Hră Y-Pôl Mơĭt kơ Phung Rôm 4:18 - Klei Aê Diê Blŭ 2015

¹⁸ Y-Abraham đăo leh anăn čang hmăng wăt êjai amâo mâo klei dưi čang hmăng ôh, čiăng kơ ñu dưi jing ama kơ lu phung găp djuê mnuih, tui si Aê Diê blŭ leh kơ ñu, “Phung anak čô ih srăng jing msĕ snăn yơh.”

Hră Y-Pôl Mơĭt kơ Phung Rôm 4:18 Iomraidhean Croise

Klei Bi Hriêng 13:12

Klei bi kdung klei čang hmăng bi ruă ai tiê, ƀiădah klei čang hmăng truh leh jing sa ƀĕ kyâo klei hdĭp.

Y-Êsêkiêl 37:11

Leh anăn Ñu lač kơ kâo, “Ơ anak mnuih, klang anei jing kluôm sang Israel. Nĕ anei, diñu lač, ‘Klang drei jing krô leh, leh anăn klei drei čang hmăng luč leh; arăng bi luč hĕ drei leh.’

Y-Luk 1:18

Y-Sakari lač kơ dĭng buăl jăk, “Si kâo srăng thâo klei anăn? Kyuadah kâo mduôn leh, leh anăn mô̆ kâo mduôn leh mơh.”

Bruă Phung Khua Ƀĭng Kna 27:25

Kyuanăn, Ơ phung ayŏng adei, đăm êdu ai ôh, kyuadah kâo đăo kơ Aê Diê srăng bi sĭt klei Ñu lač leh kơ kâo.

Hră Y-Pôl Mơĭt kơ Phung Rôm 4:17

Klei anăn djŏ tui si Klei Aê Diê Blŭ čih leh, “Kâo mjing ih leh ama kơ lu phung găp djuê mnuih.” Snăn klei ƀuăn anăn rơ̆ng pioh sĭt ti anăp Aê Diê Pô ñu đăo, Pô brei klei hdĭp kơ phung djiê, leh anăn mtă brei jing mnơ̆ng mơ̆ng mnơ̆ng ka jing ôh.

Hră Y-Pôl Mơĭt kơ Phung Rôm 4:19

Ñu amâo jing awăt ôh hlăm klei đăo tơdah ñu ksiêm kơ asei mlei ñu pô giăm djiê kyuadah ñu mâo leh sa êtuh thŭn, leh anăn ksiêm klei H'Sara jing mniê plao.

Hră Y-Pôl Mơĭt kơ Phung Rôm 5:5

leh anăn klei čang hmăng amâo bi hêñ drei ôh, kyuadah klei Aê Diê khăp tuh leh hlăm ai tiê drei hŏng Yang Mngăt Jăk Pô Aê Diê brei leh kơ drei.

Hră Y-Pôl Mơĭt kơ Phung Rôm 8:24

Kyuadah hlăm klei čang hmăng yơh drei tlaih leh. Tơdah ƀuh leh klei čang hmăng, amâo lŏ jing klei čang hmăng ôh. Kyuadah hlei pô tuôm čang hmăng kơ mnơ̆ng ñu ƀuh leh?

Hêbrơ 6:19

Drei mâo leh klei čang hmăng anăn jing msĕ si msei ktrŏ sĭt leh anăn kjăp kơ̆ng mngăt drei, klei čang hmăng anăn găn leh čhiăm păng mŭt leh nah dih hlăm adŭ doh jăk hlăm sang yang.