Hră Y-Pôl Mơĭt kơ Phung Rôm 3:22 - Klei Aê Diê Blŭ 2015

²² jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

Hră Y-Pôl Mơĭt kơ Phung Rôm 3:22 Iomraidhean Croise

Y-Êsai 61:10

Kâo srăng hơ̆k mơak snăk hlăm Yêhôwa; mngăt kâo srăng bŏ hŏng klei hơ̆k kdơ̆k hlăm Aê Diê kâo. Kyuadah ñu bi hơô leh kâo hŏng čhiăm ao klei bi mtlaih, ñu guôm leh kâo hŏng ao jhung klei kpă ênô, msĕ si êkei dôk mô̆ mprăp ñu pô hŏng kwang mnga, msĕ si sa čô mniê dôk ung mprăp ñu pô hŏng boh tâo yuôm ñu.

Y-Yêrêmi 23:6

Hlăm ênuk Gơ̆ phung Yuđa srăng mâo klei bi mtlaih, leh anăn phung Israel srăng dôk hlăm klei hơĭt. Anei anăn arăng srăng pia kơ Ñu: ‘Yêhôwa Klei Kpă Ênô Drei.’ ”

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Y-Luk 15:22

Ƀiădah ama ñu lač kơ phung dĭng buăl gơ̆, ‘Mă ba bĕ bi djăl ao jhung siam hĭn leh anăn bi hơô ñu. Čŭt krah ti kđiêng ñu, leh anăn čŭt hdruôm jơ̆ng kơ ñu.

Bruă Phung Khua Ƀĭng Kna 11:12

Yang Mngăt Jăk hưn kơ kâo brei kâo nao mbĭt hŏng diñu đăm ngă kĭ kơ̆ ôh. Phung năm čô ayŏng adei anei nao mbĭt hŏng kâo mơh, leh anăn hmei mŭt hlăm sang Y-Kornei.

Bruă Phung Khua Ƀĭng Kna 15:9

Ñu amâo yap mdê ôh phung drei hŏng phung digơ̆, ƀiădah Ñu bi doh ai tiê digơ̆ hŏng klei digơ̆ đăo.

Bruă Phung Khua Ƀĭng Kna 3:16

Klei đăo hlăm anăn Ñu yơh bi ktang leh mnuih anei, pô diih ƀuh leh anăn thâo kral. Klei đăo mơ̆ng Yêsu brei êkei anei hlao leh ti anăp jih jang diih.

Hră Y-Pôl Mơĭt kơ Phung Rôm 1:17

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

Hră Y-Pôl Mơĭt kơ Phung Rôm 10:12

Kyuadah amâo mâo klei mdê ôh phung Yuđa hŏng phung Grĕk. Khua Yang anăn jing Khua Yang kơ jih jang leh anăn brei klei mdrŏng Ñu kơ jih jang phung iêô wah lač kơ Ñu.

Hră Y-Pôl Mơĭt kơ Phung Rôm 10:4

Kyuadah Krist bi ruê̆ klei bhiăn, čiăng bi mâo klei kpă ênô kơ jih jang hlei pô đăo.

Hră Y-Pôl Mơĭt kơ Phung Rôm 2:1

Kyuanăn, Ơ mnuih, măng ai hlei ih jing, tơdah ih phat kđi arăng, ih amâo dưi mgang ih pô ôh. Kyuadah êjai ih phat kđi arăng, ih bi kmhal ih pô yơh; kyuadah ih jing pô phat kđi ƀiădah ngă msĕ.

Hră Y-Pôl Mơĭt kơ Phung Rôm 3:30

kyuadah mâo knŏng sa čô Aê Diê. Ñu srăng yap kpă phung khăt klĭt hŏng klei đăo leh anăn phung amâo khăt klĭt hŏng klei đăo anăn mơh.

Hră Y-Pôl Mơĭt kơ Phung Rôm 4:16

Kyuanăn klei ƀuăn knang kơ klei đăo, čiăng kơ klei ƀuăn dưi truh hŏng klei pap leh anăn rơ̆ng pioh sĭt kơ jih jang phung anak čô Y-Abraham, amâo djŏ ôh knŏng kơ phung gưt klei bhiăn, ƀiădah wăt kơ phung mâo klei đăo msĕ si Y-Abraham, kyuadah ñu jing ama kơ jih jang drei.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Hră Y-Pôl Mơĭt kơ Phung Rôm 9:30

Snăn ya drei srăng lač lĕ? Phung tue amâo tuôm tui duah ôh klei kpă ênô mâo leh klei kpă ênô, anăn jing klei kpă ênô mơ̆ng klei đăo.

I Kôrantô 12:13

Kyuadah hŏng sa Yang Mngăt Jăk jih jang drei tŭ leh klei ƀaptem bi mguôp hlăm sa asei mlei — phung Yuđa amâodah phung Grĕk, phung hlŭn amâodah phung êngiê — leh anăn Aê Diê brei jih jang drei mnăm sa Yang Mngăt Jăk anăn.

I Kôrantô 4:7

Kyuadah hlei ƀuh klei mdê ih hŏng phung mkăn? Ya klei ih mâo leh Aê Diê amâo tuôm brei kơ ih ôh? Tơdah ih mă tŭ leh klei anăn, si ngă ih bi mni kơ ih pô msĕ si ih ka tuôm mă tŭ ôh?

Galati 2:16

Ƀiădah hmei thâo leh Aê Diê yap mnuih kpă amâo djŏ kyua bruă tui si klei bhiăn ôh, ƀiădah hŏng klei đăo kơ Yêsu Krist. Wăt hmei pô mơh đăo leh kơ Krist Yêsu, čiăng dưi mâo klei yap kpă hŏng klei đăo kơ Krist, amâo djŏ hŏng bruă tui si klei bhiăn ôh, kyuadah arăng amâo dưi mâo ôh klei yap kpă hŏng bruă tui si klei bhiăn.

Galati 2:20

Arăng pơ̆ng leh kâo ti kyâo bi kal mbĭt hŏng Krist; snăn amâo djŏ ôh kâo pô dôk hdĭp, ƀiădah Krist dôk hdĭp hlăm kâo. Leh anăn klei kâo dôk hdĭp hlăm kđeh ară anei, jing kâo dôk hdĭp hŏng klei đăo kơ Anak Aê Diê, Pô khăp kơ kâo leh anăn jao leh Ñu pô kyua kâo.

Galati 3:22

Ƀiădah Klei Aê Diê Blŭ hưn jih jang mnuih dôk ti gŭ klei myang klei soh, čiăng kơ hŏng klei đăo kơ Yêsu Krist, klei Aê Diê ƀuăn dưi brei kơ phung đăo.

Galati 3:28

Amâo lŏ yap mdê ôh phung Yuđa hŏng phung Grĕk, phung hlŭn hŏng phung êngiê, phung êkei hŏng phung mniê; kyuadah jih jang diih jing leh sa hlăm Krist Yêsu.

Êphêsô 3:12

Hlăm Krist anăn drei mâo klei jhŏng leh anăn klei knang dưi nao giăm Aê Diê hŏng klei drei đăo kơ Krist.

Philip 3:9

leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;

Kôlôs 3:11

Hlăm mnuih mrâo anei, amâo yap mdê ôh phung Grĕk amâodah phung Yuđa, mnuih tŭ klei khăt klĭt amâodah mnuih amâo tŭ klei khăt klĭt, mnuih dliê, mnuih Sit, mnuih hlŭn, mnuih êngiê, ƀiădah Krist jing jih hlăm jih jang.

Y-Yakơ 2:23

snăn bi sĭt Klei Aê Diê Blŭ čih leh, “Y-Abraham đăo kơ Aê Diê, leh anăn kyua klei anăn Aê Diê yap ñu kpă.” Leh anăn Klei Aê Diê Blŭ pia kơ ñu mah jiăng Aê Diê.