Hră Y-Pôl Mơĭt kơ Phung Rôm 3:5 - Klei Aê Diê Blŭ 2015

⁵ Ƀiădah tơdah klei wê drei bi êdah klei kpă Aê Diê, ya drei srăng lač lĕ? Aê Diê wê mơ̆ tơdah Ñu bi kmhal drei? (Kâo blŭ msĕ si sa čô mnuih.)

Hră Y-Pôl Mơĭt kơ Phung Rôm 3:5 Iomraidhean Croise

Klei Mphŭn Dơ̆ng 18:25

Ih amâo ngă snăn ôh, bi mdjiê phung kpă ênô mbĭt hŏng phung ƀai. Tơdah snăn klei truh kơ phung kpă ênô jing msĕ si klei truh kơ phung ƀai. Ih amâo ngă snăn ôh, hơăi. Amâo djŏ hĕ Khua Phat Kđi jih lăn ala srăng ngă klei djŏ?”

Y-Yôp 8:3

Si ngă Aê Diê srăng bi msoh klei kpă ênô mơ̆? Amâodah Pô Mâo Jih Klei Myang bi msoh klei djŏ mơ̆?

Y-Nahum 1:2

Yêhôwa jing Aê Diê thâo trih leh anăn rŭ ênua, Yêhôwa rŭ ênua leh anăn bŏ hŏng klei ngêñ. Yêhôwa rŭ ênua kơ phung bi kdơ̆ng hŏng Ñu, leh anăn pioh klei ngêñ hŏng phung roh Ñu.

Hră Y-Pôl Mơĭt kơ Phung Rôm 12:19

Ơ phung kâo khăp, đăm rŭ ênua diih pô ôh, ƀiădah jao klei anăn kơ klei Aê Diê ngêñ. Kyuadah Klei Aê Diê Blŭ čih leh, “Klei rŭ ênua jing bruă kâo; kâo yơh srăng bi wĭt klei năng, Khua Yang lač.”

Hră Y-Pôl Mơĭt kơ Phung Rôm 2:5

Ƀiădah hŏng ai tiê khăng ih amâo thâo kmhal kơ klei soh ôh, ih mkăm klei ngêñ srăng truh kơ ih pô ti hruê klei ngêñ, tơdah klei Aê Diê phat kđi kpă srăng bi êdah.

Hră Y-Pôl Mơĭt kơ Phung Rôm 3:19

Drei thâo leh ya klei bhiăn lač, gơ̆ lač kơ phung dôk ti gŭ klei bhiăn, čiăng kơ jih jang ƀăng êgei dôk kriêp, leh anăn jih jang mnuih ti lăn ala srăng dôk ti gŭ klei Aê Diê phat kđi.

Hră Y-Pôl Mơĭt kơ Phung Rôm 3:7

Ƀiădah tơdah klei kâo luar bi êdah klă hĭn klei Aê Diê blŭ sĭt, leh anăn klei anăn bi guh kơang Aê Diê, si arăng ăt phat kđi kâo msĕ si sa čô mnuih soh lĕ?

Hră Y-Pôl Mơĭt kơ Phung Rôm 4:1

Snăn ya drei srăng lač djŏ kơ klei aê drei Y-Abraham mâo leh tui si kđeh êrah?

Hră Y-Pôl Mơĭt kơ Phung Rôm 5:8

Ƀiădah Aê Diê bi êdah klei Ñu khăp kơ drei snei, êjai drei ăt jing mnuih soh Krist djiê kyua drei.

Hră Y-Pôl Mơĭt kơ Phung Rôm 6:1

Snăn ya drei srăng lač lĕ? Drei srăng ăt ngă klei soh čiăng dưi mâo klei pap lu êbeh mơ̆?

Hră Y-Pôl Mơĭt kơ Phung Rôm 6:19

Kâo blŭ msĕ si mnuih kyuadah klei thâo săng diih điêt. Msĕ si hlăk êlâo diih jao leh jơ̆ng kngan diih kơ klei čhŏ leh anăn klei soh čiăng ngă soh lu hĭn nanao, snăn yơh ară anei jao bĕ jơ̆ng kngan diih kơ klei kpă ênô čiăng mâo klei doh jăk.

Hră Y-Pôl Mơĭt kơ Phung Rôm 7:7

Snăn ya drei srăng lač lĕ? Klei bhiăn anăn jing soh mơ̆? Hơăi, amâo djŏ ôh! Ƀiădah tơdah amâo mâo klei bhiăn ôh, kâo amâo dưi thâo kral klei soh ôh. Kâo amâo srăng thâo kral ôh ya jing klei tluh tơdah klei bhiăn amâo lač, “Đăm tluh ôh.”

Hră Y-Pôl Mơĭt kơ Phung Rôm 8:31

Snăn, ya drei srăng lač kơ klei anei lĕ? Tơdah Aê Diê dôk tĭng kơ drei, hlei pô dưi bi kdơ̆ng hŏng drei?

Hră Y-Pôl Mơĭt kơ Phung Rôm 9:30

Snăn ya drei srăng lač lĕ? Phung tue amâo tuôm tui duah ôh klei kpă ênô mâo leh klei kpă ênô, anăn jing klei kpă ênô mơ̆ng klei đăo.

I Kôrantô 15:32

Tơdah blŭ tui si mnuih, ya klei tŭ dưn kâo mâo tơdah kâo bi blah hŏng hlô dliê ti ƀuôn Êphêsô? Tơdah phung djiê amâo kbiă lŏ hdĭp ôh, “Brei drei huă ƀơ̆ng leh anăn mnăm, kyuadah mgi drei srăng djiê yơh.”

I Kôrantô 9:8

Kâo blŭ klei anei tui si kơhưm mnuih mơ̆? Amâo djŏ hĕ klei bhiăn lač msĕ snăn mơh?

II Kôrantô 6:4

ƀiădah hlăm jih jang klei hmei bi sĭt hmei jing dĭng buăl Aê Diê: hŏng klei gĭr snăk, hlăm klei knap mñai, hlăm klei dleh dlan, hlăm klei jŭ jhat,

II Kôrantô 7:11

Brei diih ksiêm ya klei ênguôt anăn tui si Aê Diê čiăng mjing leh hlăm diih: Ya klei hur har, ya klei čiăng bi sĭt klei diih jing êngeh, ya klei hƀŏk, ya klei bi huĭ, ya klei čiăng snăk, ya klei sĭt suôr, ya klei bi kmhal! Hlăm djăp mta, diih bi êdah leh diih pô amâo jing soh ôh hlăm bruă anăn.

Galati 2:18

Ƀiădah tơdah kâo lŏ mdơ̆ng klei kâo ruh leh, snăn kâo bi sĭt kơ kâo pô jing sa čô ngă soh.

Galati 3:15

Ơ phung ayŏng adei, kâo blŭ msĕ si arăng bhiăn blŭ snei: Tơdah dua čô mnuih ngă leh hră klei bi mguôp, amâo mâo mnuih dưi lăm ôh, kăn lŏ dưi thiăm rei.

Klei Bi Êdah 15:3

Diñu mmuñ klei mmuñ Y-Môis, dĭng buăl Aê Diê, leh anăn klei mmuñ Êđai Biăp, lač, “Bruă Ih prŏng leh anăn bi kngăr, Ơ Khua Yang Aê Diê, Pô Mâo Jih Klei Myang! Ơ Mtao kơ jih jang ênuk, êlan Ih kpă leh anăn sĭt nik!

Klei Bi Êdah 18:20

“Ơ adiê, hơ̆k mơak bĕ kyua ñu, Ơ phung doh jăk, phung khua ƀĭng kna, leh anăn phung khua pô hưn êlâo, kyuadah Aê Diê phat kđi ñu leh tui si bruă ñu ngă kơ diih!”