Hră Y-Pôl Mơĭt kơ Phung Rôm 3:4 - Klei Aê Diê Blŭ 2015

⁴ Hơăi, amâo dưi ôh! Aê Diê jing Pô sĭt, wăt tơdah jih jang mnuih jing phung luar, tui si Klei Aê Diê Blŭ čih leh: “Čiăng kơ Ih jing kpă hlăm klei Ih blŭ, leh anăn găl klei Ih hlăm klei phat kđi.”

Hră Y-Pôl Mơĭt kơ Phung Rôm 3:4 Iomraidhean Croise

Y-Yôp 36:3

Kâo mă klei thâo săng mơ̆ng anôk kbưi, čiăng yap Pô Hrih kâo jing kpă.

Y-Yôp 40:8

Ih srăng brei wăt Kâo jing soh mơ̆? Ih srăng yap Kâo soh čiăng ih dưi mâo klei yap kpă mơ̆?

Klei Mmuñ Hđăp 100:5

Kyuadah Yêhôwa jing jăk, klei khăp Ñu dôk hlŏng lar, leh anăn klei sĭt suôr Ñu ăt dôk hlăm jih jang ênuk.

Klei Mmuñ Hđăp 116:11

Kâo lač hlăm klei kâo rŭng răng, “Jih jang mnuih jing phung luar.”

Klei Mmuñ Hđăp 119:160

Jih jang klei Ih blŭ jing sĭt nik; djăp mta klei Ih mtă jing kpă ênô leh anăn dôk hlŏng lar.

Klei Mmuñ Hđăp 138:2

Kâo buôn kkuh phă sang yang doh jăk Ih, leh anăn bi mni kơ anăn Ih, kyua klei khăp leh anăn klei sĭt suôr Ih, kyuadah Ih bi mđĭ leh Anăn Ih leh anăn klei Ih blŭ ti dlông hĭn jih jang mnơ̆ng.

Klei Mmuñ Hđăp 51:4

Kâo ngă soh hŏng Ih, knŏng hŏng Ih yơh, leh anăn kâo ngă leh klei jhat ƀai ti anăp ală Ih; snăn Ih jing kpă tơdah Ih blŭ kđi, leh anăn amâo mâo klei arăng dưi ƀuah ôh tơdah Ih bi kmhal kâo.

Klei Mmuñ Hđăp 62:9

Phung mnuih arăng amâo mpŭ ôh jing msĕ si săp êwa, wăt phung mnuih arăng mpŭ jing hơăi mang mơh; tơdah ih mkă diñu ti knăng, diñu amâo yuôm ôh; diñu hdjul hĭn kơ săp êwa.

Y-Mika 7:20

Ih srăng bi êdah klei sĭt suôr kơ Y-Yakôp, leh anăn klei jăk kơ Y-Abraham, msĕ si Ih kat asei leh kơ phung aê hmei hlăm ênuk đưm đă.

Y-Mathiơ 11:19

Anak Mnuih hriê leh ƀơ̆ng huă mnăm, leh anăn diñu lač, ‘Nĕ anei, sa čô ră ƀơ̆ng leh anăn ră mnăm, mah jiăng hŏng phung rĭng jia leh anăn phung soh.’ Ƀiădah arăng yap kpă klei thâo mĭn ti bruă ñu ngă.”

Y-Luk 20:16

Pô anăn srăng hriê bi mdjiê hĕ phung mưn anăn, leh anăn jao đang boh kriăk ƀâo kơ phung mkăn.” Tơdah phung ƀuôn sang hmư̆ klei anăn, diñu lač, “Hơăi, brei Aê Diê ghă klei anăn!”

Y-Yôhan 3:33

Hlei pô tŭ klei Ñu hưn, bi sĭt kơ Aê Diê jing sĭt.

Hră Y-Pôl Mơĭt kơ Phung Rôm 11:1

Snăn kâo êmuh, Aê Diê hngah leh mơ̆ kơ phung ƀuôn sang Ñu? Hơăi, amâo tuôm ôh! Kâo pô yơh jing sa čô Israel, anak čô Y-Abraham, sa čô mơ̆ng găp djuê Ƀenjamin.

Hră Y-Pôl Mơĭt kơ Phung Rôm 11:11

Snăn kâo êmuh, djŏ mơ̆ diñu têč hnêč leh tơl êbuh leh anăn rai luč? Hơăi, amâo djŏ ôh! Ƀiădah kyua klei diñu gao klei bhiăn, klei bi mtlaih truh leh kơ phung tue, čiăng bi mčhur brei phung Israel nač.

Hră Y-Pôl Mơĭt kơ Phung Rôm 3:31

Snăn hŏng klei đăo drei mdlưh hĕ klei bhiăn mơ̆? Hơăi, amâo djŏ ôh! Boh nik nak drei krơ̆ng klei bhiăn.

Hră Y-Pôl Mơĭt kơ Phung Rôm 6:15

Snăn si ngă? Drei srăng ngă soh mơ̆ kyuadah drei amâo dôk ôh ti gŭ klei bhiăn ƀiădah dôk ti gŭ klei pap?

Hră Y-Pôl Mơĭt kơ Phung Rôm 6:2

Hơăi, amâo djŏ ôh! Si drei phung djiê leh kơ klei soh ăt dôk hdĭp hlăm klei soh lĕ?

Hră Y-Pôl Mơĭt kơ Phung Rôm 7:13

Snăn klei jăk bi truh klei djiê kơ kâo mơ̆? Hơăi, amâo djŏ ôh! Ƀiădah jing klei soh yơh yua klei jăk bi mdjiê kâo, čiăng kơ klei soh dưi bi êdah jing klei soh, leh anăn kyua klei mtă klei soh dưi jing kjham hĭn.

Hră Y-Pôl Mơĭt kơ Phung Rôm 7:7

Snăn ya drei srăng lač lĕ? Klei bhiăn anăn jing soh mơ̆? Hơăi, amâo djŏ ôh! Ƀiădah tơdah amâo mâo klei bhiăn ôh, kâo amâo dưi thâo kral klei soh ôh. Kâo amâo srăng thâo kral ôh ya jing klei tluh tơdah klei bhiăn amâo lač, “Đăm tluh ôh.”

Hră Y-Pôl Mơĭt kơ Phung Rôm 9:14

Snăn ya drei srăng lač lĕ? Mâo mơ̆ klei amâo mâo kpă hlăm Aê Diê? Hơăi, amâo mâo ôh!

I Kôrantô 6:15

Diih amâo thâo hĕ kơ asei mlei diih jing jơ̆ng kngan Krist? Snăn kâo srăng mă mơ̆ jơ̆ng kngan Krist leh anăn mjing jơ̆ng kngan sa čô mniê knhông? Hơăi, amâo dưi ôh!

II Kôrantô 1:18

Sĭt nik msĕ si Aê Diê jing sĭt suôr, klei hmei blŭ kơ diih leh amâo jing Ơ leh anăn Ơ ơh.

Galati 2:17

Ƀiădah tơdah êjai hmei duah klei yap kpă hlăm Krist, arăng ƀuh hmei jing phung soh, snăn Krist jing dĭng buăl kơ klei soh mơ̆? Hơăi, amâo djŏ snăn ôh!

Galati 2:21

Kâo amâo yap ôh klei Aê Diê pap jing hơăi mang; kyuadah tơdah arăng dưi mâo klei yap kpă hŏng klei bhiăn, snăn klei Krist djiê jing hơăi mang yơh.

Galati 6:14

Bi kơ kâo, kâo amâo srăng bi mni kơ kâo pô ôh, knŏng hlăm kyâo bi kal Khua Yang drei Yêsu Krist. Hŏng kyâo bi kal lăn ala djiê leh kơ kâo, leh anăn kâo djiê leh kơ lăn ala.

Klei Mtô Mñă Klei Bhiăn 32:4

Ñu jing Boh Tâo Prŏng, bruă Ñu jing klă, kyuadah jih jang êlan Ñu jing kpă. Aê Diê Pô sĭt suôr leh anăn amâo mâo klei wê ôh, Ñu jing kpă leh anăn djŏ.

I Y-Timôthê 3:16

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

Y-Tit 1:2

hlăm klei čang hmăng kơ klei hdĭp hlŏng lar Aê Diê ƀuăn leh mơ̆ng lu ênuk êlâo — Ñu amâo tuôm luar ôh.

Hêbrơ 6:18

Čiăng kơ hŏng dua klei amâo thâo mlih ôh, leh anăn hlăm dua klei anăn Aê Diê amâo dưi luar ôh, phung drei đuĕ dăp leh hlăm Ñu dưi mâo klei bi mđĭ ai ktang čiăng djă pioh klei čang hmăng Aê Diê ƀuăn leh kơ drei.

I Y-Yôhan 5:10

Hlei pô đăo kơ Anak Aê Diê mâo klei hưn bi sĭt anăn hlăm ñu pô. Hlei pô amâo đăo kơ Aê Diê ôh, mjing Aê Diê luar, kyuadah pô anăn amâo đăo ôh kơ klei Aê Diê hưn bi sĭt leh djŏ kơ Anak Ñu.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.

Klei Bi Êdah 3:7

“Čih bĕ kơ dĭng buăl jăk Phung Sang Aê Diê ti ƀuôn Philađelphi snei: Nĕ snei Pô doh jăk lač, Pô sĭt nik, Pô mâo kliăng Y-Đawit; Ñu pŏk leh anăn amâo mâo pô kđăl ôh, Ñu kđăl leh anăn amâo mâo pô pŏk ôh: