah Klei Aê Diê Blŭ čih leh, “Tăm pah hĕ kơ pô arăng pơ̆ng ti sa ƀĕ kyâo” —

Êphêsô 5:2

Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

Hêbrơ 8:3

Kyuadah Aê Diê mdưm grăp čô khua ngă yang prŏng pioh myơr mnơ̆ng brei leh anăn mnơ̆ng ngă yang; kyuanăn jing yuôm kơ khua ngă yang anei mâo mnơ̆ng myơr msĕ mơh.

Hêbrơ 9:28

msĕ snăn mơh Krist myơr leh Ñu pô sa blư̆ čiăng klam klei soh lu mnuih srăng lŏ bi êdah tal dua, amâo lŏ ngă bruă hŏng klei soh ôh, ƀiădah čiăng bi mtlaih phung hur har dôk guôn Ñu.

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

I Y-Yôhan 2:2

Ñu jing Pô bi tui klei soh drei, leh anăn amâo djŏ knŏng kơ klei soh drei ôh, ƀiădah wăt kơ klei soh jih lăn ala.

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,

Klei Bi Êdah 5:9

Diñu mmuñ sa klei mmuñ mrâo snei, “Ih mâo klei năng mă hdruôm hră klĭt anăn leh anăn ruh mnơ̆ng kđăm, kyuadah arăng bi mdjiê Ih leh, leh anăn hŏng êrah Ih Pô Ih bi tui leh phung mnuih kơ Aê Diê mơ̆ng jih jang krĭng, jih jang klei blŭ, jih jang ƀuôn sang, leh anăn jih jang găp djuê mnuih.

Klei Bi Êdah 7:14

Kâo lač kơ Ñu, “Ơ Khua, ih yơh thâo.” Ñu lač kơ kâo, “Phung anei kbiă hriê mơ̆ng klei knap mñai prŏng. Diñu boh leh anăn bi kô̆ leh ao jhung diñu hŏng êrah Êđai Biăp.