Hră Y-Pôl Mơĭt kơ Phung Rôm 3:9 - Klei Aê Diê Blŭ 2015

⁹ Si ngă snăn? Phung Yuđa hmei jing jăk hĭn kơ phung mkăn mơ̆? Hơăi, amâo mâo ôh! Kyuadah kâo bi êdah sĭt leh kơ jih jang mnuih, phung Yuđa wăt phung Grĕk, dôk ti gŭ klei myang klei soh sơăi,

Hră Y-Pôl Mơĭt kơ Phung Rôm 3:9 Iomraidhean Croise

Klei Bi Hriêng 20:9

Hlei dưi lač, “Kâo djă pioh leh ai tiê kâo doh, kâo doh jăk leh amâo mâo klei soh ôh?”

Y-Êsai 65:5

Diñu lač, ‘Ñĕ bĕ ih, đăm hriê giăm kâo ôh, kyuadah kâo jing doh jăk hĭn kơ ih.’ Phung anăn jing msĕ si săp pui hlăm ƀăng adŭng Kâo, msĕ si pui dôk trơ̆ng jih hruê.

Y-Luk 7:39

Êkei Pharisi pô jak Yêsu ƀuh klei anăn, ñu mĭn snei, “Tơdah êkei anei jing sa čô khua pô hưn êlâo, ñu thâo kral leh hlei mniê pô ruêh ñu anei leh anăn si gơ̆ jing, kyuadah gơ̆ jing sa čô mniê soh.”

Hră Y-Pôl Mơĭt kơ Phung Rôm 1:18

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 11:32

Kyuadah Aê Diê brei leh jih jang mnuih jing mnă kơ klei amâo gưt asăp, čiăng kơ Ñu dưi pap brei kơ jih jang.

Hră Y-Pôl Mơĭt kơ Phung Rôm 11:7

Si ngă snăn? Klei phung Israel duah, diñu amâo dưi mâo ôh. Ƀiădah phung Aê Diê ruah mâo leh klei anăn, ƀiădah phung mkăn Aê Diê bi khăng leh ai tiê diñu,

Hră Y-Pôl Mơĭt kơ Phung Rôm 2:1

Kyuanăn, Ơ mnuih, măng ai hlei ih jing, tơdah ih phat kđi arăng, ih amâo dưi mgang ih pô ôh. Kyuadah êjai ih phat kđi arăng, ih bi kmhal ih pô yơh; kyuadah ih jing pô phat kđi ƀiădah ngă msĕ.

Hră Y-Pôl Mơĭt kơ Phung Rôm 3:1

Snăn ya klei jăk hĭn phung Yuđa mâo hŏng phung tue? Amâodah ya yuôm klei khăt klĭt?

Hră Y-Pôl Mơĭt kơ Phung Rôm 3:19

Drei thâo leh ya klei bhiăn lač, gơ̆ lač kơ phung dôk ti gŭ klei bhiăn, čiăng kơ jih jang ƀăng êgei dôk kriêp, leh anăn jih jang mnuih ti lăn ala srăng dôk ti gŭ klei Aê Diê phat kđi.

Hră Y-Pôl Mơĭt kơ Phung Rôm 3:5

Ƀiădah tơdah klei wê drei bi êdah klei kpă Aê Diê, ya drei srăng lač lĕ? Aê Diê wê mơ̆ tơdah Ñu bi kmhal drei? (Kâo blŭ msĕ si sa čô mnuih.)

Hră Y-Pôl Mơĭt kơ Phung Rôm 6:15

Snăn si ngă? Drei srăng ngă soh mơ̆ kyuadah drei amâo dôk ôh ti gŭ klei bhiăn ƀiădah dôk ti gŭ klei pap?

Hră Y-Pôl Mơĭt kơ Phung Rôm 7:14

Drei thâo kơ klei bhiăn jing myang; ƀiădah kâo jing kđeh, čhĭ leh jing hlŭn kơ klei soh.

I Kôrantô 10:19

Snăn ya čiăng lač klei anăn? Mnơ̆ng myơr leh kơ rup yang jing yuôm mơ̆? Amâodah rup yang anăn jing yuôm mơ̆?

I Kôrantô 14:15

Ya kâo srăng ngă? Kâo srăng wah lač hŏng mngăt ƀiădah wah lač hŏng klei thâo mĭn msĕ mơh. Kâo srăng mmuñ hŏng mngăt, ƀiădah kâo srăng mmuñ hŏng klei thâo săng msĕ mơh.

I Kôrantô 4:7

Kyuadah hlei ƀuh klei mdê ih hŏng phung mkăn? Ya klei ih mâo leh Aê Diê amâo tuôm brei kơ ih ôh? Tơdah ih mă tŭ leh klei anăn, si ngă ih bi mni kơ ih pô msĕ si ih ka tuôm mă tŭ ôh?

Galati 3:10

Kyuadah jih jang hlei pô knang kơ bruă tui si klei bhiăn dôk ti gŭ klei tăm pah; kyuadah Klei Aê Diê Blŭ čih leh, “Tăm pah hĕ kơ hlei pô amâo gưt leh anăn ngă tui si jih jang klei čih leh hlăm hdruôm hră klei bhiăn.”

Galati 3:22

Ƀiădah Klei Aê Diê Blŭ hưn jih jang mnuih dôk ti gŭ klei myang klei soh, čiăng kơ hŏng klei đăo kơ Yêsu Krist, klei Aê Diê ƀuăn dưi brei kơ phung đăo.

Philip 1:18

Măng ai ñu! Knŏng kâo mơak arăng mtô klei Krist, thâodah hŏng klei mgưt amâodah hŏng klei sĭt nik. Sĭt nik kâo srăng dôk mơak nanao.