Hră Y-Pôl Mơĭt kơ Phung Rôm 4:17 - Klei Aê Diê Blŭ 2015

¹⁷ Klei anăn djŏ tui si Klei Aê Diê Blŭ čih leh, “Kâo mjing ih leh ama kơ lu phung găp djuê mnuih.” Snăn klei ƀuăn anăn rơ̆ng pioh sĭt ti anăp Aê Diê Pô ñu đăo, Pô brei klei hdĭp kơ phung djiê, leh anăn mtă brei jing mnơ̆ng mơ̆ng mnơ̆ng ka jing ôh.

Hră Y-Pôl Mơĭt kơ Phung Rôm 4:17 Iomraidhean Croise

Klei Mphŭn Dơ̆ng 17:16

Kâo srăng brei klei jăk jĭn kơ ñu, leh anăn Kâo srăng brei ñu kkiêng sa čô anak êkei kơ ih. Kâo srăng brei klei jăk jĭn kơ ñu; ñu srăng jing amĭ kơ lu phung găp djuê mnuih; phung mtao kơ phung găp djuê srăng kbiă mơ̆ng ñu.”

Klei Mphŭn Dơ̆ng 17:20

Bi kơ Y-Ismaêl, Kâo hmư̆ klei ih lač leh. Nĕ anei, Kâo srăng brei klei jăk jĭn kơ ñu, leh anăn Kâo srăng bi lar phung anak čô ñu lu snăk. Ñu srăng jing ama kơ pluh dua čô anak mtao; leh anăn Kâo srăng brei ñu jing sa găp djuê prŏng.

Klei Mphŭn Dơ̆ng 28:3

Brei Aê Diê, Pô Mâo Jih Klei Myang, brei klei jăk jĭn kơ ih leh anăn bi lar êngŭm ih, čiăng kơ ih srăng jing sa phung ƀuôn sang lu.

Y-Êsai 43:6

Kâo srăng lač kơ dưr, ‘Brei bĕ’, leh anăn kơ dhŭng, ‘Đăm kơ̆ng pioh ôh’. Atăt ba bĕ phung anak êkei Kâo hriê mơ̆ng kbưi, leh anăn phung anak mniê Kâo mơ̆ng knhal lăn ala,

Y-Êsai 44:7

Hlei pô jing msĕ si Kâo? Brei ñu hưn klei anăn, leh anăn bi êdah klei anăn kơ Kâo jih klei truh dơ̆ng mơ̆ng ênuk Kâo mdưm phung ƀuôn sang hđăp Kâo, leh anăn klei srăng truh. Brei diñu hưn ya klei srăng truh.

Y-Êsai 48:13

Kngan Kâo pô dưm leh atur lăn ala, leh anăn kngan hnuă Kâo mblang leh adiê. Tơdah Kâo iêô diñu, diñu kgŭ dơ̆ng mđrăm mbĭt.

Y-Êsai 49:12

Nĕ phung anei srăng hriê mơ̆ng kbưi, mơ̆ng dưr leh anăn mơ̆ng yŭ, phung mkăn mơ̆ng čar Sinim.”

Y-Êsai 51:2

Brei diih dlăng kơ Y-Abraham ama diih, leh anăn kơ H'Sara pô kkiêng kơ diih. Tơdah Kâo iêô ñu leh, êjai ñu dôk hjăn, Kâo hơêč hmưi kơ ñu, leh anăn brei ñu jing lar.

Y-Êsai 55:12

Kyuadah diih srăng kbiă nao hŏng klei hơ̆k, leh anăn arăng srăng atăt diih hŏng klei êđăp ênang; čư̆ leh anăn kbuôn srăng bi kčaĭ klei mmuñ ti anăp diih, leh anăn jih jang ana kyâo hlăm dliê srăng pah kngan.

Y-Mathiơ 3:9

leh anăn đăm hưn ktưn leh anăn lač, ‘Hmei mâo leh Y-Abraham jing aê hmei,’ kyuadah kâo hưn kơ diih Aê Diê dưi bi kbiă phung anak čô kơ Y-Abraham mơ̆ng phung boh tâo anei.

Y-Yôhan 5:21

Kyuadah msĕ si Ama bi kbiă lŏ hdĭp phung djiê leh anăn brei klei hdĭp kơ diñu, msĕ snăn mơh Anak brei klei hdĭp kơ hlei pô gơ̆ čiăng.

Y-Yôhan 5:25

Kâo lač kơ diih klei sĭt nik, mông giăm truh leh anăn truh leh, tơdah phung djiê srăng hmư̆ asăp Anak Aê Diê; leh anăn phung hmư̆ asăp Gơ̆ srăng hdĭp.

Y-Yôhan 6:63

Mngăt Myang yơh jing Pô brei klei hdĭp, kđeh amâo yuôm ôh; klei Kâo blŭ leh kơ diih jing Mngăt Myang leh anăn klei hdĭp.

Bruă Phung Khua Ƀĭng Kna 15:18

Snăn Khua Yang lač, Pô brei arăng thâo klei anei mơ̆ng ênuk đưm.’

Hră Y-Pôl Mơĭt kơ Phung Rôm 3:29

Amâodah Aê Diê jing Aê Diê knŏng kơ phung Yuđa mơ̆? Amâo djŏ hĕ Ñu jing Aê Diê wăt kơ phung tue msĕ mơh? Ơ̆, Ñu jing Aê Diê wăt kơ phung tue mơh,

Hră Y-Pôl Mơĭt kơ Phung Rôm 4:18

Y-Abraham đăo leh anăn čang hmăng wăt êjai amâo mâo klei dưi čang hmăng ôh, čiăng kơ ñu dưi jing ama kơ lu phung găp djuê mnuih, tui si Aê Diê blŭ leh kơ ñu, “Phung anak čô ih srăng jing msĕ snăn yơh.”

Hră Y-Pôl Mơĭt kơ Phung Rôm 4:2

Tơdah Y-Abraham mâo klei yap kpă hŏng bruă ñu ngă, ñu mâo klei dưi bi mni kơ ñu pô. Ƀiădah ñu amâo dưi ôh mni kơ ñu pô ti anăp Aê Diê.

Hră Y-Pôl Mơĭt kơ Phung Rôm 8:11

Tơdah Yang Mngăt Jăk mơ̆ng Pô bi kbiă lŏ hdĭp leh Yêsu mơ̆ng phung djiê dôk hlăm diih, Pô bi kbiă lŏ hdĭp leh Yêsu Krist mơ̆ng phung djiê srăng bi kbiă lŏ hdĭp asei mlei thâo djiê diih msĕ mơh hŏng Yang Mngăt Jăk dôk hlăm diih.

Hră Y-Pôl Mơĭt kơ Phung Rôm 9:11

wăt tơdah dua čô anak ka kkiêng ôh, leh anăn diñu ka tuôm ngă jăk amâodah jhat ôh, čiăng kơ klei Aê Diê čuăn ruah dưi bi sĭt,

Hră Y-Pôl Mơĭt kơ Phung Rôm 9:26

Leh anăn hlăm anôk Aê Diê lač kơ digơ̆, ‘Diih amâo jing phung ƀuôn sang Kâo ôh,’ digơ̆ srăng jing ‘Phung anak Aê Diê hdĭp.’ ”

I Kôrantô 1:28

Aê Diê ruah leh mnơ̆ng amâo yuôm leh anăn mnơ̆ng arăng bi êmut ti lăn ala, wăt mnơ̆ng amâo jing ôh, čiăng bi mjing hơăi mang mnơ̆ng jing leh,

I Kôrantô 15:45

Snei Klei Aê Diê Blŭ čih leh, “Mnuih tal êlâo Y-Ađam jing mngăt hdĭp; Y-Ađam knhal tuč jing mngăt brei klei hdĭp.”

I Y-Timôthê 6:13

Ti anăp Aê Diê, Pô brei klei hdĭp kơ jih jang mnơ̆ng, leh anăn ti anăp Krist Yêsu, Pô hưn jăk kơ klei đăo ti anăp Pôns Pilat, kâo mtă kơ ih,

Hêbrơ 11:12

Kyuanăn mơ̆ng sa čô mnuih giăm kơ klei djiê leh, kbiă hriê sa phung anak čô lu msĕ si mtŭ hlăm adiê, leh anăn msĕ si čuah ti hang êa ksĭ amâo dưi yap ôh.

Hêbrơ 11:3

Hŏng klei đăo drei thâo săng kơ Aê Diê hrih leh lăn adiê hŏng klei Ñu blŭ, snăn mnơ̆ng dưi ƀuh Aê Diê mjing mơ̆ng mnơ̆ng amâo dưi ƀuh ôh.

Hêbrơ 11:7

Hŏng klei đăo Y-Nôê gưt leh anăn ngă sa boh kŭmpăn čiăng bi mtlaih sang ñu, leh Aê Diê hưn kơ ñu kơ klei srăng truh ka arăng tuôm ƀuh ôh. Hŏng klei ngă snăn ñu phat kđi lăn ala leh anăn jing pô dưn klei kpă ênô truh kyua klei đăo.

I Y-Pêtrôs 2:10

Mphŭn dô diih amâo jing sa phung ƀuôn sang ôh, ƀiădah ară anei diih jing leh phung ƀuôn sang Aê Diê. Mphŭn dô diih amâo tuôm mă tŭ ôh klei Aê Diê pap, ƀiădah ară anei diih mă tŭ leh klei pap anăn.

II Y-Pêtrôs 3:8

Ƀiădah Ơ phung kâo khăp, đăm wơr bĭt ôh klei anei, ti anăp Khua Yang, sa hruê jing msĕ si sa êbâo thŭn, leh anăn sa êbâo thŭn jing msĕ si sa hruê.