Hră Y-Pôl Mơĭt kơ Phung Rôm 4:11 - Klei Aê Diê Blŭ 2015

¹¹ Ñu tŭ leh klei khăt klĭt jing klei bi knăl amâodah mnơ̆ng kđăm klei kpă ênô ñu mâo leh hŏng klei đăo êjai ñu ka khăt klĭt ôh. Klei anăn čiăng mjing ñu ama kơ jih jang hlei pô đăo amâo mâo khăt klĭt ôh, leh anăn msĕ snăn digơ̆ mă tŭ leh klei Aê Diê yap kpă.

Hră Y-Pôl Mơĭt kơ Phung Rôm 4:11 Iomraidhean Croise

Klei Mphŭn Dơ̆ng 17:24

Y-Abraham mâo dua păn pluh dua păn thŭn tơdah arăng khăt klĭt ñu.

Klei Mmuñ Hđăp 47:9

Phung khua kiă kriê phung ƀuôn sang bi kƀĭn mđrăm mbĭt jing phung ƀuôn sang pioh kơ Aê Diê Y-Abraham. Kyuadah khil phung kahan bi blah jih lăn ala jing dŏ Aê Diê. Ñu mâo klei mpŭ ti dlông hĭn.

Klei Kbiă 12:13

Êrah srăng jing klei bi knăl kơ diih ti sang diih dôk. Tơdah Kâo ƀuh êrah, Kâo srăng găn ti dlông diih, leh anăn amâo srăng mâo klei ruă tưp bi rai diih ôh hlăk Kâo ngă kơ čar Êjip.

Klei Kbiă 31:13

“Blŭ bĕ kơ phung ƀuôn sang Israel, ‘Brei diih hdơr pioh jih jang hruê sabat Kâo, kyuadah klei anăn jing klei bi knăl Kâo hŏng diih hlăm jih jang ênuk diih, čiăng kơ diih dưi thâo kơ Kâo jing Yêhôwa, Pô bi doh jăk diih.

Klei Kbiă 31:17

Klei anăn jing klei bi knăl Kâo hŏng phung ƀuôn sang Israel hlŏng lar, kyuadah hlăm năm hruê Yêhôwa hrih adiê leh anăn lăn ala, leh anăn ti hruê tal kjuh Ñu mdei bruă Ñu mơ̆ng jih.’ ”

Y-Êsêkiêl 20:12

Leh anăn Kâo brei kơ diñu hruê sabat Kâo jing sa klei bi knăl hdơ̆ng Kâo hŏng diñu, čiăng kơ diñu thâo kơ Kâo gơ̆ Yêhôwa pioh brei diñu jing doh jăk.

Y-Êsêkiêl 20:20

leh anăn hdơr mpŭ kơ hruê sabat Kâo čiăng hruê sabat dưi jing sa klei bi knăl hdơ̆ng Kâo hŏng diih, čiăng kơ diih dưi thâo Kâo jing Yêhôwa Aê Diê diih.’

Y-Mathiơ 16:16

Y-Simôn Pêtrôs lŏ wĭt lač, “Ih jing Yang Krist, Anak Aê Diê hdĭp.”

Y-Mathiơ 8:11

Kâo hưn kơ diih, mâo lu mnuih srăng hriê mơ̆ng ngŏ mơ̆ng yŭ leh anăn dôk gŭ kơ klei huă mnăm mbĭt hŏng Y-Abraham, Y-Isăk, leh anăn Y-Yakôp hlăm ƀuôn ala mtao adiê,

Y-Luk 19:9

Yêsu lač kơ ñu, “Hruê anei klei bi mtlaih truh leh kơ sang anei, kyuadah pô anei msĕ mơh jing sa čô anak êkei Y-Abraham.

Y-Yôhan 3:33

Hlei pô tŭ klei Ñu hưn, bi sĭt kơ Aê Diê jing sĭt.

Y-Yôhan 3:36

Hlei pô đăo kơ Anak mâo leh klei hdĭp hlŏng lar; hlei pô amâo gưt kơ Anak amâo srăng ƀuh ôh klei hdĭp, ƀiădah klei Aê Diê ngêñ dôk leh ti ñu.

Y-Yôhan 6:35

Yêsu lač kơ digơ̆, “Kâo jing kpŭng klei hdĭp; hlei pô hriê kơ Kâo amâo srăng tuôm êpa, leh anăn hlei pô đăo kơ Kâo amâo srăng tuôm mhao ôh.

Y-Yôhan 6:40

Kyuadah snei klei Ama Kâo čiăng: brei grăp čô hlei pô ƀuh Anak leh anăn đăo kơ Ñu srăng mâo klei hdĭp hlŏng lar; leh anăn Kâo srăng bi kbiă lŏ hdĭp digơ̆ ti hruê knhal tuč êdei.”

Y-Yôhan 6:47

Kâo lač kơ diih klei sĭt nik, hlei pô đăo mâo leh klei hdĭp hlŏng lar.

Y-Yôhan 8:33

Digơ̆ lŏ wĭt lač kơ Yêsu, “Hmei jing phung anak čô Y-Abraham, leh anăn hmei amâo tuôm jing hlŭn arăng ôh. Si klei ih lač, ‘Arăng srăng bi êngiê diih’?”

Hră Y-Pôl Mơĭt kơ Phung Rôm 10:11

Klei Aê Diê Blŭ čih, “Hlei pô đăo kơ Ñu amâo srăng luč klei čang hmăng ôh.”

Hră Y-Pôl Mơĭt kơ Phung Rôm 10:4

Kyuadah Krist bi ruê̆ klei bhiăn, čiăng bi mâo klei kpă ênô kơ jih jang hlei pô đăo.

Hră Y-Pôl Mơĭt kơ Phung Rôm 10:6

Ƀiădah klei kpă ênô kbiă hriê mơ̆ng klei đăo lač snei, Đăm lač ôh hlăm ai tiê ih, “Hlei srăng đĭ nao kơ adiê?” (jing klei čiăng brei Krist trŭn)

Hră Y-Pôl Mơĭt kơ Phung Rôm 3:22

jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

Hră Y-Pôl Mơĭt kơ Phung Rôm 3:26

Klei Ñu gĭr anăn čiăng bi êdah ênuk anei klei Ñu pô jing kpă leh anăn klei Ñu yap kpă hlei pô đăo kơ Yêsu.

Hră Y-Pôl Mơĭt kơ Phung Rôm 3:30

kyuadah mâo knŏng sa čô Aê Diê. Ñu srăng yap kpă phung khăt klĭt hŏng klei đăo leh anăn phung amâo khăt klĭt hŏng klei đăo anăn mơh.

Hră Y-Pôl Mơĭt kơ Phung Rôm 4:10

Snăn hbĭl Aê Diê yap klei anăn kơ ñu, êlâo kơ ñu khăt klĭt mơ̆, amâodah êdei kơ ñu khăt klĭt? Amâo djŏ ôh êdei, ƀiădah êlâo kơ ñu khăt klĭt.

Hră Y-Pôl Mơĭt kơ Phung Rôm 9:30

Snăn ya drei srăng lač lĕ? Phung tue amâo tuôm tui duah ôh klei kpă ênô mâo leh klei kpă ênô, anăn jing klei kpă ênô mơ̆ng klei đăo.

Hră Y-Pôl Mơĭt kơ Phung Rôm 9:33

tui si Klei Aê Diê Blŭ čih leh, “Nĕ anei, Kâo dưm hlăm ƀuôn Siôn sa klŏ boh tâo srăng bi têč hnêč lu mnuih, sa klŏ boh tâo srăng bi êbuh diñu; ƀiădah hlei pô đăo kơ ñu amâo srăng luč klei čang hmăng ôh.”

Hră Y-Pôl Mơĭt kơ Phung Rôm 9:6

Lač snăn, amâo djŏ ôh klei Aê Diê blŭ jing hơăi mang. Kyuadah jih jang kbiă hriê mơ̆ng phung Israel amâo jing phung Israel sĭt ôh.

II Kôrantô 1:22

Ñu kđăm leh hmei, leh anăn brei leh kơ hmei Yang Mngăt Jăk Ñu dôk hlăm ai tiê hmei jing mnơ̆ng ƀuăn.

Galati 3:22

Ƀiădah Klei Aê Diê Blŭ hưn jih jang mnuih dôk ti gŭ klei myang klei soh, čiăng kơ hŏng klei đăo kơ Yêsu Krist, klei Aê Diê ƀuăn dưi brei kơ phung đăo.

Galati 3:29

Leh anăn tơdah diih jing dŏ Krist, diih jing phung čô čĕ Y-Abraham, jing phung dưn ngăn tui si klei ƀuăn.

Galati 3:7

Snăn, brei diih thâo săng phung mâo klei đăo yơh jing phung anak čô Y-Abraham sĭt.

Galati 5:5

Kyuadah hlăm Yang Mngăt Jăk hŏng klei đăo drei dôk guôn klei čang hmăng kơ klei yap kpă.

Galati 6:16

Brei klei êđăp ênang leh anăn klei pap dôk mbĭt hŏng jih jang phung êbat hlăm klei bhiăn anei, leh anăn wăt kơ phung Israel Aê Diê.

Êphêsô 1:13

Hlăm Krist diih msĕ mơh, tơdah hmư̆ leh klei blŭ klei sĭt nik, jing klei mrâo mrang jăk kơ klei bi mtlaih diih, đăo leh kơ Ñu, leh anăn Aê Diê kđăm leh diih hŏng Yang Mngăt Jăk Ñu ƀuăn leh.

Êphêsô 4:30

Đăm bi ênguôt Yang Mngăt Jăk Aê Diê ôh, Ñu yơh kđăm leh diih pioh kơ hruê bi tui.

Klei Mtô Mñă Klei Bhiăn 30:6

Yêhôwa, Aê Diê diih srăng khăt klĭt ai tiê diih leh anăn ai tiê phung anak diih, snăn kơh diih srăng khăp kơ Yêhôwa, Aê Diê diih hŏng jih ai tiê diih leh anăn jih mngăt diih, čiăng kơ diih dưi hdĭp.

Philip 3:9

leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;

Hêbrơ 11:7

Hŏng klei đăo Y-Nôê gưt leh anăn ngă sa boh kŭmpăn čiăng bi mtlaih sang ñu, leh Aê Diê hưn kơ ñu kơ klei srăng truh ka arăng tuôm ƀuh ôh. Hŏng klei ngă snăn ñu phat kđi lăn ala leh anăn jing pô dưn klei kpă ênô truh kyua klei đăo.

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

Klei Bi Êdah 9:4

Arăng mtă kơ diñu đăm ngă jhat ôh kơ rơ̆k ti lăn ala amâodah mnơ̆ng mtah amâodah kơ ana kyâo, ƀiădah knŏng ngă kơ phung mnuih amâo mâo ôh mnơ̆ng kđăm Aê Diê ti adhei digơ̆.