Hră Y-Pôl Mơĭt kơ Phung Rôm 3:30 - Klei Aê Diê Blŭ 2015

³⁰ kyuadah mâo knŏng sa čô Aê Diê. Ñu srăng yap kpă phung khăt klĭt hŏng klei đăo leh anăn phung amâo khăt klĭt hŏng klei đăo anăn mơh.

Hră Y-Pôl Mơĭt kơ Phung Rôm 3:30 Iomraidhean Croise

Hră Y-Pôl Mơĭt kơ Phung Rôm 2:26

Snăn tơdah mnuih ka khăt klĭt ôh gưt ya klei bhiăn mtô, amâo djŏ hĕ Aê Diê srăng yap klei ñu ka khăt klĭt msĕ si khăt klĭt leh?

Hră Y-Pôl Mơĭt kơ Phung Rôm 2:27

Snăn phung amâo mâo khăt klĭt tui si kđeh ƀiădah gưt klei bhiăn srăng phat kđi ih, pô mâo hră klei bhiăn leh anăn klei khăt klĭt ƀiădah gao klei bhiăn.

Hră Y-Pôl Mơĭt kơ Phung Rôm 3:22

jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

Hră Y-Pôl Mơĭt kơ Phung Rôm 3:28

Kyuadah drei đăo mnuih mâo klei yap kpă hŏng klei đăo, amâo djŏ hŏng bruă klei bhiăn ôh.

Hră Y-Pôl Mơĭt kơ Phung Rôm 4:16

Kyuanăn klei ƀuăn knang kơ klei đăo, čiăng kơ klei ƀuăn dưi truh hŏng klei pap leh anăn rơ̆ng pioh sĭt kơ jih jang phung anak čô Y-Abraham, amâo djŏ ôh knŏng kơ phung gưt klei bhiăn, ƀiădah wăt kơ phung mâo klei đăo msĕ si Y-Abraham, kyuadah ñu jing ama kơ jih jang drei.

Hră Y-Pôl Mơĭt kơ Phung Rôm 4:9

Djŏ mơ̆ klei hơêč hmưi klei jăk jĭn anăn knŏng kơ phung khăt klĭt, amâodah wăt kơ phung amâo khăt klĭt? Drei lač Aê Diê yap klei Y-Abraham đăo jing klei kpă kơ ñu.

Galati 3:20

Amâo yuôm ôh mâo pô ti krah tơdah mâo knŏng sa čô; leh anăn Aê Diê jing sa čô.

Galati 3:28

Amâo lŏ yap mdê ôh phung Yuđa hŏng phung Grĕk, phung hlŭn hŏng phung êngiê, phung êkei hŏng phung mniê; kyuadah jih jang diih jing leh sa hlăm Krist Yêsu.

Galati 3:8

Leh anăn Klei Aê Diê Blŭ hưn leh êlâo kơ Aê Diê srăng yap kpă phung tue hŏng klei đăo, snăn Klei Aê Diê Blŭ anăn mtô leh êlâo klei mrâo mrang jăk kơ Y-Abraham, lač, “Hlăm ih jih jang găp djuê mnuih srăng mâo klei jăk jĭn.”

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Galati 6:15

Kyuadah klei khăt klĭt amâo jing yuôm ôh, amâodah klei amâo khăt klĭt kăn jing yuôm rei, knŏng klei jing mnuih Aê Diê hrih mrâo jing yuôm.

Klei Mtô Mñă Klei Bhiăn 6:4

Hmư̆ bĕ, Ơ phung Israel: Knŏng hjăn Yêhôwa jing Aê Diê drei;

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

I Y-Timôthê 2:5

Kyuadah mâo knŏng sa čô Aê Diê leh anăn knŏng sa čô Pô ti krah Aê Diê hŏng mnuih, jing Krist Yêsu, mnuih,